💞പവിത്രബന്ധം💞 [പ്രണയരാജ]💞 229

നീ വല്ലതും കഴിച്ചിരുന്നോ….

ഇല്ല,

ഞാനും, അപ്പോ ആദ്യം വിശപ്പു തീർക്കാം പിന്നെ സംസാരിക്കാം

ജഗൻ…. പ്ലീസ്… ടാ…

ചിണുങ്ങാതെ ഇറങ്ങെടി പെണ്ണേ…..

അതും പറഞ്ഞ് ജഗൻ റെസ്റ്റുറൻ്റിലേക്കു കയറി. വേറെ വഴിയില്ലാതെ അവളും അവനൊപ്പം ഓടിക്കയറി.

ജഗൻ ഭക്ഷണം ഓഡർ ചെയ്ത് അവളുടെ മുഖത്തേക്കു നോക്കിയപ്പോ… അവൾ മുഖം വീർപ്പിച്ചിരിക്കുകയാണ്

എന്താടി മുഖം കടന്നൽ കുത്തിയ പോലെ

ഒന്നുമില്ല…

ദേ… ഞാനൊന്നു തന്നാലുണ്ടല്ലോ..

അതിനവൾ മുഖം വെട്ടിച്ചു കാണിച്ചതും അവനു ചിരി പൊട്ടി.

ആവണി… നീയൊന്ന് കൂളായേ…..

എനിക്കു പറ്റണില്ല ജഗൻ , ഞാനിവിടെ ടെൻഷനടിച്ചു നിക്കാ…

എന്തിന്,

രാവിലെ പെട്ടെന്നു വന്ന് കൂടെ പോരാൻ പറയാ… ചോദിച്ചിട്ടാണേ… ഒന്നും പറയുന്നില്ല.

നിനക്കെന്നെ വിശ്വാസമില്ലെ ആവണി,

ജഗൻ, പ്ലീസ്, ബോർ ആവുന്നുണ്ട് ഇതിടക്കിടെ പറയണ്ട, അല്ലെ തന്നെ നിൻ്റെ കൂടെ എവിടെ വരുന്നേനും എനിക്കൊരു പേടിയുമില്ല. പിന്നെ നിൻ്റെ ആവശ്യം മാനിച്ചിട്ടാ… ഞാനും അകലം പാലിക്കുന്നത്

എൻ്റെ ആവണി, നീ പറഞ്ഞു കാടു കയറണ്ട, കുറെ പറയാനുണ്ട്. ഭക്ഷണം കഴിഞ്ഞ് എത്തേണ്ട ഇടത്ത് എത്തിയിട്ട് , ഞാൻ ഒക്കെ പറയാം അതുവരെ ഒന്ന് വെയ്റ്റ് ചെയ്യ്.

ഒക്കെ,

പിന്നെ ഇന്ന് നീയും ഞാനും കോളേജ് ലീവാണ്

ജഗൻ, ഇന്ന് മെയിൻ ചാപ്റ്റർ തുടങ്ങുമെടാ…

ദേ… ഞാൻ പറഞ്ഞു.

നിൻ്റെ ഇഷ്ടം എന്താ… വെച്ചാ…ആയിക്കോ… ഇന്നൊരു ദിവസം മാത്രം

മതി, നാളെ നമുക്കൊരുമിച്ചു പോവാം.

ജഗൻ ആ കാറാരുടെയാ…..

എൻ്റെ ഫ്രണ്ടിൻ്റെയാ… സാധനങ്ങൾ ഉള്ളതല്ലെ അതാ…

ഈ സമയം ഭക്ഷണം വന്നതും ഞങ്ങൾ കഴിക്കാൻ തുടങ്ങി. ഞാൻ ആ സമയം കൂടുതൽ അവളെ തന്നെ ശ്രദ്ധിച്ചു. കോഴികൾ ചിക്കി ചികഞ്ഞു തിന്നുന്നത് പോലെ. അവൾ ആഹാരം കഴിക്കുന്നത്  കാണാൻ പ്രത്യേക രസം.

ഞാൻ നോക്കി നിക്കുന്നത് കണ്ട് , അവൾ എന്നോട് എന്തേ എന്ന് മിഴികൾ ഉയർത്തി ചോദിച്ചപ്പോ ചുമലുകൾ കൂച്ചി കൊണ്ട് ഒന്നുമില്ലെന്നും ഞാൻ പറഞ്ഞു. ആ സമയം അറിയാതെ ഞങ്ങൾ പരസ്പരം ചിരിച്ചു പോയി.

( തുടരും…..)