💞പവിത്രബന്ധം💞 [പ്രണയരാജ]💞 229

അതല്ല ജഗൻ , അങ്ങനൊരു സാഹചര്യത്തിൽ കണ്ടിട്ടും ,ഞാൻ പറഞ്ഞ കുറച്ചു കാര്യം, നമ്മൾ അതികം സംസാരിച്ചിട്ടു പോലുമില്ല. പക്ഷെ എന്നെ നീ വിശ്വസിച്ചു, ഇപ്പോ എന്നെ നീ ഭ്രാന്തമായി പ്രണയിക്കുന്നു. എനിക്കൊന്നും മനസിലാവുന്നില്ല.

ആവണി, അന്നു നീ പറഞ്ഞത് പൂർണ്ണമായി ഞാൻ വിശ്വസിച്ചിരുന്നില്ല.

അതു കേട്ടപ്പോ അവളുടെ മുഖമൊന്നു വാടി..

എന്താടി പെണ്ണേ അപ്പോഴേക്കും മുഖം വാടിയോ…

അത്… ജഗൻ,

എടി, അന്നു നീ പറഞ്ഞ വാക്കുകളിൽ സത്യം ഉള്ള പോലെ തോന്നി, നീ ഒഴുക്കിയ കണ്ണീരിൽ നേരുള്ള പോലെ.

അന്നു ഞാൻ പണം തരാം എന്നു പറഞ്ഞത് കള്ളമല്ല, നീ പറഞ്ഞത് കള്ളമായിരുന്നെങ്കിലും ആ കാശ് ഞാൻ തന്നേനെ, പക്ഷെ നിൻ്റെ കയ്യിൽ തരില്ല.

പിന്നെ,

ഞാൻ അന്നു വന്നു ഫീസ് അടച്ചില്ലെ അതു പോലെ അടച്ചേനെ.

അപ്പോ എന്നെ വിശ്വാസമായതെങ്ങനെയാ ജഗൻ അതു പറ.

അന്നു നമ്മൾ പിരിഞ്ഞ രാത്രി, മുറിയിൽ കിടന്നിട്ട് എനിക്കുറക്കം വന്നില്ല, ആ സമയം മൊത്തം ഞാൻ നിൻ്റെ ഓർമ്മകളുമായി കിടന്നു. എപ്പോ ഞാൻ ഒന്നു മനസിലാക്കി ആവണി നീയെൻ്റെ മനസു കീഴടക്കിയെന്ന് .

പിന്നെ ഒരു തരം പരവേശമായിരുന്നു എനിക്ക്. നീ പറഞ്ഞു തന്നതു വെച്ച് നിൻ്റെ നാട്ടിലെ വിവരം സുഹൃത്തിനെ വിളിച്ചു അന്വേഷിച്ചു. നിൻ്റെ അച്ഛൻ ആക്സിഡൻ്റ് ആയി കിടപ്പിലാണെന്നും നിൻ്റെ കുടുംബാന്തരീക്ഷവും ഞാൻ മനസിലാക്കി.

നിൻ്റെ ക്ലാസിലെ എനിക്കറിയാവുന്ന ബോയിസിനെയും രാത്രി ഞാൻ പോയി കണ്ടു നിന്നെ കുറിച്ച് അന്വേഷിച്ചു.

എന്നിട്ടവരെന്തു പറഞ്ഞു ജഗൻ

അതൊരു പാവം മിണ്ടാ..പൂച്ചയാണെന്നും, പഠിപ്പിൽ പുലിയാണെന്നും, പൈസയില്ലാതെ കഷ്ടപ്പെട്ട് പിച്ച തെണ്ടി ക്ലാസിലലയുവാണെന്നും പറഞ്ഞു മോളെ

പോടാ….. എന്നെ കളിയാക്കുവാ , അല്ലെ

അല്ല, ആവണി അവരുടെ വാക്കുകൾ കൂടി കേട്ടപ്പോ നിന്നെ എനിക്കു പൂർണ്ണ വിശ്വാസമായി, ഒപ്പം ഉള്ളിലെ സ്നേഹവും കൂടി.

പഠിക്കാൻ വേണ്ടി ഒരു വഴിയുമില്ലാതെ നീ നേരിടേണ്ടി വന്ന സാഹചര്യം അതോർത്തപ്പോ തന്നെ എൻ്റെ ചങ്കാ… പിടഞ്ഞത്, അതാ പുലർച്ചക്കു തന്നെ ഞാൻ കാശൊക്കെ റെഡിയാക്കി വെച്ചത്.

എനി നീ ഒരിക്കലും ബുദ്ധിമുട്ടാൻ പാടില്ല, നിന്നെ ഞാൻ നോക്കുമെടി, പൊന്നു പോലെ.

അവൾ പതിയെ അവൻ്റെ തലമുടി കൊതി, പിന്നെ ആ നെറുകയിൽ സ്നേഹചുംബനം ചാർത്തി ,ആ നിമിഷം അവളുടെ മിഴികളിൽ നിന്നും അടർന്നു വീണ കണ്ണുനീർ തുള്ളി അവനോടു പറഞ്ഞു അവളുടെ പ്രണയത്തിൻ്റെ ആഴം.

അയ്യേ… എൻ്റെ ചുന്ദരിക്കുട്ടി കരയുവാ….

തൻ്റെ മിഴികൾ തുടച്ചു കൊണ്ടവൾ പറഞ്ഞു.

ഏയ്, കണ്ണിൽ കരടുപോയതാ ജഗൻ

ചിരിച്ചു കൊണ്ടവൻ അതിനു മറുപടി നൽകി,

ഈ കരടു വീഴൽ കുറച്ചു കൂടുതലാട്ടോ തനിക്ക്