?പവിത്രബന്ധം? [പ്രണയരാജ]? 229

അതെന്താ… ഇങ്ങനെ

ഉം, എന്തേ….

സാധാരണ വെക്കാൻ സമ്മതിക്കാത്തതാണല്ലോ….

ഇന്നു കുറച്ചു പണിയുണ്ട് നാളെ കാണാം

ജഗൻ പിണങ്ങിയോ നീ….

എൻ്റെ പൊന്നിനോട് ഞാൻ പിണങ്ങുമോ.. ഇത് അത്യാവശ്യകാര്യമാ…. ഞാൻ നാളെ രാവിലെ വിളിക്കാം.

അതും പറഞ്ഞ് ജഗൻ കോൾ കട്ട് ചെയ്തു. അത് ആവണിക്കൊത്തിരി സങ്കടമാവുകയും ചെയ്തു. അവൾ ഫോൺ മേശപ്പുറത്ത് വെച്ചു കട്ടിലിൽ കിടന്നു. പുറത്തെ ഒച്ചപ്പാടുകൾ കെട്ടടങ്ങിയിട്ടുണ്ട്. അവൾക്ക് ഉള്ളിൽ ചെറിയ ഭയമുണ്ട്, അതവൾ പുറത്തു കാട്ടുന്നില്ല എന്നു മാത്രം. രാത്രി എപ്പോഴോ അവൾ കിടന്നുറങ്ങി.

?????

രാവിലെ സമയം 7 മണി, ആവണിയുടെ റൂമിൻ്റെ  വാതിൽ ആരോ തട്ടി വിളിക്കുന്നു.

ആവണി വാതിൽ തുറക്കു കുട്ടി.

ശബ്ദം കേട്ടപ്പോ ആളെ തിരിച്ചറിഞ്ഞ ആവണി വാതിൽ തുറന്നു.

കുട്ടിയുടെ ചേട്ടൻ കാണാൻ വന്നിട്ടുണ്ട്

ചേട്ടനോ….

അതെ ചേട്ടൻ എന്നാ പറഞ്ഞത്, പേര് ജഗൻ

ജഗൻ…..

ഒരു നിമിഷം അവൾ , അന്തം വിട്ടു നിന്നു പോയി, രാവിലെ തന്നെ ജഗൻ വന്നതെന്തിനാണെന്നറിയാതെ അവൾ വിസിറ്റേർസ് റൂമിലേക്കോടി.

അവിടെ ബ്ലൂ ഷെർട്ടും ബ്ലാക്ക് ജീൻസും ഒരു കൂളിംഗ് ഗ്ലാസും വെച്ച് കാലിൽ  കാലു കയറ്റി സ്റ്റൈൽ ആയി ഇരിക്കുന്ന ജഗനെയാണവൾ കണ്ടത്, അവനടുത്തേക്ക് പോവുമ്പോ… തന്നെ   അവൾ കൈ കൊണ്ട് സൂപ്പർ എന്നു കാണിച്ചു അതു കണ്ട് ചിരിച്ചു കൊണ്ട് തന്നെ അവൻ എഴുന്നേറ്റു നിന്നു.

ജഗൻ എന്താ… ഇവിടെ എന്താ…പ്രശ്നം.

നീ…. നിൻ്റെ സാധനങ്ങൾ ഒക്കെ എടുത്തിട്ടു വാ….

എന്തിനാ… ജഗൻ,

എനി, നീ ഇവിടെ താമസിക്കുന്നില്ല.

ജഗൻ അത്,

നിനക്കെൻ്റെ കൂടെ വരാൻ ഇഷ്ടമല്ലെങ്കിൽ വേണ്ട, ഞാൻ പൊക്കോളാം

കുറച്ചു നേരം അവൾ ചിന്തിച്ചു നിൽക്കുന്നതു കണ്ട് പുറത്തേക്കു പോവാൻ തുനിഞ്ഞ അവനെ അവൾ തടഞ്ഞു.

ജഗൻ, ഞാൻ വരാം..

അവൾ മുറിയിൽ പോയി തൻ്റെ സാധനങ്ങൾ ഒക്കെ പാക്ക് ചെയ്തു വരുമ്പോയേക്കും ജഗൻ ഫോർമാലിറ്റിസ്  ഒക്കെ തീർത്തിരുന്നു. അവളുടെ ബാഗുകൾ അവൻ വാങ്ങി, പുറത്തേക്കു നടന്നു. അവനു പിറകെ , അവളും.

പുറത്ത് നിർത്തിയിട്ട കാറിൻ്റെ ഡിക്കിയിൽ അവൻ ബാഗുകൾ വെക്കുമ്പോ… അവൾ അവനെ തന്നെ നോക്കി നിൽക്കുകയായിരുന്നു.

ഇതേ സമയം മറ്റു ചില മിഴികൾ ആ കാഴ്ച്ച ദേഷ്യത്തോടെ കാണുകയായിരുന്നു. അവരുടെ മിഴികളിൽ പ്രതീക്ഷകൾ നഷ്ടപ്പെട്ടതിൻ്റെ അമർഷം കാണാം.