ഒരുമയിലെ സമ്മർദി! [PK] 516

മുത്തശ്ശന്റെയടുത്തിരിക്കുന്നു. അവരോട്

അത്രയ്ക്ക് അടുപ്പമായിട്ടില്ല… മുത്തശ്ശൻ

കഥ പറയുകയായിരിക്കും. അവനതൊന്നും

പകുതി പോലും മനസിലാവില്ലെങ്കിലും

വെറുതെ കേട്ടിരിക്കാറുണ്ട്. ഇപ്പോ ഇനി

എന്തായാലും ചോദിക്കണം….മുത്തശ്ശി തണുപ്പിച്ച് കൊടുത്ത ചായയുമായി അവനും മുത്തശ്ശനോട് ചേർന്നിരുന്നു.

 

““എടാ..ഉണ്ണിക്കുട്ടാ നിനക്കറിയ്യോ ….

നമ്മുടെ മഹാബലിത്തമ്പുരാന്റെ കഥ””

മുത്തശ്ശൻ അച്ചൻ കൊടുത്ത സിഗററ്റ്

ഒരെണ്ണം വലിച്ച് തീർത്ത്കൊണ്ട് ചൂട് ചായ

ഊതി കുടിച്ചു. മിലിട്ടറി മുത്തശ്ശന് വിദേശ

സിഗററ്റാണ് പ്രധാന ദൗർബല്യം.

 

“പറ പറ മുത്തശ്ശാ” ഗുളു ഗുളുവും

അനിക്കുട്ടനും ചുമ്മാ ബഹളമിട്ടു.

 

““നിങ്ങക്കതൊക്കെ അറിയാലോ…

ഞാനിത് ഉണ്ണിക്കുട്ടന് വേണ്ടിയാ

പറയുന്നേ…”” മുത്തശ്ശൻ ഉണ്ണിക്കുട്ടന്റെ

മനസ് വായിച്ചെന്ന പോലെ ഇംഗ്ലീഷ്

കലർന്ന മലയാളത്തിൽ കഥ പറഞ്ഞു…..

 

കറുത്ത തൊലിയുള്ള അസുരരാജാവിന്റെ

വെളുത്ത മനസിനെ ചൂഷണം ചെയ്ത

ഐതിഹ്യ കഥ ഉണ്ണിക്കുട്ടൻ വാ പൊളിച്ച്

ശ്രദ്ധയോടെ കേട്ടു…..പക്ഷെ കാർഷിക

സംസ്കാരത്തിലെ പഞ്ഞമാസം കഴിഞ്ഞ്

വരുന്ന സമൃദ്ധകാലം ആഘോഷിക്കാൻ

ജനങ്ങൾ പാരമ്പര്യമായി പറഞ്ഞു വന്ന

ഒരു പാട് കഥകളും മുത്തശ്ശൻ പറഞ്ഞു.