ഒരു യാത്ര [ജസ്‌ഫീർ] 144

അവനെ കെട്ടിപിടിച്ചു പുറകിലൊരു പെൺകുട്ടിയും… !!

കാറിനെ ഓവർടേക്ക് ചെയ്തു കയറി പോകുന്ന ആ ബൈക്ക് ഞാൻ സൂക്ഷിച്ചു നോക്കി…  പെട്ടന്നവൻ എന്റെ മുഖത്തെക്കു നോക്കി..  അവന്റെ കണ്ണുകളിൽ ഒരു പുച്ഛഭാവം..  ചുണ്ടുകളിൽ അന്നത്തെ കുസൃതി ചിരി കാണാനില്ല..  പകരം പേരറിയാത്തൊരു ചിരി..

പിന്നിൽ ഇരിക്കുന്നവൾ ഒന്നുമറിയുന്നില്ലന്ന് തോന്നുന്നു..  അവനെ ഇറുകെ പുണർന്നു കൊണ്ടു യാത്ര ആസ്വദിക്കുകയാണ്.. ..  അവനെന്റെ മുഖത്തേക്ക് നോക്കികൊണ്ട് തന്നെ ആക്‌സിലേറ്റർ ഒന്നുക്കൂടെ തിരിച്ചു..

ബുള്ളറ്റ് ഇടിവെട്ട്  ശബ്ദത്തോടെ  മുന്നോട്ടു കുതിച്ചു.. .

ബുള്ളറ്റിനു പിറകിൽ എഴുതിയിരിക്കുന്ന ആ വാചകങ്ങൾ എന്നെ നോക്കി പല്ല് കാണിക്കുന്ന പോലെ തോന്നി .

“യുവർ ഡാഡി.. !”

“ഹലോ…  ഏയ്.. നിൽക്കൂ  പോവല്ലേ.. “

ഞാൻ വിളിച്ചു കൂവി..

പക്ഷെ അവനതു കേട്ടിട്ടും കേൾക്കാത്ത പോലെ ബൈക്ക് ന്റെ വേഗം കൂടി..  കണ്ണിൽ നിന്ന് അകന്നു പോകുംതോറും  നെഞ്ചിലൊരു ഭാരം ഇറങ്ങി വന്നു..  കണ്ണുകൾ നിറഞ്ഞു..

അവന്റെ ബൈക്ക് അകന്നു പോകുന്നതിനോടൊപ്പം ബാക്ക്ഗ്രൗണ്ട് മ്യൂസിക് പോലെ കമ്പി പൊട്ടിയ ഗിറ്റാർ വായിക്കുന്നത് പോലൊരു ശബ്ദം കാതുകളിൽ ഒഴുകിയെത്തി..

എവിടെയോ കേട്ടുമറന്ന പോലൊരു ശബ്ദം.. എവിടെയാണത്…..

പൊടുന്നനെ ശരീരം ആകമാനം ഇളകുകയും ഒരാട്ടഹാസം മുഴങ്ങുകയും ചെയ്തു..

“ഡീ മോച്ചമോറീ.. “