ഒരു യാത്ര [ജസ്‌ഫീർ] 144

“ഉമ്മീ..  ങ്ങൾക്കും ഉപ്പിക്കും ഒരു ഫ്ലാഷ്ബാക്ക് മണക്കുന്നുണ്ടല്ലോ… ഒരു പ്രണയത്തിന്റെ മണം.. “

അനിയൻ ഉമ്മിയെ തോണ്ടിക്കൊണ്ട് ചോദിച്ചു..

“മിണ്ടാതിരിക്കെടാ അവിടെ..  “

ഉമ്മി അനിയനെ നോക്കി കണ്ണുരുട്ടി..

“ഹഹഹഹ.. ഉണ്ടെടാ മക്കളെ..  ഒരസ്സൽ ലൗസ്റ്റോറി ഉണ്ട്‌.. പക്ഷെ ഇപ്പൊ പറയാൻ സമയമില്ല..  നമുക്ക് ഇവളുടെ നായകനെ കണ്ടെത്തണ്ടേ..  “

ഉപ്പ പൊട്ടിച്ചിരിച്ചു കൊണ്ടു പറഞ്ഞു .

“ദേ..  ഇവരുടെതൊന്നും ഓരോന്ന് വിളിച്ചു പറഞ്ഞേക്കല്ലേ..  പറഞ്ഞില്ലാന്നു വേണ്ട.  “

“ആഹ് .  എനിക്ക് കുറെ കാലമായി ഡൌട്ട് ഉണ്ടായിരുന്നു..  ഇപ്പൊ ഉറപ്പായി..  ഉപ്പ്യേ..  വീട്ടീലെത്തീട്ട് പഴങ്കഥകൾ ഒന്ന് പൊടി തട്ടണം ട്ടാ.. “

ഞാൻ ഉപ്പയുടെ പുറത്തു തട്ടിക്കൊണ്ടു പറഞ്ഞു..

“അതൊക്കെ നമുക്ക് തട്ടിയെടുക്കാം..  ആദ്യം  ആ ബുള്ളറ്റ് പഹയൻ എവിടെ പോയിന്നു നോക്..”

അപ്പോഴാണ് ഞങ്ങൾ വണ്ടി തിരിച്ചത് എന്തിനാണെന്ന് ഓർമ്മ വന്നത് . നാലു പേരും നാലു ഭാഗത്തേക്കും നോക്കികൊണ്ടിരുന്നു..   എവിടെയെങ്കിലും ചുവപ്പിന്റെ ഒരംശമെങ്കിലും കാണുന്നുണ്ടോന്ന് ഞാൻ ഓരോ വീടിന്റെ മുറ്റത്തേക്ക് വരെ നോക്കിയിരുന്നു..

അനിയൻ തിരിഞ്ഞും മറിഞ്ഞുമെല്ലാം നോക്കുന്നുണ്ടായിരുന്നു..

“ഇവനെന്താ ജിന്നോ..  ഇത്ര പെട്ടന്ന് കാണാണ്ടായി.. “