ഒരു യാത്ര [ജസ്‌ഫീർ] 144

പൊട്ടിച്ചിരിയും പാരവെക്കലും തകൃതിയായി നടക്കുന്നതിനിടക്ക് അവൻ മുന്നിലൂടേ പോയ ഒരു ചേച്ചിയേ ചൂളമടിച്ചു വിളിച്ചു.. ചേച്ചി തിരിഞ്ഞപ്പോഴേക്ക് ആശാൻ എന്റടുത്തേക്ക് തിരിഞ്ഞ്.

‘വീട്ടിലെല്ലാർക്കും സുഖമല്ലെ.. ഞാൻ അന്വേഷിച്ചൂന്ന് പറഞ്ഞേക്കണേ..’

എന്നും പറഞ്ഞ് ഞാനൊന്നുമറിഞ്ഞില്ലേ എന്ന ഭാവത്തിൽ ഇരിക്കുന്നു..

ചേച്ചി നോക്കുമ്പോ  കൂട്ടുകരൻ ചേച്ചീടേ മുഖത്ത് നോക്കി നിൽക്കുന്നു..

അവനെന്തെങ്കിലും പറയുന്നതിന് മുന്നേ തന്നേ ചേച്ചി കൊടുങ്ങല്ലൂർ ഭരണിയുടേ ചെറിയൊരു തിരോന്തരം വെർഷൻ അങ്ങ് പാസ്സാക്കി . കൂടേ ‘നാണമില്ലല്ലോടാ%€€%£%%’ എന്നൊരു ഡയലോഗും പാസ്സാക്കി അവര് പോയി..

തിരോന്തരം ഭരണി കേട്ട കൂട്ടുകാരന്റേ മുഖം കണ്ട എനിക്ക് ചിരിപൊട്ടി..

 

ചിരിച്ച് ചിരിച്ച് വയറ് വേദനിച്ച് കണ്ണിൽ വെളളം നിറഞ്ഞു.

ഈ അടുത്തൊന്നും ഞാനിങ്ങനേ ചിരിച്ചിട്ടുണ്ടാവില്ല.

പെട്ടൊന്ന് പരിസരബോധം വന്ന ഞാൻ ചിരിയൊക്കേ കണ്ട്രോള് ചെയ്ത് നോക്കുമ്പോ എന്റേ മുഖത്തേക്ക് പന്തം കണ്ട പെരുച്ചാഴിയെ പോലെ നോക്കി നിൽക്കുന്നു അവൻ..

 

ഞാൻ ജാള്യം മറച്ച് വെച്ച് മുഖത്തൊരു പുഞ്ചിരി വരുത്തി..

അവൻ ചിരിച്ച് കൊണ്ട് ചോദിച്ചു.

‘എന്താ മാഷേ.. എന്തൊരു ചിരിയാടാ ഇത്..?ചോര തുപ്പി ചാവുമെന്ന് തോന്നിപ്പോയി… ‘

 

‘അല്ലാ… കൂട്ടുകാരന്റേ മുഖംകണ്ടപ്പോ ചിരി കയ്യീന്ന് പോയി.’

 

‘ ഓഹ്…അങ്ങനേ.. അതേയ് ഇതിന്റേ ഡബ്ൾ പണികളാ അവൻ എനിക്ക് ഡൈലി തരുന്നത്. ഇടക്കൊക്കേ ഓരോന്ന് തിരിച്ച് കൊടുത്തില്ലേൽ അവന് അഹങ്കാരം കൂടൂലേ…’

 

പബ്ലിക്കായി ഭരണി കേട്ട് ഔട്ട്ഓഫ് കവറേജായ കൂട്ടുകാരൻ  പെട്ടൊന്ന്എണീറ്റു.

‘ഡാ പന്നീ എന്റേ ബസ്സ് വന്നു. നിനക്കുളളത് ഞാൻ അടുത്ത തവണ തരാമെടാ പട്ടീ…’

എന്നും പറഞ്ഞ് ബാഗെടുത്ത് നടന്നു..

പിന്നെ തിരിഞ്ഞ് എന്നേം അവനേം ഒന്ന് നോക്കി  ശേഷം തിരിച്ച് വന്ന് അവന്റേ ചെവിയിൽ എന്തോ പറഞ്ഞു പൊട്ടിച്ചിരിച്ച് കൊണ്ട് ഓടി ബസ്സിൽ കയറി…

അവനും ബസിനടുത്ത് പോയി കൂട്ടുകാരനോട് എന്തോ പറഞ്ഞ് തിരിച്ച് വന്ന് എന്റേ അടുത്ത് തന്നേ ഇരുന്നു.