ഒരു യാത്ര [ജസ്‌ഫീർ] 144

ഉമ്മ ഉപ്പയെ കണ്ണുരുട്ടി കാണിച്ചു.

“ഉപ്പാ…  ഉപ്പാ..  പറ ഉപ്പാ.. എന്താ കാര്യം.. ?”

ഞാൻ കൊഞ്ചികൊണ്ട് ചോദിച്ചു.

“കാര്യമൊക്കെ പിന്നെ പറഞ്ഞു തരണ്ട്.  വല്ല്യ സ്റ്റോറി ആണ്.. അല്ലെടീ   … ഹഹാ. “

“ദേ…  പിള്ളേരെടുത്തു ഒന്നും പറഞ്ഞേക്കല്ലേ.. “

ഉമ്മ ഉപ്പയെ രൂക്ഷമായി നോക്കി കൊണ്ട് പറഞ്ഞു

“ഉമ്മീ..  അത് ഫൗൾ ആണ് ഉപ്പാനെ പേടിപ്പിക്കല്ലേ…  ഉപ്പ പറയുപ്പാ.. “

“പിന്നെ പറയാമെന്നെ..  ഇപ്പൊ നമുക്ക് ഇറങ്ങാനായി..”

പറഞ്ഞ പോലെ ഞങ്ങൾ ഉപ്പാന്റെ കൂട്ടുകാരന്റെ വീട്ടിൽ എത്തിയിരുന്നു..  ഗേറ്റ് കടന്നു  മുറ്റത്തു വണ്ടി നിർത്തിയപ്പോഴേക്കും  ജംഷീറിക്കയും ഭാര്യയും ഇറങ്ങി വന്നിരുന്നു..   കാറിൽ നിന്ന് ഇറങ്ങിയ പാടെ ജംഷീറിക്ക വന്നു ഉപ്പയെ കെട്ടിപിടിച്ചു..  ജംഷീറിക്കയുടെ ഭാര്യ ഉമ്മയെ ഹസ്ത്തദാനം ചെയ്തു..  കൊട്ടാര സമാനമായ ആ വീടും പരിസരവും ഞാൻ അത്ഭുതത്തോടെ നോക്കികണ്ടു.  ഇന്റർലോക്ക് ചെയ്ത മുറ്റവും ചെറിയ പൂന്തോട്ടവും എല്ലാം കൂടെ മനോഹരമായിരുന്നു..

“എന്താ അവിടെ തന്നെ നില്കുന്നെ..  അകത്തേക്ക് വരീൻ.. “

ജംഷീറിക്കയാണ്.. അപ്പോഴാണ് എല്ലാവരും അകത്തേക്ക് കയറുന്നത് ഞാൻ കണ്ടത്.  ഞാൻ പെട്ടന്ന് അകത്തേക്ക് നടന്നു.  അനിയന്റെ കണ്ണ് അപ്പോഴും അവിടത്തെ കാർ പോർച്ചിലാണ്…  അവിടെ രണ്ടു മൂന്നു വില കൂടിയ കാറുകൾ ഉണ്ടായിരുന്നു..   ഞങ്ങൾ വീടിനകത്തെക്ക് കയറി..  അതി മനോഹരമായി ഫർണിഷ് ചെയ്തിട്ടുണ്ട്..  ഞങ്ങളെല്ലാവരും  ലിവിങ് റൂമിൽ ഇരുന്നു.   അവിടുത്തെ ഇത്ത ഒരു ട്രേയിൽ കൂൾ ഡ്രിങ്ക്സുമായി വന്നു..  നല്ല തണുത്ത പൈനാപ്പിൾ ജ്യൂസ് ഞാൻ ആസ്വദിച്ചു കുടിച്ചുകൊണ്ടിരുന്നു…  ഉപ്പയും ജംഷീറിക്കയും നല്ല കത്തിയടി ആണ്..  ഒത്തിരി നാളായി കണ്ടതിന്റെ സന്തോഷം..  ഞാനും ഉമ്മയും കൂടെ അടുക്കളയിലേക്ക് നടന്നു.