ഒരു വേശ്യയുടെ കഥ – 38 3458

Views : 82334

തന്റെ സംസാരം കേട്ടുകൊണ്ടിരിക്കുന്നതിനിടയിൽ പിറകിലെ സീറ്റിൽ നിന്നും തുണിത്തരങ്ങൾളും ബിരിയാണിയും ചെരിപ്പുമൊക്കെയുള്ള ഷോപ്പിംഗ് ബാഗുകൾ വലിച്ചെടുത്തു മടിയിൽ അടുക്കിപ്പിടിച്ചു തന്റെ അനുമതിക്കുവേണ്ടി കത്തിരിക്കുന്നതുപോലെ എന്തോ ആലോചനയിൽ മുഴുകികൊണ്ടു ഇറങ്ങാൻ തയ്യാറാകുന്നതുപോലെ അവളിരിക്കുന്നത് കണ്ടപ്പോൾ നെഞ്ചിനുള്ളിൽ എന്തോ വേവുന്നതുപോലെയും ശ്വാസം മുട്ടുന്നതുപോലെയുമൊക്കെ അയാൾക്ക് തോന്നുന്നുണ്ടായിരുന്നു…..

ഹൃദയത്തിനു മുകളിൽ എന്തോ ഭാരം കയറ്റിവച്ചതുപോലെ ….
പറഞ്ഞതുപോലെതന്നെ അവൾ പോവുകയാണ്…..
തന്നെ ഉപേക്ഷിച്ചുകൊണ്ടും മറന്നുകൊണ്ടും അവൾക്ക് പോകാൻ സാധിക്കുമോ……! സ്നേഹത്തിൻറെ കാര്യത്തിൽ ഇത്രയും സ്വാർത്ഥതയാണോ മായമ്മ…….!

കണ്ണുകൾ നീറുകയാണെന്ന് തോന്നിയപ്പോൾ ആ കാഴ്ചയിൽ നിന്നും കണ്ണുകൾ തെറ്റിച്ചു വീണ്ടും പെറ്റിക്കോട്ടുകാരിയിലേക്ക് നോക്കിയപ്പോഴാണ് അവളുടെ വീടിന്റെ അവസ്ഥ ഇയാൾ ശരിക്കും ശ്രദ്ധിച്ചത് …….

വിണ്ടുകീറി തുടങ്ങിയ കുമ്മായം അടർന്നു തുടങ്ങിയ ഭിത്തികൾ …….
മേൽക്കൂരയുടെ താഴെഭാഗത്ത് കഴുക്കോലും പട്ടികകൾക്കുമിടയിൽ സർക്കസിലെ ട്രപ്പീസ് കളിക്കാരനെപ്പോലെ ഏതുനിമിഷവും താഴെവീഴുന്ന രീതിയിൽ തൂങ്ങിയാടുന്ന ഓടുകൾ…..!
ഒരുഭാഗത്ത് വലിച്ചുകെട്ടിയ ടാർപോളിൻ ഷീറ്റ്…
.
വീടിൻറെ വരാന്തയിൽ നിറംമങ്ങിയ രണ്ടു ഫൈബർ കസേരകൾ …….!

പക്ഷേ ……
അതിനിടയിലും ഇടിഞ്ഞുപൊളിഞ്ഞു വീഴാറായ ആ പഴയ വീടിന്റെ മുന്നിലെ മാവ് ,പേര, ചാമ്പക്ക,സപ്പോട്ട മരങ്ങൾക്കിടയിൽ റോഡുവരെ അവൾ അതിമനോഹരമായ ഒരു പൂന്തോട്ടം തീർത്തിരിക്കുന്നത് അയാളെ അത്ഭുതപ്പെടുത്തി ……!

കുറ്റിച്ചെടികൾപോലെ വെട്ടിയൊതുക്കി വളർത്തിയിരിക്കുന്ന വിവിധതരം ചെമ്പരത്തികൾ…..
റോസാചെടികൾ…..
കടലാസുപൂക്കൾ……
തെച്ചിയും മന്ദാരവും ചെണ്ടുമല്ലിയും ജമന്തിയും വിവിധയിനം നിത്യകല്ല്യാണിയുമെല്ലാം അക്കൂട്ടത്തിലുണ്ടായിരുന്നു…….!

Recent Stories

The Author

9 Comments

  1. 👌👌

  2. 😍😍😍😍😍😍😍😍😍😍

  3. അടുത്തത് പാർട്ട്‌ എവിടേ, കുറെ ആയി കാത്തിരിക്കുന്നു

  4. How long i have to wait

    1. 2 or 3 days maximum

      1. Inn story post chyuvo?

  5. ഇത് തീരാറായി എന്നറിയുമ്പോൾ എന്തെന്നില്ലാത്ത ഒരു വിഷമം, മയമ്മയെ ഒരുപാട് മിസ്സ്‌ ചെയ്യുന്നു

  6. Enthoru naasham pidicha re direction aanu ethu 3 oonnamathe thavana matrame original page varunnollu comment cheyyan vannappo evideyum angane thanne enthoru naasham ethu

  7. Waiting for the climax…

Comments are closed.

kadhakal.com © 2022 | Stories, Novels, Ebooks | Contact us : info@kadhakal.com