നേർത്തുനീളമുള്ള തന്റെവിരലുകൾക്കിടയിൽ ഒട്ടിക്കിടക്കുന്നതുപോലെ കോർത്തുപിടിച്ചിരിക്കുന്ന അയാളുടെ തടിച്ചു നീളം കുറഞ്ഞ വിരലുകൾക്കിടയിൽ നിന്നും തന്റെ വിരലുകൾ മോചിപ്പിച്ചെടുക്കുവാൻ ഒരു വിഫലശ്രമം നടത്തിനോക്കിയെങ്കിലും അയാളുടെ പിടുത്തം മുറുകുകയാണ് ചെയ്തത്……!
വീണ്ടും ഒരു തവണകൂടി ശ്രമിച്ചുനോക്കിയപ്പോൾ വാശിയോടെയെന്നപോലെ അയാൾ കൂടുതൽ ഇറുക്കിപ്പിടിച്ചു തുടങ്ങിയപ്പോൾ കൈനല്ലപോലെ വേദനിക്കുകയും അറിയാതെ വാ പിളർത്തുകയും ചെയ്തു……!
അതോടെ അതിനുവേണ്ടിയുള്ള ശ്രമം ഉപേക്ഷിച്ചു.
പക്ഷേ …..
ഹോട്ടലിന്റെ പടികയറി തുടങ്ങിയപ്പോൾ അയാൾ രേഷ്മയെ വിവാഹം ചെയ്യുകയാണെന്നു പറഞ്ഞപ്പോൾ മുതൽ കാറിനുള്ളിൽവച്ചു മനസ്സിനുള്ളിൽ സംഭരിച്ചിരുന്ന ധൈര്യമൊക്കെ എങ്ങോട്ടോ ചോർന്നുപോയിതുടങ്ങിയിരുന്നു……!
ഭയം അവളെ വീണ്ടും വിഴുങ്ങി തുടങ്ങി……!
കഴിഞ്ഞ ഒന്നരമാസത്തിനുള്ളിൽ പതിനഞ്ചോളം തവണ അവിടെ ചെല്ലുകയും താമസിക്കുകയും ചെയ്തിരുന്നെങ്കിലും അതൊക്കെ സാരിതുമ്പെടുത്തു തലയിലിട്ടു മുഖം മറച്ചുപിടിച്ചു തലകുനിച്ചുകൊണ്ട് ഹോട്ടലിലെ നീണ്ട ഇടനാഴിയിലുള്ള മങ്ങിയ വെട്ടത്തിലൂടെ ഒരു കള്ളിയെപോലെ പാത്തും പതുങ്ങിയുമുള്ള യാത്രയായിരുന്നു……!
കിഴക്കു വെള്ളകീറുന്നതിനുമുന്നേ അതേപോലെ അവിടെനിന്നും മടങ്ങുകയും ചെയ്യും…..!
പട്ടാപ്പകൽ ആദ്യമായിട്ടായിരുന്നു ഹോട്ടലിലേക്ക് ചെല്ലുന്നത്. …..!
ഹോട്ടലുകളിലേക്കുള്ള പടികയറുമ്പോൾ താൻ കോർത്തുപിടിച്ചിരുന്ന അവളുടെ വിരലുകളിൽ തണുപ്പുകയറുന്നതും ……
നേരത്തെ അവൾതന്നെ മോചിപ്പിക്കാൻ ശ്രമിച്ചിരുന്ന തന്റെ വിരലുകളിലുള്ള അവളുടെ പിടുത്തം മുറുകുന്നതും അറിഞ്ഞപ്പോൾ അവളെ പേടി ബാധിച്ചുതുടങ്ങിയിട്ടുണ്ടെന്നു അയാളും അറിഞ്ഞു തുടങ്ങിയിരുന്നു .
“പേടിക്കേണ്ട കെട്ടോ….
ഞാനില്ലേ കൂടെ …..”
ഉള്ളിലേക്ക് കയറുമ്പോഴാണ് അയാൾ പതിയെ മന്ത്രിച്ചത് .
??
???????
എവിടെ ഈ കഥയുടെ ബാക്കി……
കാത്തിരിപ്പ് കഠിനം അതി കഠിനം