ആശ്വാസത്തോടെ താൻ പറഞ്ഞുതീർന്നയുടനെ പുറത്തേക്കു നോക്കിക്കൊണ്ടുതന്നെ “ബേ…..ബേ…..എന്ന ശബ്ദമുണ്ടാക്കി താൻ പറഞ്ഞിരുന്ന അതേ വാചകം അതേപോലെ കൊഞ്ഞനംകുത്തലിലൂടെ അനുകരിച്ചുകൊണ്ടു അവൾ പതുക്കെ പിറുപിറുക്കുന്നത് കേട്ടപ്പോൾ അയാൾക്ക് അമ്പരപ്പാണ് തോന്നിയത്.
ആന്റിയെന്തെങ്കിലും പറഞ്ഞുകാണും…..
പാവം ആന്റിയെ കുറിച്ചു അവൾക്കെന്തെങ്കിലും തെറ്റിദ്ധാരണയുണ്ടെങ്കിൽ ഇപ്പോൾ തന്നെ തിരുത്തിക്കൊടുക്കണമെന്നും അയാൾ മനസിൽ ഉറപ്പിച്ചു.
“മായ കരഞ്ഞോ…..”
വണ്ടിമുന്നോട്ടെടുക്കുന്നതിനിടയിലാണ് അയാൾ തിരക്കിയത്.
“ഒന്നുപോയേ……
വെറുതെ കരയുവാൻ എനിക്കെന്താ പ്രാന്താല്ലേ……”
അലക്ഷ്യമായി റോഡിലേക്ക് നോക്കിക്കൊണ്ടുതന്നെയാണ് മറുപടി…..!
“കാളാനല്ലെ(കരയുവാൻ)മായമ്മ ബാത്ത്റൂമിൽ കയറിയത്……”
അവളുടെ നാട്ടുഭാഷയിൽ തന്നെ ചിരിയോടെ ചോദിച്ചപ്പോൾ കണ്ണുകൾ മുഴുവൻ മിഴിച്ചുള്ള തുറിച്ചുനോട്ടം മാത്രമായിരുന്നു മറുപടി.
“ഇങ്ങനെ നോക്കരുതെന്നു ഇന്നലെ മുതൽ ഞാൻ പറയുന്നുണ്ട്….!
ബാക്കിയുള്ളവൻ ഒരുവിധം വഴിമാറി നടക്കുവാൻ ശ്രമിക്കുമ്പോൾ വീണ്ടും നോക്കി കൊതിപ്പിക്കല്ലേ…..
ഇനിയും ഇങ്ങനെ എന്നെ നോക്കിയാൽ കണ്ണുകൾ രണ്ടും ഞാൻ കുത്തിപ്പൊട്ടിച്ചു കളയും…..! ”
വലതുകയ്യിലെ രണ്ടുവിരലുകൾ അവൾക്കു നേരെ നീട്ടിപ്പിടിച്ചുകൊണ്ടാണ് തമാശരൂപത്തിൽ അയാൾ ഭീഷണിപ്പെടുത്തിയത് .
“പട്ടി തിന്നുകയുമില്ല പശുവിനെ തീറ്റിക്കുകയുമില്ല……
എന്നു പറഞ്ഞതുപോലെയാണ് മായയുടെ കാര്യം……”
ആത്മഗതം പോലെ തുടർന്നും പറയുന്നതു കേട്ടപ്പോൾ അയാളോട് തുറന്നുപറഞ്ഞാലോ എന്നവൾക്ക് തോന്നിയെങ്കിലും മനസിനുള്ളിലെ കുറ്റബോധവും താൻ അയോഗ്യയാണെന്ന തോന്നലും വീണ്ടും വിലക്കി……!
“ആരെങ്കിലും എന്തെങ്കിലും പറഞ്ഞാലുടനെ ഓടിക്കയറി കരയുവാൻ പോകുന്ന സ്ഥലത്തൊക്കെ ബാത്ത്റൂമുകളുള്ളത് നന്നായി…….!
ഇല്ലെങ്കിൽ പണിയായേനെ……!
??
??????????
പെട്ടെന്ന് തീർന്നു പോയാലോ,, ആ പാവം മായയെ വിഷമിപ്പിക്കല്ലേ, plss