കൂട്ടുകാരെ/ കൂട്ടുകാരികളെ.. ഈ സൈറ്റിലെ തുടക്കം ഈ കഥയിൽ നിന്നും ആയിക്കോട്ടെ എന്ന് വിചാരിച്ചു. എന്റെ ബാക്കി കഥകൾ ഒക്കെ ഇവിടെ എത്തും.. ക്ലീൻ വേർഷൻ ഓഫ് നിയോഗം അടക്കം..
സ്നേഹത്തോടെ..ഒരു പ്രണയ കഥ.

രാവിലെ 8 മണി ആയിട്ടും ചുരുണ്ടു കൂടി കിടന്ന് ഉറങ്ങുക ആയിരുന്നു ഞാൻ..

ഞായർ ആണ്. ഇന്ന് പണി ഇല്ല. അകെ കിട്ടുന്ന ഒരു ഒഴിവു ദിനം ആണ്.. സാധാരണക്കാരുടെ ജീവിതം അങ്ങനെ ആണ്..

നല്ല പുട്ടും കടലയും വേകുന്ന മണം മൂക്കിൽ അടിച്ചു കയറിയപ്പോൾ എനിക്ക് കിടക്കാൻ പറ്റിയില്ല. ഇഷ്ട ഭക്ഷണം ആണ്..

ഞാൻ എണീറ്റ് മുണ്ടു മുറുക്കി ഉടുത്ത ശേഷം അടുക്കളയിലേക്ക് നടന്നു..

അമ്മ സാരിതുമ്പ് എടുത്തു കുത്തി നിന്ന് പണിയിൽ ആണ്

“സുന്ദരീ? പുട്ട് ആണോ ഇന്ന്?”

അത് കേട്ടു അമ്മ തിരിഞ്ഞു.. എന്തൊരു അഴക് ആണ് എന്റെ അമ്മ…

പേര് പോലെ സുന്ദരി, സാക്ഷാൽ സരസ്വതി ദേവിയുടെ നാമം..
45 വയസ് ആകുന്നു. എന്നാൽ കണ്ടാൽ ഒരു 32 ഒക്കെയേ തോന്നുള്ളു.. നീണ്ട കറുത്ത കണ്ണുകളും തെളിഞ്ഞ കളറും ഒതുങ്ങിയ ശരീരവും കറുത്ത തിങ്ങിയ കാർകൂന്തലും അമ്മയുടെ പ്രേതെകത ആണ്… എപ്പോഴും ചിരിച്ചുകൊണ്ടിരിക്കുന്ന ഒരു ദേവി..

“ആഹാ നീ എണീറ്റോ? കുറച്ചു കൂടി കിടന്നൂടാരുന്നോ ചെക്കാ നിനക്ക്?”

അമ്മ സ്നേഹത്തോടെ വന്നു മുഖത്തു തഴുകി..

“പുട്ടും കടലയും ഉണ്ടാക്കി എന്നെ കൊതിപ്പിച്ചതും പോരാ… എന്നിട്ടു ഇനിയും ഉറങ്ങിക്കൂടായിരുന്നോ എന്നോ?”

അമ്മ ചിരിച്ചു..

രണ്ടു കൈകൾ എന്നെ ചുറ്റി വരിഞ്ഞു..

“എന്താടീ?”

അനിയത്തികുട്ടി ആണ്. സിതാര.. അവൾ ഇംഗ്ലീഷ് സാഹിത്യം ആദ്യ വർഷം പഠിക്കുന്നു. അമ്മയുടെ ഫോട്ടോസ്റ്റാറ് പോലെ ആണ് ഇവൾ.

“ഏട്ടനെ ഇങ്ങനെ കാണാൻ കിട്ടില്ലല്ലോ? “

“ജീവിക്കണ്ടേ മോളെ?”

“മ്മ്മ്.. എന്റെ ഏട്ടൻ എത്ര കഷ്ടപ്പെടുന്നു അല്ലെ അമ്മെ?”

അമ്മയുടെ മുഖം ഒരു നിമിഷം മ്ലാനം ആയി..

“അതെ.. ഇന്ന് ഒരുമിച്ചു സന്തോഷിക്കേണ്ട ദിവസം ആണ്.. ചുമ്മാ സെന്റി അടുപ്പിക്കല്ലേ?”

ഞാൻ അവളെ പിടിച്ചു മുൻപോട്ടു വലിച്ചു. കണ്ണുകൾ ഈറൻ അണിഞ്ഞിരുന്നു… അമ്മയുടെ അതെ കണ്ണുകൾ..

“എന്ത് കഷ്ട്ടപാട് മോളെ? എല്ലാ ദിവസവും ഒരുപോലെ അല്ലല്ലോ…മാറ്റം വരും..”

ഞാൻ അവളുടെ കണ്ണ് തുടച്ചു..