ഒരു പ്രണയ കഥ [മാലാഖയുടെ കാമുകൻ] 2174

അവൾ അലറി… പൊട്ടി കരഞ്ഞു കൊണ്ട്.. അവൾ വല്ലാതെ തകർന്നിരുന്നു.. വിമ്മി വിമ്മി കരയുകയാണ്..

ഇതൊക്കെ കേട്ടു ഓഫീസിലെ എല്ലാവരും വന്നു നോക്കി..

“അച്ചു….? “

ഞാൻ ദയനീകം ആയി വിളിച്ചു..

“മിണ്ടരുത്…! ഇറങ്ങിക്കോ അർജുൻ….!”

അവൾ കരച്ചിലിനിടയിൽ വീണ്ടും പറഞ്ഞു..

ഇനി അവളോട് ഒന്നും പറഞ്ഞിട്ടു കാര്യം ഇല്ല എന്നെനിക്ക് മനസിലായി.. ഞാൻ ഇറങ്ങി.. തല കുനിച്ചു ഇറങ്ങി..

“അർജുൻ….”

സീന ചേച്ചി വിളിച്ചു.. എന്നാൽ എനിക്ക് ഒന്നും മിണ്ടാൻ ആയില്ല.. ഇറങ്ങി..

നേരെ വണ്ടി എടുത്തു ലോവേർസ് ഹിൽ പോയി.. അവിടെ ഇരുന്നു.. എന്നാലും ഇതെങ്ങനെ?

എനിക്ക് ഒന്നും മനസിലായില്ല.. നേരം വൈകുന്നത് മനസിലായപ്പോൾ ഞാൻ വീട്ടിലേക്ക് ചെന്നു..

കരച്ചിൽ വന്നില്ലായിരുന്നു.. മരവിപ്പ് മാത്രം.. അറിയാതെ അവൾ എന്തൊക്കെ ആണ് പറഞ്ഞത്? ഇതുവരെ ആരെയും ചതിച്ചിട്ടില്ല..

വീട്ടിൽ ചെന്നു കയറി… അവിടെ ഇരുന്ന അമ്മ എണീറ്റ് എന്റെ അടുത്ത് വന്നു.. വല്ലാത്ത ദേഷ്യത്തിൽ ആണ്.

“നീ അവിടെ ചതിവ് കാണിച്ചോ?”

ഇല്ല എന്ന് പറയാൻ പോലും അവസരം കിട്ടിയില്ല.. കരണം പൊട്ടുന്ന അടി അമ്മയുടെ കയ്യിൽ നിന്നും…

ഒന്നിൽ നിന്നില്ല.. രണ്ടു കവിളിലും മാറി മാറി അടിച്ചു എന്റെ അമ്മ… കണ്ണുകൾ നിറഞ്ഞു ഒഴുകി പക്ഷെ തടുത്തില്ല.. നിന്ന് കൊണ്ടു..

“ഏട്ടനെ അടിക്കല്ലേ എന്റെ ഏട്ടൻ ആരെയും ചതിക്കില്ല..”

അതും വിളിച്ചു പറഞ്ഞു ഇടക്ക് കയറിയ ചിഞ്ചുവിനും കിട്ടി..

അത്ര നേരം അടക്കി വച്ച ദേഷ്യം എന്റെ അനിയത്തിയെ അമ്മ അടിച്ചു എന്ന് കണ്ടപ്പോൾ പുറത്തു വന്നു..

“തൊടരുത് എന്റെ കൊച്ചിനെ….!”

കൈ ചൂണ്ടി അലറി ഞാൻ അമ്മയോട്.. എന്റെ ഭാവം കണ്ട അമ്മയും ഒന്ന് വിറച്ചു..

കൂടുതൽ ഒന്നും പറയാതെ ഞാൻ റൂമിൽ കയറി വാതിൽ വലിച്ചു അടച്ചു..

ബെഡിൽ കിടന്നു കരഞ്ഞു കുറെ നേരം.. ചിഞ്ചു കുറെ നേരം എന്നെ വിളിച്ചു.. എങ്കിലും ഞാൻ ഒന്നും മിണ്ടിയില്ല.. സങ്കടം ആയിരുന്നു..

അമ്മ എന്നെ അവിശ്വസിച്ചല്ലോ എന്ന സങ്കടം.. ഞാൻ ദേവിയെ പോലെ ആരാധിക്കുന്ന എന്റെ അമ്മ എന്നെ അവിശ്വസിച്ചു.. അത് ഓർത്തു ഓർത്തു ഞാൻ ഒത്തിരി കരഞ്ഞു..

എപ്പോഴോ ഉറങ്ങിപ്പോയി.. ഒന്നും കഴിച്ചില്ല..

രാവിലെ എണീറ്റ് ഞാൻ റൂമിൽ ഇരുന്നു തന്നെ സീന ചേച്ചിയെ വിളിച്ചു..

“ഡാ.. അവൾ എന്താ അങ്ങനെ പെരുമാറിയെ.. നീ അങ്ങനെ ഒന്നും ചെയ്യില്ല എന്ന് എനിക്കറിയാം….”

ഈ വിശ്വാസം എന്റെ അമ്മക്കോ അച്ചുവിനോ ഇല്ലാതെ പോയല്ലോ എന്ന് ഞാൻ ഓർത്തു.. പക്ഷെ അച്ചുവിനെ കുറ്റം പറയാൻ കഴിയില്ല.. അവൾ പണ്ടേ എന്നോട് പറഞ്ഞിട്ടുണ്ട് അവൾ എടുത്തു ചാട്ടക്കാരി ആണെന്ന്. പിന്നെ ഇതിൽ എന്നെ സംശയിക്കാം.. നൂറു ശതമാനം.