ഒരു പ്രണയ കഥ [മാലാഖയുടെ കാമുകൻ] 2177

അത് പറഞ്ഞ ശേഷം അവൾ എന്റെ ചുണ്ടിൽ ഒന്ന് കൂടി ചുംബിച്ചു..

“നിന്നെ കൊന്നിട്ടാണെങ്കിലും ഞാൻ കെട്ടും…”

അത് കൂടി പറഞ്ഞു അവൾ എന്നെ കെട്ടിപ്പിടിച്ചപ്പോൾ എനിക്ക് ചിരി വന്നു…

എന്നാലും ഉള്ളിന്റെ ഉള്ളിൽ എനിക്ക് പേടി ആയിരുന്നു. എനിക്കവളെ ഇഷ്ടമില്ലാഞ്ഞിട്ടൊന്നും അല്ല.. എന്നാൽ ഞാൻ അവൾക്ക് പറ്റിയത് അല്ല എന്നൊരു തോന്നൽ ഉണ്ടായിരുന്നു..

പക്ഷെ കാര്യങ്ങൾ മാറി മറിഞ്ഞത് വളരെ പെട്ടെന്നാണ്…

***

ഞങ്ങൾ തിരിച്ചു വീട്ടിൽ എത്തി പിറ്റേ ദിവസം.. കഴിഞ്ഞ ആഴ്ച ഞാനും അവളും കൂടി സ്വർണക്കടയിൽ പുതിയ ഒരു ഓഫറിന്റെ കാര്യം ഡിസ്‌കസ് ചെയ്തിരുന്നു. വളരെ സമയം എടുത്തു പ്ലാൻ ചെയ്ത ഒരു ഓഫർ.. ഇതുവരെ ആരും പരീക്ഷിക്കാത്ത ഒരെണ്ണം..

ഞാനും അവളും മാത്രമേ ഉണ്ടായിരുന്നുള്ളു..
ഞങ്ങൾ അത് തീരുമാനം ആക്കി അതിനുള്ള എല്ലാ കാര്യങ്ങളും ചെയ്തു.. അടുത്ത ദിവസം തന്നെ ഇടണം എന്നും തീരുമാനം ആയി..

പിറ്റേ ദിവസം ഞാൻ ഓഫീസിൽ ഇരുന്നു കുറച്ചു ഡാറ്റ കമ്പ്യൂട്ടറിൽ കയറ്റുകയായിരുന്നു..

അച്ചു എന്റെ ക്യാബിനിൽ വന്നു..

“അജു… എനിക്കറിയില്ലായിരുന്നു നീ ഒരു ചതിയൻ ആണെന്ന്.”

അവളുടെ സ്വരം ചാട്ടുളി പോലെ എന്റെ കാതിൽ പതിച്ചു….

അച്ചു…? ഞാൻ? നീ എന്തൊക്കെ ആണ് ഈ പറയുന്നത്?”

“അച്ചു അല്ല.. അർജുൻ ഇനി അങ്ങനെ എന്നെ വിളിക്കണ്ട… യു ആർ എ ചീറ്റ്…എന്നാലും മനസ് വരെ നിനക്ക് തന്ന എന്നെ നിനക്ക് എങ്ങനെ ചതിക്കാൻ തോന്നി?”

അവൾ നിന്ന് കരയുകയാണ്..

“നീ കാര്യം പറയുന്നുണ്ടോ?”

എനിക്ക് ദേഷ്യം വന്നു..

“നിനക്ക് അറിയണം അല്ലെ? നോക്ക്.. കണ്ണ് തുറന്നു നോക്ക്…”

അവൾ എന്റെ മുൻപിലേക്ക് ഒരു നോട്ടീസ് എടുത്തു വലിച്ചു എറിഞ്ഞു..

ഞാൻ അതെടുത്തു നോക്കി.. വായിച്ച ഞാനും ഞെട്ടി..

അന്ന് ഞങ്ങൾ ഡിസ്‌കസ് ചെയ്ത അതെ ഓഫർ ഞങ്ങളുടെ മെയിൻ കോംപെട്ടിട്ടൊർ ആയ വേറൊരു ജുവല്ലറി ഇട്ടിരിക്കുന്നു..

ഒരു വ്യത്യാസവും ഇല്ല… അച്ചു പറഞ്ഞ അതെ ഓഫർ… ഞാൻ ശരിക്കും ഞെട്ടി… ഇതിനു വേണ്ടി രണ്ടു ദിവസം ഉറക്കം വരെ കളഞ്ഞവർ ആണ് ഞങ്ങൾ.. കൂടാതെ വേറെ പണച്ചിലവ് ധാരാളം ഉണ്ടായിരുന്നു..

“അച്ചു ഇതെങ്ങനെ? എനിക്ക്?”

“അർജുൻ അഭിനയം വേണ്ട.. ഇത് ഈ ലോകത്തു നമ്മൾ രണ്ടുപേർക്കും അല്ലാതെ വേറെ ആർക്കും അറിയില്ല.. നിനക്ക് പൈസ ആയിരുന്നു വേണ്ടത് എങ്കിൽ ഞാൻ എന്റെ പേർസണൽ അക്കൗണ്ട് മൊത്തം നിനക്ക് തരുമായിരുന്നു… ചതിച്ചു നീ എന്നെ… ഫക്ക് യു…എന്റെ ഹൃദയം വരെ തന്നതല്ലേ നിനക്ക് ഞാൻ? എന്നെ ചതിച്ചില്ലേ?”

അവൾ പറഞ്ഞത് സത്യമാണ്.. ഞങ്ങൾ രണ്ടുപേരും അല്ലാതെ വേറെ ആർക്കും ഇതറിയില്ല. അത് കൊണ്ട് തന്നെ എനിക്കുപറയാൻ ഒന്നും ഇല്ലായിരുന്നു..

“ഞാൻ ഒന്നും ചെയ്യുന്നില്ല. പക്ഷെ നീ എന്റെ വിശ്വാസം ആണ് തകർത്തത്… ഐ ഹേറ്റ് യു.. ഫോർഇവർ… നീ ഇനി ഇവിടെ വേണ്ട അജു.. എന്നെ ഇനി ഒരിക്കലും കാണാൻ വരണ്ട.. ആം ഡൺ വിത്ത് യു… ഗെറ്റ് ഔട്ട് നൗ…”