ഒരു പ്രണയ കഥ [മാലാഖയുടെ കാമുകൻ] 2186

“മ്മ്മ്.. നീ പോയി പല്ലു തേച്ചു വാ…”

അമ്മ പറഞ്ഞു..

“ശരി…”

ഞാൻ പുറത്തേക്കു നടന്നു. ബാത്രൂം പുറത്തു ആണ്. പല്ലു തേച്ചുകൊണ്ടു നിൽക്കുമ്പോൾ അപ്പുറത്തെ രണ്ടു നില വീടിന്റെ ബാൽക്കണിയിൽ അങ്ങേരുടെ ഭാര്യാ നിൽക്കുന്നു..
35 വയസ് ഉണ്ടാകും. ഞാൻ അവരെ നോക്കി ചിരിച്ചു. അവരും.. എന്നെ കണ്ടതും അവർ ചെടികൾക്ക് വെള്ളം വീണ്ടും ഒഴിക്കാൻ തുടങ്ങി..

അവർക്കു എന്നോട് ഒരു ചാഞ്ചാട്ടം ഉണ്ട് എന്നെനിക്കറിയാം..
പിന്നെ എന്റെ അമ്മ സരസ്വതി ദേവിയുടെ കയ്യിൽ നിന്നും പെട കിട്ടും എന്ന് നന്നായി അറിയാവുന്നതുകൊണ്ട് ഡീസന്റ് ആയി നിൽക്കുന്നു..

ഇടഞ്ഞാൽ അമ്മ ഭദ്രകാളി ആയി മാറും. എന്തിനാ വെറുതെ.. മുഖം അടച്ചു കിട്ടുകയും ചെയ്യും.

പിന്നെ ഈ പണക്കാരും ആയിട്ടുള്ള ഇടപാടുകൾ വേണ്ട എന്ന അഭിപ്രായം ആണ് എന്റെ…

പല്ലു തേച്ചു ഫ്രഷ് ആയി ഒരു ബനിയനും എടുത്തിട്ട് ഞാൻ നാടുമുറിയിലേക്കു ചെന്നു..
രണ്ടു ബെഡ് റൂമും ഒരു കൊച്ചു ഹാളും നടുക്കൊരു ചെറിയ റൂമും അടുക്കളയും ഉള്ളൊരു കൊച്ചു വീടാണ് ഞങ്ങളുടെ..

അമ്മ ഡൈനിങ്ങ് ടേബിളിൽ എല്ലാം നിരത്തി വെച്ചിട്ടുണ്ടായിരുന്നു.
ആവി പറക്കുന്ന പുട്ടും കടലക്കറിയും നല്ല കടുപ്പമുള്ള avt ചായയും..

ഞങ്ങൾ സംസാരിച്ചു സന്തോഷത്തോടെ അത് കഴിച്ചു..

“എന്റെ സുന്ദരീ എന്തൊരു രുചി ആണ്…”

പുട്ടും കടലയും കുഴച്ചു വായിൽ വെച്ചുകൊണ്ട് ഞാൻ പറഞ്ഞു.

“എടാ നീ എന്നും ഇത് പറയുമല്ലോ?”

“പിന്നെ എന്റെ അമ്മയെ അല്ലാതെ അടുത്ത വീട്ടിലെ ഡെയ്‌സി ചേച്ചിയെ പറയണോ?”

“ആഹ്ഹ ഡാ കിട്ടും നിനക്ക്…!”

കണ്ടില്ലേ പറഞ്ഞെ ഉള്ളു..

“അല്ലെങ്കിലും ആ ചേച്ചിക്ക് ഏട്ടനെ നല്ല നോട്ടം ഉണ്ട്…”

അനിയത്തിയുടെ വക..

“ചിഞ്ചു കിട്ടും നിനക്ക്…”

ഞാൻ അവളെ നോക്കി കണ്ണുരുട്ടി..

“ഓ ഇപ്പൊ എനിക്കയോ കുറ്റം? രാവിലെ ഷർട്ട് പോലും ഇടാതെ ജിം ബോഡിയും കാണിച്ചു അവിടെ പോയി നിൽക്കുന്നത് അവരെ കാണിക്കാൻ അല്ലെ ഏട്ടാ? അത് കൊണ്ട് അവരുടെ ചെടികൾക്ക് കൂടുതൽ വെള്ളവും കിട്ടും…ഹി ഹി…”

അവൾ കുസൃതിയോടെ പറഞ്ഞു ചിരിച്ചു.

“ഈ കുരിപ്പിനെ കൊണ്ട് തോറ്റല്ലോ അമ്മെ?”

“അവൾ പറഞ്ഞതിലും കാര്യം ഇല്ലെടാ? കൊല്ലും ഞാൻ അങ്ങനെ വല്ലതും ഉണ്ടെങ്കിൽ…”

ഇതിങ്ങനെ പോയാൽ പണി കിട്ടുമല്ലോ എന്ന് ആലോചിച്ചു ഞാൻ ഒരു കഷണം പുട്ടു കൂടി എടുത്തു കടല ഒഴിച്ച് കുഴച്ചു വായിലേക്ക് വച്ചു.. കുനിഞ്ഞു ഇരുന്നു കഴിച്ചു. ചിഞ്ചു അമർത്തി ചിരിച്ചു എങ്കിലും ഞാൻ മിണ്ടിയില്ല.