Oh My Kadavule – part 12 [Ann_azaad] 226

“എന്തിനാ ദേവികേ നീ വേണ്ടാത്ത പൊല്ലാപ്പൊക്കെ എടുത്ത് തലേൽ വെക്കുന്നെ …..
അതൊക്കെ അങ്ങ് തിരിച്ചു വച്ചേക്ക് അല്ലേൽ ആകെ പ്രശ്നവും .”

“ഓ ….രമേച്ചീ …നിങ്ങക്ക് വേണ്ടേൽ വേണ്ടാ ….
അത് ഞാനും ഇവളും കൂടി ഷെയർ ഇട്ട് എടുത്തോളാ ….”

“ഹലോ ….അമ്മക്കൊന്നും ഷെയർ തരാൻ മാത്രം ഒന്നുല്ല അത്‌ ….
ഞാൻ കഷ്ടപ്പെട്ട് അടിച്ചു മാറ്റീത് എനിക്കാ ….
അതും കണ്ട് വെച്ച് ആരും നിക്കണ്ടാ ….”

“ഓ …നീയതെന്താന്ന് വെച്ചാൽ ചെയ്തോ …
അവളുടെ സൈൻ വാങ്ങിച്ച പേപ്പർ ഇങ്ങെടുക്ക് ….”

ഒരുമിനിറ്റ് ഇപ്പൊ കൊണ്ടോരാം ….

എന്നും പറഞ്ഞ് ദേവിക വേഗം റൂമിൽ പോയി രണ്ട് മൂന്ന് പേപ്പറുകളും ആയി വന്നു .

“ദാ അമ്മായീ ……..
ഇത് വല്ലോം നടക്കുവായിരിക്കും ല്ലേ …”

“പിന്നല്ലാ ….ഞാൻ നടത്തിക്കും ……”

കൈയിലേക്ക് കിട്ടിയ പേപ്പർസ് നോക്കി രേണുകേം രാമദേവീം ഒന്ന് നിഗൂഢമായി പുഞ്ചിരിച്ചു .

“അമ്മേ …..
ആയുഷും അങ്കൂം അവിടെ  പൊരിഞ്ഞ അടി അങ്കൂന് ഇപ്പൊ ഒന്ന് കിട്ടും .”

“ആണോ ….മോളേ …..”?

“ആ ചെറിയമ്മേ ….”

“ഓ എനിക്കൊന്ന് പൊട്ടിയാലെന്താ രണ്ടെണ്ണോം അടിയായില്ലേ …
ചേച്ചീ ….നിങ്ങളുണ്ടേൽ വാ …
ഞാനത് കണ്ടൊന്ന് അർമാദിക്കട്ടേ …..”

എന്നും പറഞ്ഞ് രേണുഹ മോന്തേം പൊത്തിപിടിച്ച് ഒരൊറ്റ ഓട്ടമായിരുന്നു അങ് സ്റ്റെയറിലേക്ക് .

പമ്മി പമ്മി ആയുഷിന്റെ റൂമിന്റെ തുറന്നിട്ട വാതിലിലൂടെ ഉള്ളിലേക്ക് നോക്കിയപ്പോ തള്ള ആകെ പകച്ചു പണ്ടാരം അടങ്ങി പോയി .

ആയുഷും അങ്കൂം അവിടെ ഫ്രഞ്ച് വിപ്ലവത്തിലാ ….
രണ്ടിനേം കണ്ടാലേ അറിയാ തീപ്പൊരി വിപ്ലവകാരികൾ ആണെന്ന് .

എന്നാലും ആരാരെയാണെന്നങ്  കലങ്ങിയില്ല .

“ഏയ്‌ അമ്മായി അമ്മേ എന്താ നോക്കണേ ഇത് തന്നെയാ പുതിയ തലമുറ .”