Oh My Kadavule – part 12 [Ann_azaad] 226

“ഇനി ആരെങ്കിലും പറയേണ്ട ആവശ്യം ഉണ്ടോ …..
ആ ഫ്ലവർ വേഴ്‌സും എടുത്ത് ഞാൻ രണ്ട് ഡയലോഗ് അടിച്ചപ്പോഴേക്കും താൻ ജീവനും കൊണ്ടോടിയില്ലേടോ ………
അയ്യേ ….അയ്യയ്യേ …….താനൊരസ്സൽ പേടിത്തൊണ്ടൻ തന്നെ…….”

“പേടിത്തൊണ്ടനോ ….ഞാനോ …?ഈ ….ഞാനോ ….?”

“താനല്ലാതാര് ….പിന്നെ ഞാനാണോ ….പേടിത്തൊണ്ടൻ ……?
അയ്യോ ….ന്റെ ആയുഷേട്ടാ …..നിക്കി നിങ്ങടെ മുഖത്തേക്ക് നോക്കീട്ട് തന്നെ ചിരി വരുവാ ……ഇപ്പൊ ……”

“അധികം കിണിക്കല്ലേ ….ആ പല്ലൂരി താഴെ വീഴും …..”

“ആണോ ….ഞഞ്ഞായി .
ഏതായാലും ഞാനിതെല്ലാരോടും പോയി പറയാൻ പോവാ ….ഹിഹി ഹിഹി ഹിഹി ….”

അങ്കു ഇളിചോണ്ട് പോവാൻ തിരിഞ്ഞതും ആയുഷ് ഒരൊറ്റ വലിക്ക് അങ്കൂനെ തിരിച്ച് അവന്റെ നേരേ ആക്കി അവൾടെ ഇടുപ്പിൽ പിടിച്ച് അവന്റെ അടുത്തേക്ക് വലിച്ചു .

“ഏയ്‌ ….ആയുഷ് ……താനെന്താ ….ഈ ചെയ്യുന്നേ …..”

“ന്റെ കുഞ്ഞാപ്പു ഞാൻ ശശി ആയ കാര്യം എല്ലാരോടും വെളമ്പാൻ പോവല്ലേ …….?”

“ആ ….അതേല്ലോ ……ഞാൻ എല്ലാരോടും പറയും ……
താൻ കൈയ്യെടുത്തെ ……ഞാൻ പോട്ടേ …..”

ഫ്‌ളവർ വേഴ്സ് ആയോണ്ട് മറ്റേ  കൈ വച്ച് ആയുഷിന്റെ കൈയ്യെടുത്ത് മാറ്റാൻ നോക്കിക്കൊണ്ട് അങ്കു പറഞ്ഞു …..

“ഹേയ്‌ …..
അടങ്ങി നിൽക്കെന്റെ അങ്കൂമ്മാ …..
നീ ഏതായാലും എല്ലാരോടും ഞാൻ ശശിയായ കാര്യം പറയാൻ പോവല്ലേ …….
നീയും കൂടി ശശിയായ കാര്യം ചേർത്ത് പറഞ്ഞോ  …….”

ആയുഷ് പറഞ്ഞത് കേട്ടപ്പോ അത്‌ വരെ ആയുഷിന്റെ കൈയ്യിലേക്കും നോക്കി അത് വിടുവിക്കാൻ കഷ്ടപ്പെട്ടോണ്ടിരുന്ന അങ്കു ഒന്നും മനസ്സിലാവാതെ അവന്റെ മുഖത്തേക്ക് നോക്കി .

“ഞാൻ ശശിയായിക്കേ …..യെപ്പോ ….?”