ഞാൻ [Freya] 97

“ അങ്ങനെ വലുതായി ഒന്നൂല്യ. ഒരു കയ്യിന്റെയും കാലിന്റെയും എല്ല് പൊട്ടിയിട്ടുണ്ട് പിന്നെ അവിടവാഡോമൊക്കെയായി സ്ക്രാച്‌ വർക്കുകളും ഉണ്ട് “. നമ്മൾ വളരെ സില്ലിയായി കാര്യം പറഞ്ഞു.

“ എങ്ങനെയാ വണ്ടി ഇടിച്ചേ “.
“ ആ ഞാൻ ഇനി ചേച്ചിക്ക് വണ്ടി ഇടിച്ചത് എങ്ങനെ ആണെന്ന് കാണിച്ചു തന്നിട്ട് വേണം എന്നെ പരലോകത്തേക് യാത്രയാകാൻ അല്ലേ “.

“ എടാ തെണ്ടി പെർക്കി ഞാൻ അതല്ല ഉദ്ദേശിച്ചത്. എന്താണ് ഉണ്ടായതെന്ന് പറയാനാണ് ഞാൻ പറഞ്ഞത് “.

“ ഹോ അങ്ങനെ പറയണ്ടേ. ആക്സിഡന്റ് പറ്റിയതൊന്നും പറയണ്ട ഞാനൊരു നൂറ്റമ്പത് ഇരുന്നൂറ് സ്പീഡിൽ മുന്നിലുള്ള വണ്ടികളൊയൊക്കെ കട്ട് ചെയ്ത് മുന്നോട്ട് കുതിച്ചു പോയി കൊണ്ടിരിക്കുകയായിരുന്നു. അങ്ങനെ പോകുന്നതിന്റെ ഇടക്കാണ് മുന്നിൽ നീളത്തിൽ ഒരു കണ്ടയ്നർ ലോറി വെല്ലെ അരിച്ചു പോകുന്നത്.
ഞാൻ എന്റെ ആ വരവിന്റെ വേഗത കാരണം ഒന്നും നോക്കാതെ അതിനെ ഓവർ ടേക് ചെയ്യാൻ തീരുമാനിച്ചു. ഓവർ ടേക് ചെയ്യാൻ വേണ്ടി കണ്ടയ്നർ ലോറിയുടെ ഒരു പകുതിക്കായപ്പോളാണ് മുന്നിൽ ഓപ്പോസിറ്റ്‌ സൈഡിൽ നിന്നും ഒരു ബസ് വരുന്നത് കണ്ടത്. പിന്നെ ഞാൻ ഒന്നും നോകീല ഇരുന്നൂറ് സ്പീഡിൽ നിന്നും വേഗത കൂട്ടി ഇരുനൂറ്റി അൻപതിൽ പിടിച്ചു കണ്ടയ്നർ ലോറിയെ മറി കടന്നു. കണ്ടയ്നർ ലോറിയെ മറി കടന്നു കുറച്ചു പോയപ്പോളേക്കും തേ മുന്നിൽ വേറെ ഒരു നിസാന്റെ ലോറി… “. ഞാൻ വലിയ കാര്യം പറയുന്ന പോലെ നല്ല തള്ളൽ തള്ളി പറഞ്ഞോണ്ട് ഇരുന്നു.

” നിർത്ത്‌.. നിർത്ത്‌… നിർത്ത്‌. ഞാൻ നിന്നോട് എങ്ങനെ വീണത് എന്ന് മാത്രമേ ചോദിച്ചുള്ളൂ തള്ളി മറിക്കാൻ പറഞ്ഞില്ല “.

“ ഞാൻ തള്ളിയതൊന്നുമല്ല സത്യമാ പറഞ്ഞത്. ആ എന്നിട്ട് എവിടെത്തി. നിസാന്റെ ലോറി അവിടില്ലേ പറഞ്ഞേ. നിസാന്റെ ലോറി മുന്നിൽ പോയിക്കൊണ്ടിരിക്കാണ് ഞാൻ ആ ലോറിയെയും ഓവർ ടേക് ചെയ്ത് മുന്നോട്ട് പോയപ്പോ തേ ഇടത്തെ സൈഡിൽ നിന്നും ഒരു ബെൻസിന്റെ കാർ റോഡിലേക്കു കയറുന്നു. ആ ചെങ്ങായി പെട്ടെന്ന് റോഡിലേക്കു കയറിയത് ഞാൻ കണ്ടില്ല, നേരെ എന്റെ ബൈക് ചെന്ന് ബെൻസിൽ ഇടിച്ചു. ബെൻസിൽ ഇടിച്ചതും ഞാൻ അതിന്റെ മുകളിൽ കൂടെ പൊന്തി നേരെ റോഡിലേക്കു വീണു.
അപ്പോൾ തന്നെ ഒരു പത്തമ്പത് ആൾകാർ തലങ്ങും വിലങ്ങും ഓടി വന്നു.

സത്യം പറഞ്ഞാ വേറെ ആരെങ്കിലും ആയിരുന്നെ ആ സ്പോട്ടിൽ മരിച്ചേനെ ഞാൻ ആയത് കൊണ്ടാണ് രക്ഷപെട്ടത്. അത്രയും സ്പീഡും ആ വീഴ്ചയും ഒക്കെ ഒഹ്‌,, ഓർക്കാൻ കൂടി വയ്യ. പിന്നെ ആ വീഴ്ചയിൽ എന്റെ കാലും കയ്യൊക്കെ പൊട്ടി തൂങ്ങി ആടുക ആയിരുന്നു. അവിടെന്ന് എന്നെ വാരി എടുത്ത് ആ കാറിൽ തന്നെ കയറ്റി കൊണ്ടോയി.. “.

“ മതി മതി,,, ഞാൻ അത്രക്കൊന്നും പ്രതീക്ഷിച്ചില്ല. അല്ലേലും നിനക്കിതൊന്നും ഒരു പുത്തരി അല്ലല്ലോ. വീണ് ശീലമായി പോയില്ലേ “. ചേച്ചി എന്നോട് ആത്യം സംസാരിച്ചിരുന്ന ടൂണിൽ നിന്നും കളിതമാശ പറയുന്ന രീതിയിലേക് മാറി.

ഞാൻ എന്തെങ്കിലും പറയുന്നതിന് മുന്നേ അനൂ എന്റെ കയ്യിൽ നിന്നും ഫോൺ വലിച്ചു. ഞാൻ അതൊട്ടും ശ്രെദ്ധിക്കുകയും ചെയ്തില്ല.

“ ചേച്ചി ചേട്ടൻ പറയുന്നത് ഒന്നും വിശോസിക്കണ്ട കേട്ടോ. ഇപ്പൊ പറഞ്ഞത് മുഴുവൻ തള്ള് മാത്രമാണ്. ആ തള്ളിന്റെ പവർ കൊണ്ട് നമ്മടെ വീട് വരെ കുലുങ്ങുന്നുണ്ട് “. അനൂ എന്നെ നോക്കി ഒരു പാര പണിയുന്ന ലാഘവത്തോടെയുള്ള ചിരിയോട് കൂടെ പറഞ്ഞു.

അപ്പുറത്തെ ചേച്ചിയുടെ മറുപടി കേട്ടിട്ടാണ് എന്ന് തോനുന്നു അവൾ എന്നെ നോക്കി കളിയാക്കി ചിരിക്കാൻ തുടങ്ങി.

പിന്നെ അവൾ അവിടെന്ന് പോയി.

അനു പറഞ്ഞ പോലെ ബന്തുകളിൽ ചില അടുത്തറിയുന്നവർ ഞാൻ വീണതറിഞ്ഞ് ആപ്പിളും ഓറഞ്ചും മുന്തിരിയും ഒക്കെ ആയിട്ട് വന്നു. അയൽവാസികൾ ഒന്നും തന്നെ കൊണ്ടു വന്നില്ല കേട്ടോ അവർ ആക്സിഡന്റ് എങ്ങനെ ഉണ്ടായതെന്നും എന്റെ ഇപ്പോഴത്തെ അവസ്ഥ കണ്ടറിയുവാനും വേണ്ടി മാത്രം വന്ന് കണ്ടു പോയി.