ഞാൻ [Freya] 97

എന്റെ ഈ കിടത്തം കണ്ടതും അവളുടെ ചുണ്ടിൽ ആത്യം വന്നത് എന്താന്ന് അറിയോ ഒരു പുഞ്ചിരി. ആ പുഞ്ചിരി ഒരു പൊട്ടി ചിരിയിലേക് വരാൻ അതിക നേരം വേണ്ടി വന്നില്ല.

എന്നെ നോക്കി ഒരു ദാക്ഷ്യണ്യവും ഇല്ലാതെ നിന്നും ഇരുന്നും കിടന്നും ഒകെ ചിരിക്കാൻ തുടങ്ങി. അവളുടെ ചിരി കണ്ടിട്ട് എണീറ്റ്‌ ചെന്നൊരു ചവിട്ട് കൊടുക്കാൻ ആണ് തോന്നുന്നത്.

“ എന്തിനാടി നീ അവനെ കണ്ടിട്ട് ഇങ്ങനെ ചിരിക്കുന്നത് “. അമ്മ അവളെ നോക്കി ദേഷ്യത്തോടെ ചോദിച്ചു.

“ പിന്നെ ചിരിക്കാതെ എങ്ങനെ, ചേട്ടന്റെ ഈ കോലം കണ്ടിട്ട് എന്നെ കൊണ്ട് പിടിച്ചു നിക്കാൻ ആവണ്ടേ. ഹ ഹ…, എന്നെ കൊണ്ട് വയ്യന്റെ ദൈവമേ“. അവളുടെ ഒടുക്കത്തെ ചിരി.

“ അനൂ വേണ്ടട്ടോ നിന്റെ കളി. എന്റെ കയ്യീന്ന് നല്ലത് കിട്ടും പറഞ്ഞേക്കാം “. അമ്മേ രണ്ടു പൊട്ടിക്ക് ( ഞാൻ മനസ്സിൽ പറഞ്ഞതാട്ടോ ).

ഇനിയും എന്നെ കളിയാക്കിയാൽ അമ്മയുടെ കയ്യിൽ നിന്നും കിട്ടുമെന്ന് തോന്നിയപ്പോ അവളുടെ ചിരി നിർത്തി. അമ്മ അവിടെന്ന് ഇപ്പൊ വരാം എന്നും പറഞ്ഞു പോയി.

“ ഹവ്‌, ഞാൻ ഇനി തിന്ന് മരിക്കും “. അവൾ മുകളിലേക്കു നോക്കിയിട്ട് ഒരാത്മഗദം പറഞ്ഞു.

“ തിന്ന് മരിക്കുമെന്നോ മനസിലായില്ല, അതെന്താ നിനക്കിവിടെ ആരും തിന്നാൻ തരാതിരികുന്നുണ്ടൊ “. ഞാൻ അവൾ പറഞ്ഞത് മനസിലാകാതെ ചോദിച്ചു.

“ അതല്ല ചേട്ടാ, ഇനി ചേട്ടനെ കാണാൻ ഇവിടെക് ആളുകൾ വരുമല്ലോ അവരൊക്കെ ആപ്പിളും ഓറഞ്ചും മുന്തിരിയും ഒക്കെ ആയിട്ട് വരില്ലേ. അതൊക്കെ ഞാൻ തിന്ന് മരിക്കുമെന്ന പറഞ്ഞെ “. അവളത് പറഞ്ഞപ്പോളാണ് നേരത്തെ പറഞ്ഞതിന്റെ പൊരുൾ മനസിലായത്.

“ വരുന്നവരൊക്കെ ഫ്രൂട്ട്സും ബൂസ്റ്റും ഹോർലിക്‌സും ഒക്കെ കൊണ്ട് വരാൻ ഞാനിവിടെ രണ്ടു പെറ്റ്‌ കിടക്കുക ആണല്ലോ. ഇവിടുന്ന് പൊയ്ക്കോ അനൂ അതാ നിനക്‌ നല്ലത് അല്ലേൽ ഈ ബ്ലാസ്റ്റർ ഇട്ട കാലോണ്ട് ഞാൻ ചവിട്ടും പറഞ്ഞേക്കാം. “. ഞാൻ കുറച്ചു കലിപ്പിട്ട്‌ പറഞ്ഞു.

“ ഓ എന്നാ അതെനിക്കൊന്ന് കാണണമല്ലോ. അത്രക്ക് ധെയ്‌ര്യം ഉണ്ടേ വന്നെന്നെ ചവിട്ട് “. അവൾ എന്നെ വെല്ലു വിളിച്ചു കൊണ്ട് ബ്ലാസ്റ്റർ ഇടാത്ത വലത്തെ കാലിൽ തല്ലി.

“ എടി പൂതനെ നിന്നെ എന്റെ കയ്യി കിട്ടും. ഇപ്പൊ നടക്കാൻ വയ്യാത്തത് നിന്റെ ഭാഗ്യം ഇല്ലേൽ നിന്റെ അന്ത്യം എന്റെ കൈ കൊണ്ടാവും നടക്കുക “. എന്റെ കലിപ്പ് കൂടി ഞാൻ അവളോട് ഒച്ച വച്ചു.

“ ഹഹഹ.., എന്തോ എങ്ങനെ ചേട്ടൻ എന്നെ ഒരു ചുക്കും ചെയ്യില്ല “.
അവൾ പറഞ്ഞു കൊണ്ടെന്റെ കാലിൽ വീണ്ടും തല്ലി. പക്ഷെ ഇപ്പ്രാവാഷ്യം തല്ലിയപ്പോൾ മുറിവിലാണ് കൊണ്ടത്. എനികാണെ അത് വേതന ആവുകയും ചെയ്തു

“ ആആാ… എടി തെണ്ടി നീ മുറിവിലാണ് തല്ലിയെ “. ഞാൻ അവളോട് പറഞ്ഞു വേദനയോടെ.

“ ചേട്ടാ… ഞാൻ മുറിവുള്ളത് കണ്ടില്ല. ചേട്ടനെ ദേഷ്യം പിടിപ്പിക്കാൻ ചെയ്തെന്നെ ഉള്ളു മനപൂർവം അല്ല “. അത്രയും നേരം എന്നെ ദേഷ്യം പിടിപ്പിക്കുകയും വെറുതെ എന്നെ ചൊറിയുകയും ചിരിച്ചും നിന്ന ആൾ പെട്ടെന്ന് സെന്റി ആയി. അവൾ ആ പറഞ്ഞത് വിഷമയത്തേടെയാണ് ആണെന്ന് അവളുടെ വാക്കിൽ നിന്നും മനസലിയായി.

ഇതാണ് എന്റെ പുന്നാര പെങ്ങൾ അനൂ, രണ്ടു പേരും എപ്പോയും കീരിയും പാമ്പും പോലെ ആകും തല്ലും പാരവെപ്പും ഒറ്റികൊടുകലും എല്ലാം ഉണ്ട്. പക്ഷെ ഒരാൾക്കു വേതന അനുഭവിച്ച അത് മറ്റേ ആൾക്കും ഫീൽ ആകും. ഞങ്ങൾ രണ്ടു പേരും തമ്മിൽ ഉള്ള സ്നേഹം അതൊരു പ്രേതെക മറയിൽ ഞങ്ങൾ കൊണ്ട് നടക്കുന്നതാണ്. ഞങ്ങൾ രണ്ടു പേരും പരസ്പരം ജീവന് തുല്യം സ്നേഹിക്കുന്നവരാണ്.