ഞാൻ [Freya] 97

പഠിക്കുന്നതിന് എനിക് തീരെ താല്പര്യം ഇല്ല എന്നുള്ളതാണ് സത്യം. കോളേജിൽ ചേർന്ന് ഡിഗ്രി എടുക്കാൻ നോക്കിയാൽ മൂന്ന് വർഷം വെറുതെ നഷ്ട്ടമാകും എന്നുള്ളതിനാലാണ് ഞാനാ ഉദ്യമത്തിന് നില്കാത്തത്.

ഡിഗ്രിക്ക് പഠിക്കാൻ പോകുന്നത് എന്നുള്ള കാര്യം സത്ത്യത്തിൽ ഒരു തരത്തിൽ സമയം പായകലാണ്. കോളേജ് ലൈഫ് എന്ന് പറയുമ്പോ അവിടെ അടിച്ചു പൊളിച്ചു എന്ജോയ് ചെയ്ത് നടക്കണം. അല്ലേൽ പഠനം മാത്രം ആകണം ഇതിൽ ആത്യത്തെതാണ് ഏല്ലാവർക്കും വേണ്ടത്.

അതിനാണേ പണവും കൊടുത്ത് നമ്മുടെ മൂന്ന് വര്ഷം പായക്കണമോ പിന്നെ പഠനം ആണേ വീട്ടിൽ ഇരുന്ന് പഠിച്ചാലും എക്‌സാമിന് പാസാകാം. അതിനൊരു ഉദാഹരണം ആണ് ഞാൻ. റാങ്ക് ഒന്നും ഇല്ലങ്കിലും ആവശ്യത്തിന് ഉള്ള മാർക് എനിക്കുണ്ട്.

അപ്പൊ നിങ്ങൾ വിചാരിക്കും ഡിസ്റ്റൻസ് ആയി എടുത്തിട്ട് എന്താണ് വേറെ പാരിബാടി എന്നുള്ളത്. സത്യം പറഞ്ഞ എന്റെ ജീവിതം എന്നത് ഒരു കൊല്ലത്തിൽ ആറ് മാസം നന്നായി ജോലിക്ക് പോയി കഷ്ടപ്പെട്ട് ഞാൻ കാശുണ്ടാകും.

വാർപ്പ്, തേപ്പ്, പെയ്ന്റിംഗ്, ടൈൽസ് വർക്ക് അങ്ങനെ ഉള്ള എന്ത് ജോലിയും ചെയ്യും. അങ്ങനെ പട്ടിയെ പോലെ പണിയെടുത്ത് ആറ് മാസം കൊണ്ട് ഒരു ഒന്നര ലക്ഷം എന്റെ കയ്യിൽ സേവിങ്‌സായിട്ട് ഉണ്ടാകും.

ബാക്കി ആറ് മാസം ഞാനാ പണം കൊണ്ട് അടിച്ചു പൊളിച്ചു ജീവിക്കും. യാത്രകളും, വെള്ള മടിയും, വെറുതെ നടപ്പും അങ്ങനെ ഒക്കെയായിട്ട്. പ്ലസ് ടൂ കഴിഞ്ഞു രണ്ട് വര്ഷമായിട്ട് ഞാൻ എന്റെ ജീവിതം ഇങ്ങനെ ആണ് കൊണ്ട് പോകുന്നത്.

അതിൽ ഞാൻ കൂടുതൽ നേരവും ഹാപ്പി ആണ്. ഈ ഒരു കാരണം മൂലം ഡിപ്രെഷനോ ശോകം അവസ്ഥയോ എന്താണ് എന്നറിയാൻ സാധിച്ചിട്ടില്ല. പിന്നെ ഉള്ളത് ഇത് പോലെ വല്ലപ്പോഴും ഒരാക്സിഡന്റായി കാലോ കയ്യോ ഒടിഞ്ഞു ഒരു മാസം വീട്ടിൽ റസ്റ്റ് എടുക്കൽ അത്രയേ ഉള്ളു.

അച്ഛൻ ഒരു പലചരക്ക് കട ഉണ്ടെങ്കിലും ഞാൻ എന്റെ വട്ട ചിലവും മറ്റും നോക്കുന്നത് ഇങ്ങനെ ആണ്. പിന്നെ ഇതിന്റെ കൂടെ ഡിസ്റ്റൻസ് ആയി പഠനവും അതിൽ പൊട്ടാതെ പോകുന്നത് കൊണ്ടും ആരും ഒന്നും എന്നോട് എന്റെ ജീവിതത്തെ കുറിച്ച് പറയാനോ ഉപതെഷം തരാനോ വരാറില്ല. എനിക്കത് ഇഷ്ടവും അല്ല.

പക്ഷെ അച്ഛൻ ഒരു ചെറു കാര്യം കിട്ടിയാ മതി എന്നെ കടിച്ചു കീറി കൊടയാൻ അയാളുടെ വർത്താനം കേട്ടാ തോന്നും ഞാൻ അങ്ങേരുടെ മോൻ അല്ലെന്ന്. പണ്ടൊന്നും അച്ഛൻ ഇങ്ങനെ അല്ലായിരുന്നു ഞാനും അച്ഛനും കട്ട ദോസ്തുക്കൾ പോലെ ആയിരുന്നു. പിന്നെ അയാളുടെ മുരടൻ സ്വഭാവം കാരണം അയാളുമായുള്ള കൂട്ട്‌ ഒഴിവാക്കേണ്ടി വന്നു. പാവം ഞാൻ.

അച്ഛൻ നേരത്തെ പറഞ്ഞത് കേട്ട് കാണുമല്ലോ അപ്പൊ ഞാൻ ഇപ്പൊ ഈ അവസ്ഥയിൽ ആകാൻ കാരണം എന്താണെന്ന് നിങ്ങക്ക് മനസിലായി കാണും ന്നാലും ഞാൻ പറഞ്ഞു തരാം.

പതിനെട്ട് ആയപ്പോ ലൈസൻസ് എടുത്ത് അമ്മയെ മൂപ്പിച്ച്‌ ഞാൻ അച്ഛനെ കൊണ്ട് വാങ്ങിപ്പിച്ചതാണ് NS 200 ബൈക്ക്. അതിലാണ് എന്റെ സഞ്ചാരം.

ഇപ്പൊ കയ്യും കാലും ഒടിഞ്ഞതും ഈ ബൈക്കിൽ നിന്നും വീണത് തന്നെയാണ്. എന്റെ ഒരാവശ്യത്തിൻ വേണ്ടി ഒരിടം വരെ പോയാതായിരുന്നു.

അച്ചൻ പറഞ്ഞ പൊലെ ബൈക്കിൽ കയറി ഓടിക്കാൻ തുടങ്ങിയപ്പോ റോക്കറ്റിന്റെ ഡ്രൈവർ എന്നത് പോലെ ഞാൻ മാക്സിമം സ്പീഡിൽ പോവുക ആണ് അതും ഹൈ വെയിലൂടെ.

മുന്നിലുള്ള ഓരോ വാഹനങ്ങളും ഓവർ ടേക് ചെയ്ത് പോകുന്നതിന് ഇടയിൽ ആണ് ഒരു ഓട്ടോ റിക്ഷ സ്ലോ ആക്കിയത് അപ്പൊ ഞാൻ സ്വഭാവികമായും മറു സൈഡിലൂടെ ഓട്ടോ റിക്ഷയെ ഓവർ ടേക്ക് ചെയ്തു. പക്ഷെ അവിടെയാണ് അപകടം നടന്നത്. ഈ ഓട്ടോ റിക്ഷ സ്ലോ ആക്കിയത് ഇടത്തെ സൈഡിൽ നിന്നും ഒരു കാർ ഹൈവെയിലേക് കയറാൻ വേണ്ടി ആയിരുന്നു.