ഞാൻ [Freya] 97

അവന് ചെറിയ രീതിയിൽ എന്നോട് ചൂടായി.

“ എനിക്കത് അറിഞ്ഞേ തീരു അജയ് “. ഞാൻ കുറച്ചു കടുപ്പിച്ചു പറഞ്ഞു.

“ ഓ അങ്ങനെ ആണോ ന്നാൽ കേട്ടോ ഞങ്ങൾ തമ്മിൽ ഇപ്പൊ ഇഷ്ട്ടത്തിൽ ആണ്. എന്തേയ് ഇനി നിനക്‌ വല്ലതും അറിയണോ “. അവൻ എന്നോട് വളരെ പുച്ഛത്തോടെ പറഞ്ഞു.

“ അജയ് ഇന്നത്തോടെ അവളുമായുള്ള എല്ലാതും നിർത്തിക്കോ അതാണ് നല്ലത്. നിനക്‌ അല്ലേൽ തന്നെ ഒരുപാട് പെൺകുട്ടികളുമായി കൊണ്ടാക്റ്റ്‌ ഉണ്ടെന്ന് അറിയാം, ഞാൻ അതിൽ ഒന്നും ഇടപെടുന്നില്ല പക്ഷെ ഇതിൽ മിണ്ടാതിരിക്കാൻ വയ്യ. നിന്റെ ഈ സ്വഭാവം നിർത്തുന്നതാണ് ഏറ്റവും നല്ലത് “.

“ എന്റെ കാര്യത്തിൽ ഇടപെടാൻ നീ ആരാടാ. ഇവളും എനിക്കൊരു ടൈം പാസ് പോലെയാ. അതേ പോലെ ഞാൻ എനിക് ഇഷ്ടമുള്ളത് പോലെ ഒക്കെ ചെയ്യും. നിനക്കെന്തെങ്കിലും പ്രെശ്നം ഉണ്ടോ. അല്ലേൽ നീ എന്നെ തല്ലോ. എങ്കി തല്ലെടാ എന്നേ തല്ലി നോക്കടാ “. അജയ് പറഞ്ഞു കൊണ്ട് എന്റെ നെഞ്ചിൽ തള്ളി. ഞാൻ രണ്ടടി ബാക്കിലേക് വച്ചു.

“ അജയ് ഞാൻ ഒരു പ്രേശ്നത്തിന് നിക്കാൻ ആഗ്രഹിക്കുന്നില്ല. ഇതിവിടെ നിർത്തുന്നതാണ് നിനക്‌ നല്ലത് “. ഞാൻ ലാസ്റ്റ്‌ വാണിങായി അവനോട് പറഞ്ഞു.

“ എനിക് നിർത്താൻ ഉദ്ദേശം ഇല്ല. അതോണ്ട് മോൻ ഇപ്പൊ പോ “. അവൻ പറഞ്ഞു വീണ്ടും എന്നെ പിറകിലേക് തള്ളി.

എനിക് ദേഷ്യം വന്നു ഞാനവന്റെ കോളറിൽ കയറി പിടിച്ചു.
“ അജയ് നിർത്തുന്നതാണ് നല്ലത് “.

“ കയ്യെടുക്കടാ നാറി “. എന്നും പറഞ്ഞോണ്ട് എന്റെ ഇടത് കവിളടക്കി അവൻ അടിച്ചു.

ഞാൻ ഈ ഒരൊറ്റ നിമിഷത്തിന് വേണ്ടി കാത്തിരിക്കുക ആയിരുന്നു. വലത് സൈടിലേക് വെച്ച് പോയ ഞാൻ വീണ്ടും നേരെ നിന്ന് അവനെ നോക്കി. അത്രയും നേരം കടിച്ചു പിടിച്ചു നിന്ന എന്റെ ദേഷ്യം മൊത്തമായി പുറത്തേക്ക് വന്നു.

ഞാൻ നേരെ നിന്നതും ആത്യം തന്നെ അവന്റെ കരണം നോക്കി നന്നായി ഒന്നു പൊട്ടിച്ചു. അടി കൊണ്ടതു രണ്ടു നിമിഷം അവന് ഒന്ന് പതറി നിന്നു. പിന്നെ അവൻ എന്നെ തല്ലാനായി മുന്നോട്ട് വന്നു.

അവൻ എന്നെ തല്ലാനായി വന്നതും ഞാൻ അവന്റെ നെഞ്ചിന് നോക്കി തന്നെ ഒരു ചവിട്ട് കൊടുത്തു. ചവിട്ട് കിട്ടിയതും അവൻ പുറം അടിച്ചു നിലത്തേക്ക് വീണു.

അവൻ അവിടെന്ന് എണീക്കുന്നതിന് മുൻപ് തന്നെ ഞാനവന്റെ മേലിൽ കയറി ഇരുന്നു എന്നിട്ട് അവന്റെ ഒരു കൈ എന്റെ ഇടത് കയ്യിലും മറ്റേ കൈ കാലിന്നടിയിലും ആക്കി ലോക് ചെയ്തു.

പിന്നെ ഞാൻ ഒന്നും നോക്കാതെ എന്റെ വലത് കൈ ചുരുട്ടി പിടിച്ച് അവന്റെ മുഖം നോക്കി കുത്താൻ തുടങ്ങി. ഒരു നാലഞ്ചിടി കൊടുത്ത് ഞാൻ അവനെ പിടിച്ച ലോക് വിട്ട് എണീറ്റ് നിന്നു.

അവൻ മെല്ലെ എണീറ്റ് നിക്കാൻ ശ്രെമിച്ചു. അവന്റെ ചുണ്ട് പൊട്ടിയിരുന്നു അതോടൊപ്പം മൂക്കിൽ നിന്നും ചോര വരുന്നുണ്ട് ഇടത് കണ്ണിന്റെ ഭാഗത്തായി മുറിവ് ഉണ്ട് മുഖം ആകെ ചുവന്ന് കിടക്കുകയാണ്.
അവൻ വെല്ലെ എണീറ്റതും റഷീതും ശരണും അവന്റെ രണ്ടു കയ്യും പിടിച്ചു വച്ചു.

“ പന്നി നിനക്ക്‌ കൂട്ടുകാരന്റെ സ്വന്തം പെങ്ങളെ തന്നെ വേണം അല്ലേ ടൈം പാസായി. നിന്നെ പോലെയാണെന്ന് കരുതിയോട നായേ എല്ലാവരും. ഞങ്ങൾ അവളെ സ്വന്തം പെങ്ങൾ ആയിട്ടാണ് കണ്ടിട്ടുള്ളത് അപ്പൊ ഇത് ചെയ്യാനുള്ള അവകാശവും ഞങ്ങക്കുണ്ട് “. റഷീദ് അവന്റെ ചെകിടടക്കി ഒന്ന് പൊട്ടിച്ചിട്ട് പറഞ്ഞു.