ഞാൻ [Freya] 97

കളി പുരോഗമിച്ചു കൊണ്ടിരിക്കുകയാണ് ഞങ്ങൾ ഒന്നടിച്ച ഗോളിന് പകരമായി അവർ മൂന്ന് ഗോളുകളാണ് തിരിച്ചു ഞങ്ങടെ പോസ്റ്റിലേക് അടിച്ചത്. ഒരു ഗോൾ ഹെഡിങ്ങിലൂടെയും മറ്റൊന്ന് പോസ്റ്റിന് കുറച്ചപ്പുറത്തുന്നയി പവർ ഫുള്ളായ ഒരു ഷോട്ടിലൂടെയും, ലാസ്റ്റിലിതെത്‌ ഞങ്ങടെ ബാക്കിന്റെ അശ്രദ്ധ മൂലവും.

മൂന്ന് ഗോളോട് കൂടെ കളി കാര്യമായി തുടങ്ങി. എതിർ ടീം അവരുടെ ബാക്ക് ശക്ത മാകുന്നതിന് ഫലമായി നല്ല രീതിയിൽ തന്നെ ഞങ്ങടെ പ്ലെയേഴ്‌സിനെ ഫൗളുകൾ ചെയ്യാൻ തുടങ്ങി.

എന്നിരുന്നാലും കഷ്ട്ട പെട്ട് ഒരു ഗോളും കൂടെ ഞങ്ങൾ അവരുടെ പോസ്റ്റിലേക് അടിച്ചു. രണ്ടു മൂന്ന് പേരെ ട്രിബിൾ ചെയ്തിട്ടാണ് ഗോൾ കരസ്ഥമാക്കിയത്.

എന്നിരുന്നാലും അവർ ഒരു ഗോളിന് ഞങ്ങളിൽ നിന്നും ലീഡ് ചെയ്ത് നിൽക്കുകയാണ്. ഞങ്ങള്ക് അവരോടൊപ്പം സമനിലയിൽ എത്തുവാൻ വേണ്ടി വന്നത് എല്ലാവരും തരംതായ്ത്തി കെട്ടിയ കളി അറിയില്ലെന്ന് പറഞ്ഞ് പരിഹസിച്ച സോജാസ് ആണ്. സംഭവം റഷീദ് ലെഫ്റ്റിൽ നിന്നും ഗോൾ പോസ്റ്റിലേക് അടിച്ചു പക്ഷെ ആ പന്ത് ഗോളിയുടെ കാലിൽ തട്ടി റിട്ടേൺ വന്നു, കുറച്ചു പവർ ഉള്ള ഷൂട്ട് ആയിരുന്നു അത്.അതിനാൽ തന്നെ ഗോളിയുടെ കാലിൽ തട്ടി റിട്ടേൺ വന്ന പന്തും കുറച്ചു പവർ ഉണ്ടായിരുന്നു.

പക്ഷെ അവിടെ ആരും വിചാരിക്കാത്ത ഒരു കാര്യമാണ് സംഭവിച്ചത് ആ റിട്ടേൺ വന്ന പന്ത് സോജാസ് തന്റെ ഇടത് കാൽ കൊണ്ടതിനെ തടഞ്ഞ്. കാലിനടിയിലാക്കി വച്ചു. പിന്നെ ഒരു നിമിഷം പോലും ആലോചിക്കാതെ വലത് കാൽ കോണ്ടത്തിന്റെ പോസ്റ്റിലേക് അടിച്ചു. സോജാസ് അവിടേം മുതൽ ഒരു ചരിത്രം സൃഷ്ടിക്കുക ആയിരുന്നു. ആ പന്ത് അതിവേഗം പോസ്റ്റിന്റെ ബാറിൽ തട്ടി തട്ടിയില്ല എന്ന രീതിയിൽ ഗോൾ പോസ്റ്റിന് ഉള്ളിലേക്കു കയറി.

തന്നെ കൊണ്ട് കളിക്കാൻ അറിയില്ല ഗോളടിക്കാൻ അറിയില്ല, നീ ഒരു പരാജയം ആണെന്ന് പറഞ്ഞവരുടെ മുമ്പിൽ ഒരു വമ്പൻ തിരിച്ചു വരവാണ് സോജാസിൽ നിന്നും ഞങ്ങൾ കണ്ടത്. ആ ഗോൾ കണ്ടു നിന്നവർ എല്ലാം ഞെട്ടിയിരിക്കുകയാണ്. ഒരു നിമിഷം അത് സോജാസ് അല്ലെന്ന് വരെ പലർക്കും തോന്നി.

ആ ഗോളടിച്ചതിന് ശേഷം സോജാസിന്റെ മുഖഭാവമാണ് എല്ലാവരെയും അത്ഭുത പെടുത്തിയത്. ഗോളടിക്കുന്നത് ഒക്കെ എത്രയോ നിസാരം എന്ന രീതിയിലാണ് അവൻ അവിടെ നിന്നത്.

അങ്ങനെ നേരം സന്ത്യ ആകാറായി. സൂര്യൻ പടിഞ്ഞാർ അസ്തമിക്കാൻ തുടങ്ങുകയാണ്. അതിന്റെ ഫലം എന്നോണം സൂര്യ പ്രകാശം കുറഞ്ഞു വരുന്നു.

രണ്ടു ടീമും ട്ടയ്യ്‌ ആയി നില്കുന്നത് കൊണ്ട് ഗംഭീരമായ പോരാട്ടം തന്നെയാണ് അവിടെ നടന്ന് കൊണ്ടിരിക്കുന്നത്.
അതിന്റെ ഫലം എന്നോണം ഞങ്ങളുടെ ടീമിലെ ഒരു പ്ലെയർ പന്തുമായി അവരുടെ പോസ്റ്റിലേക് കടക്കാൻ ശ്രെമിക്കുമ്പോളാണ് അവരുടെ ബാക്കായി കളിച്ചിരുന്ന ഒരു പ്ലെയർ ഞങ്ങടെ പ്ലെയറിനെ പിടിച്ചു വലിച്ചു നിലത്തേക്ക് ഇട്ടത്. അതൊരു ഫൗളായി ഞങ്ങള്ക് കിട്ടി.

പോസ്റ്റിന് അടുത്തയത് കൊണ്ട് ഫ്രീകിക്കാണ് ഞങ്ങൾ എടുക്കുന്നത്.
ഞങ്ങടെ ഫ്രീ കിക്കിനെ തടയാൻ പാകത്തിന് എന്നോണം അവരുടെ ടീമിലെ മൂന്ന് പ്ലെയേഴ്‌സ് വാൾ പോലെ ബ്ലോക്കായി പോസ്റ്റിന് മുന്നിൽ നിൽക്കുന്നുണ്ട്. അതേ പോലെ ഞങ്ങടെ മറ്റു പ്ലെയേഴ്‌സിനെ അവരുടെ പ്ലെയേഴ്‌സ് മാർക് ചെയ്ത് കൂടെ നിക്കുന്നുമുണ്ട്.

“ ഞാൻ എടുക്കാം “. “ ഞാൻ ഫ്രീ കിക്ക് എടുക്കാം “.

ഞങ്ങടെ ടീമിലെ മൂന്ന് പേരിൽ ആര് ഫ്രീ കിക്ക്‌ എടുക്കും എന്ന ഡിസിഷൻ യെടുത്തോണ്ടിരിക്കുകയാണ്.
അവർ തീരുമാനങ്ങൾ എടുക്കുന്നതിന് ഇടയിലാണ് സോജാസ് മുന്നിൽ കയറി വന്ന് ആ ഫ്രീ കിക്ക് അടിക്കുന്നത്. ഞങ്ങടെ ടീമോ അവരുടെ ടീമോ ആരും പ്രതീക്ഷിക്കാതെ ഉള്ള ഒരു ഫ്രീകിക്ക്.

ആ ഫ്രീ കിക്കിലൂടെ പന്തിന്റെ ദിശ പോയാതോ, അവരുടെ ബ്ലോക്ക് നിന്നവരുടെ ഇടത് സൈഡിലൂടെ തലക്ക് മുകളിലൂടെ ഗോൾ പോസ്റ്റിന്റെ ഇടത് മൂലയിലേക്. അതും കാറ്റിന്റെ വേഗതയിൽ ഒരു കെർവ്വ്‌ രൂപത്തിലാണ് പോസ്റ്റിലേക് ആ ബോള് കയറിയത്.