ഞാൻ [Freya] 97

ആളെ ഞങ്ങടെ ടീമിൽ ഇറക്കാം “. എതിർ ടീമിലെ പിള്ളേർ ഉടനെ മറുപടി തന്നു.

“ അയ് നിങ്ങളെ ടീമിൽ ഇറക്കിയാ മതി “. ഞങ്ങൾ അവരോട് പറഞ്ഞു.
“ വേണ്ട നിങ്ങടേതിൽ ഇറക്കിയ മതി “.

നിങ്ങൾക്ക് തോന്നുന്നുണ്ടാവും ഇതെന്താ സോജാസിനെ രണ്ടു ടീമ്സിനും വേണ്ടാത്തതെന്ന്. അത് വേറെ ഒന്നും കൊണ്ടല്ല സോജാസ് ഏത് ടീമിൽ ആണോ ഇറങ്ങിയത് അന്നാ ടീം തോറ്റിരിക്കും ഉറപ്പാണ്. ഇന്നേ വരെ അവൻ ഉള്ള ടീം ജയിച്ചതായി കണ്ടിട്ടില്ല.
പോരാത്തതിന് അവൻ ഫോർവെർഡ് മാത്രേ കളിക്കുള്ളു. അതാണേ ആരെങ്കിലും പന്തുമായി മുന്നോട്ട് പോയാ “ പാസ് പാസ് “. എന്നും പറഞ്ഞവൻ കൂവാൻ തുടങ്ങും. കൂവൽ ഒക്കെ പോട്ടെ അവന് ഇനി പന്ത് പാസ് ചെയ്തെന്നിരിക്കട്ടെ ആ പന്ത് അവന്റെ രണ്ടടി മുമ്പിലൂടെ ആകും പോവുക പക്ഷെ അവൻ അതെടുക്കില്ല. അപ്പൊ പിടിച്ചൊരു വെപ്രാളം ആണ് പന്ത് മിസ്സായാൽ അതവന് പാസ് ചെയ്തവരുടെ കുറ്റമായി. ഇനി അവന്റെ കാലിലേക് തന്നെയാണ് പാസ് കിട്ടിയത് എങ്കിൽ അവൻ ആ പന്ത് ഒന്നെങ്കി പുറത്തേക്ക് അടിക്കും അല്ലേൽ എതിർ ടീമിന്റെ മെമ്പേഴ്സിൽ ആർകെങ്കിലും ഇട്ടു കൊടുക്കും.

ഇങ്ങനെ ഉള്ള ഒരു സാധനത്തിനെ ആരുടെയെങ്കിലും ടീമിൽ മനപ്പൂർവം അവർ ഇറാക്കോ,, ഇല്ലല്ലോ അതാണ് ഇവിടെ ഇപ്പൊ കണ്ടതും.

“ ആ എന്തായാലും ഞാൻ ഈ ടീമിൽ ഇറങ്ങി “. സോജാസ് പറഞ്ഞുകൊണ്ട് ഞങ്ങടെ ടീമിൽ ഇറങ്ങി.

ആഹാ ഇന്ന് ഉറപ്പായും ഞങ്ങൾ എട്ട് നിലയിൽ പൊട്ടും ഇല്ലേ ഇവാൻ പൊട്ടിച്ചിരിക്കും.

അവർ ഫസ്റ്റ് ടച്ച് ഇട്ട് കളി സ്റ്റാർട്ട് ചെയ്തു. നല്ല രീതിയിൽ തന്നെയാണ് കളി മുന്നോട് പോകുന്നത്. ടീം അംഗങ്ങൾ തമ്മിൽ പാസ് ചെയ്തും ഇനി ഒറ്റക്ക് എതിർ ടീമിലെ അംഗങ്ങളെ കട്ടിങ്ങും ട്രിബിളിംഗും ചെയ്തും മുന്നോട്ട് പോകാനും എതിർ ടീമിന്റെ കാലിൽ നിന്നും പന്ത് നേടി എടുക്കാനും രണ്ടു ടീമിലെ അംഗങ്ങളും ശ്രെമിക്കുന്നുണ്ട്.

ഓരോ ടീമിലെയും അവരവരുടെ പൊസിഷൻസും കളിയുടെ സാഹചര്യങ്ങൾക് അനുസരിച്‌ മാറി നല്ല ഒരു മാച്ച് തന്നെ രണ്ടു ടീമും തമ്മിൽ നടന്നോണ്ടിരുന്നു.

Isl ലിൽ കേരളം കളിക്കുന്നത് പോലെ ഫുൾ മയ്നസ്‌ പാസ് ഇട്ട് ബാക്കിലേക് അല്ല കളിക്കുന്നത്. ഗോളടിക്കാനുള്ള വാശിയോടെ ഇരു ടീമും മുന്നിലേക്കു നീങ്ങുകയാണ് ചെയ്തോണ്ടിരുന്നത്. രണ്ടു ടീമും തമ്മിൽ പൊരിഞ്ഞ പോരാട്ടം ആയിരുന്നു. കളിക്ക് ഇടയിൽ നല്ല രീതിയിൽ ഉള്ള ഫൗളും ഹാന്റും ഒക്കെ ഉണ്ടാകുന്നുണ്ട്.

അങ്ങനെ ആത്യത്തെ ഗോൾ ഞങ്ങാളാണ് നേടിയത്. ഞങ്ങടെ ടീമിലെ മെയ്ൻ ഫോർവേർഡ് പ്ലായ്യർ ആയ റഷീദ് ആണാഗോൾ അടിച്ചത്. റൈറ്റ് സൈഡിൽ നിന്നും വന്ന പന്ത് ലെഫ്റ്റിൽ ഉണ്ടായിരുന്ന റഷീദ് കാലിൽ യെടുത്ത് ലെഫ്റ്റിലെ ബാക്കിനെയും സണ്ടർ ബാക്കിനെയും കട്ട് ചെയ്ത്‌ ഗോൾ പോസ്റ്റിലെ റൈറ്റ് സൈടിലേക് തായ്ത്ത്‌കൂടെ അടിച്ചു. അവരുടെ ഗോളിക്ക് അത് തടുക്കാൻ ആയില്ല.

ഗോൾ നേടിയതും ഞങ്ങടെ ടീമിലെ അംഗങ്ങൾ ആർപ്പ് വിളിയായോടെ ആ ഗോൾ സെലിബ്രെറ്റ്‌ ചെയ്തു.

വീണ്ടും കളി ആരംഭിച്ചു. ആത്യത്തെത് പോലെ കട്ടക്ക് കട്ടക്ക് കളിയായി. നമ്മടെ സോജാസിന് ഇപ്പോളും ഒരു മാറ്റവും ഇല്ലാതെ നിക്കുകയാണ്. പന്തവന്റെ ഒരടി മുന്നോട്ട് പോയാ എടുക്കാതെ ഇരിക്കും അപ്പോളവന്റെ എക്സ്പ്രെസനിൽ നിന്നും അവൻ പറയുന്നത് ‘ പന്ത് വേണമെങ്കിൽ എന്റെ അടുത്തേക്ക് വരട്ടെ, അല്ലാതെ ഞാൻ പന്തിന്റെ അടുത്തേക്ക് പോകില്ല ‘. ഇനി കാലിലേക് പന്ത് കിട്ടിയാലോ വല്ല ഉഭകാരം ഉണ്ടോ എന്നാ അതൊട്ടു ഇല്ലതാനും.