?നന്ദുവേട്ടന്റെ സ്വന്തം ദേവൂട്ടി…[Demon king] 1475

ഞാൻ: ഹാ….. നീ എന്നെ ഇവിടെ കൊടുന്നിറക്കി വിടുമ്പോൾ ഞാൻ വളരെ ഹാപ്പി ആയിരുന്നു. അതിന്റെ ആയുസ്സൊക്കെ അപ്പോതന്നെ കഴിഞ്ഞടാ….നീ ചോദിച്ചില്ലേ…. വട്ടയൊന്ന്…. ചിലപ്പോ ആയിക്കാണും ചിലപ്പോ ആവാരായിട്ടുണ്ടാവും… ചിലപ്പോ ആവുന്നെ ഉണ്ടാവൂ…..

ഫഹദ്: നീ എന്താ പിച്ചുംപേയും പറയുന്നേ…. നീ ഇവിടെ ഇരിക്ക്…. ഞാൻ അമ്മായിയെ കണ്ടിട്ട് വരാ….

ഞാൻ: എന്തിന്….. അവരൊക്കെ എന്നെ ചതിച്ചടാ…..

ഫഹദ്: എന്ത്?…..

ഞാൻ: ഞാൻ ആർക്ക്വേണ്ടിയാണോ ഇത്ര വർഷം എന്റെ ജീവിതം തുലച്ചത് അവരെല്ലാം എന്നെ ചതിച്ചു…

പിടിച്ചു വച്ചിരുന്ന കണ്ണുനീർ എല്ലാം വീണ്ടും പുറത്തു ചാടി. അവൻ എന്റെ അടുത്ത് വന്ന് എന്നെ ആശ്വസിപ്പിച്ചു.

ഞാൻ: ഡാ…. ഫഹു…. എനിക്ക് ആരും ഇല്ലടാ….. ഞാൻ ഒറ്റക്കാടാ…. എന്നെ എല്ലാരും ഒറ്റക്കാക്കി….
നന്ദു…. നന്ദു തോറ്റഡാ……

ഞാൻ അവന്റെ നെഞ്ചിൽ കിടന്ന് പൊട്ടിക്കരഞ്ഞു.

ഫഹദ്: എന്താടാ പറയുന്നേ…. പിന്നെ ഞാനൊക്കെ എന്തിനാടാ….. നിനക്ക് ഞാൻ ഇല്ലേ….. നീ കാര്യം മൊത്തം തെളിച്ച് പറ……

ഞാൻ ഇന്നലെ ഉണ്ടായത് എല്ലാം വള്ളിപുള്ളി തെറ്റാതെ അവനോട് പറഞ്ഞു. അവനും ആകെ ഞെട്ടലും വിഷമവും ഒക്കെ ആയി.

ഞാൻ: ഞാൻ…. ഞാൻ മരിക്കാൻ പോയതാടാ…. പക്ഷെ…. പക്ഷെ ഞാൻ മരിച്ചാൽ എന്റെ ദേവു…. അവളും വല്ല കടുകയ്യും ചെയ്യും. എനിക്കത് സഹിക്കില്ല…

ഞാൻ ഇങ്ങനെ നീറി നീറി ആയാലും ജീവിക്കും…
എന്റെ ദേവു എവിടെ ആണെങ്കിലും സന്തോഷമായി ജീവിക്കണം.

ഫഹദ്: അപ്പൊ അവളെ വേറെ ഒരുത്തൻ കെട്ടി അവൾ സന്തോഷമായി ജീവിക്കുന്നത് നിനക്ക് കാണണം…. അതിനാണ് നീ ഇപ്പൊ ജീവിച്ചിരുന്നത്.

അവൻ കുറച്ച് ദേഷ്യത്തിൽ ആണ് എന്നോട് സംസാരിച്ചത്.

ഞാൻ: ഹമ്മ്… അവൾ സന്തോഷത്തോടെ ജീവിക്കണം….

പിന്നെ ഞാൻ കേട്ടത് എന്റെ കരണം പൊട്ടുന്ന ശബ്ദം ആണ്.

എന്റെ മുന്നിൽ ഫഹദ് ദേഷ്യത്തിൽ ജ്വലിച്ചു നിൽക്കുന്നു.

ഫഹദ്: നിന്റെ കൈകൊണ്ടല്ലാത്ത താലി അവളുടെ കഴുത്തിൽ വീണാൽ ആ ശരീരത്തിൽ ജീവൻ ഉണ്ടാവും എന്ന് നിനക്ക് തോനുന്നുണ്ടോഡാ *****….

അവൻ എന്റെ നേരെ ചീറി….

അപ്പോൾ ആണ് ഞാൻ വിട്ടുപോയ പല കാര്യങ്ങളും എനിക്ക് ഓർമയിൽ വന്നത്. ഇന്നലത്തെ ഷോക്കിൽ എന്റെ ബുദ്ധി ആകെ മരവിച്ച് പോയിരുന്നു

‘”” എന്നെ വിട്ട് കൊടുക്കല്ലേ ഏട്ടാ…. ഏട്ടൻ ഇല്ലെങ്കിൽ ഞാൻ ചത്തു പോകും…. സത്യമായും ഞാൻ ചാവും..'””