?മയൂരി? [The Beginning][ഖല്‍ബിന്‍റെ പോരാളി ?] 823

അമ്മാവനും അമ്മായിയ്ക്കും ഒപ്പം എന്റെ വീട്ടില്‍ വരുമ്പോ എനിക്ക് പ്രിയപ്പെട്ടതെല്ലാം അവള്‍ക്ക് കാണിച്ച് കൊടുക്കാൻ എനിക്ക് വെപ്രാളമായി. എതിര്‍പ്പ് ഇല്ലാതെ എന്റെ കുടെ ഇരുന്ന് അവൾ സന്തോഷിച്ചത് എനിക്കും ഇഷ്ടമായി.

പക്ഷേ എന്റെ പ്രണയം എന്റെ മനസില്‍ മാത്രം കൊണ്ട്‌ നടക്കാൻ എനിക്ക് കഴിയുമായിരുന്നില്ല. എങ്ങിനെയും ആ വികാരം അവളെ അറിയിക്കാൻ ഞാൻ തിരുമാനിച്ചു. ഇത്രേ ഒക്കെ ആയപ്പോഴേക്കും രണ്ടുകൊല്ലം കഴിഞ്ഞിരുന്നു. ഞാൻ ഏഴിലെത്തി. അവൾ ഒമ്പതിലും. അത്രയും കാലം എനിക്ക് കുടെ ഉണ്ടായിരുന്ന ചേട്ടൻ പ്ലസ് ടു കഴിഞ്ഞ് എന്‍ട്രന്‍സ് എഴുതി എജിനീയറിംഗിന് ചേര്‍ന്നു.

അങ്ങനെ ആ ദിവസം എത്തി. അതൊരു വെള്ളിയാഴ്ച ആയിരുന്നു. ഉച്ചക്ക് അധിക സമയം കിട്ടുന്ന ദിവസം. അന്ന് ഉച്ച ഭക്ഷണത്തിന് ശേഷം ഞാൻ അവളുടെ ക്ലാസിന് മുന്നില്‍ എത്തി. വാതില്‍ നിന്ന് ഉള്ളിലേക്ക് തലയിട്ട് എത്തി നോക്കി. ഉള്ളില്‍ കൂട്ടുകാരുമായി സൗഹൃദസംഭാഷണത്തിലായിരുന്നു കക്ഷി.

““മായു….”” ഞാൻ നീട്ടി വിളിച്ചു. അവൾ വാതിലിലേക്ക് നോക്കി. എന്നെ കണ്ട് ഒരു ചിരി വരുത്തി. പിന്നെ എണീറ്റു എന്റെ അടുത്തേക്ക് വന്നു.

““ന്താടാ ചെക്കാ… ന്താ ഈ നേരത്ത്…””

”““മായു… നിക്ക് നാരങ്ങ മിട്ടായി വാങ്ങി താ… ””

““ന്തൊരു മിഠായി കൊതിയാ ദാസുട്ടാ ഇത്…””

““വാങ്ങി താ മായു…””

““നിക്ക്… ഞാൻ പോയി പൈസ എടുത്ത് വരാം…”” അവൾ ഉള്ളിലേക്ക് പോയി. അല്പ നേരത്തിന് ശേഷം അവൾ ഒരു നോട്ട് കൈയിൽ ചുരുട്ടി വെച്ച് തിരിച്ച് വന്നു. പിന്നെ എന്റെ കൈ പിടിച്ചു ഗ്രൗണ്ടിനടുത്തുള്ള പെട്ടിപീടികയിലേക്ക് കൊണ്ട്‌ പോയി. അവിടെ നിന്ന് കുറച്ച് നാരങ്ങ മിഠായി വാങ്ങി ഒരു പേപ്പറിൽ പൊതിഞ്ഞ് വാങ്ങി. പൈസ കൊടുത്തു ബാക്കി വാങ്ങി അവൾ എന്റെ അടുത്തേക്ക് വന്നു.

““ന്നാ മുണുങ്ങ്…”” കൈയിലെ മിഠായി പൊതി എന്റെ കൈയിൽ വെച്ച് ഒരു നറുപുഞ്ചിരിയിൽ അവൾ പറഞ്ഞു. ഞാൻ പൊതി തുറന്ന് ഒരെണ്ണം വായിലേക്ക് ഇട്ടു. പതിയെ നുണഞ്ഞു.

““ഒന്ന് വേണോ…”” പൊതി അവള്‍ക്ക് നേരെ നീട്ടി ഞാൻ ചോദിച്ചു.

““വേണ്ട… മോന്‍ ഒറ്റക്ക് കഴിച്ച മതി.””

““മായു, ഞാനൊരു കാര്യം പറയട്ടെ…””

““ന്താടാ ദാസുട്ടാ….”” അവൾ തിരിഞ്ഞ് നിന്ന് ചോദിച്ചു. ഞാൻ അറിയാതെ അവിടെ നിന്ന് പോയി. കുടെ അവളും നിന്നു.

““നിക്ക് മായുനെ വല്യ ഇഷ്ടമാ…”” ഞാൻ പറഞ്ഞു.

““അതിനെന്താ… നിക്കും നിന്നെ ഇഷ്ടമാ… അതല്ലേ നിനക്ക് ഞാൻ ഇതൊക്കെ വാങ്ങി തരുന്നേ…”” അവൾ അതേ പോലെ തിരിച്ച് പറഞ്ഞു.

““അതല്ല മായു… അങ്ങനെ ഇഷ്ടമല്ല.. നിക്ക്… നിക്ക് മായുനോട് പ്രണയമാ… നിക്ക് കല്യാണം കഴിക്കണം…”” ഞാൻ പറഞ്ഞൊപ്പിച്ചു…