?മയൂരി? [The Beginning][ഖല്‍ബിന്‍റെ പോരാളി ?] 823

““എന്നാൽ ഞാൻ നിങ്ങളെ ഇവിടെ ആക്കിയ ഫിലിപ്പോസിനെ വിളിക്കാം… അങ്ങേര് വരട്ടെ…””

““ഹാ… ആയിക്കോട്ടെ…”” അവന്‍ സമ്മതിച്ചു.

ഞാൻ ഫോൺ എടുത്ത് കാര്യം സൂചിപ്പിച്ചു. ഏകദേശം ആശാന് എല്ലാം മനസ്സിലായിരുന്നു. ഇപ്പൊ വരാം എന്ന് പറഞ്ഞു ഫോൺ വെച്ചു. ശേഷം അവനെ സമാധാനിപ്പിച്ച് തിരിച്ച് വിട്ടു.

കുറച്ച് നേരത്തിനുള്ളിൽ പീലിയാശൻ വന്നു. കുടെ ഒരു യമണ്ടന്‍ ജിമ്മനും ഉണ്ടായിരുന്നു. ആശാന്‍ രണ്ടും കല്പിച്ച് ആണ്‌ എന്ന്‌ എനിക്ക് മനസ്സിലായി. പിന്നെ ഞങ്ങൾ മൂന്നും കുടെ അവന്റെ റൂമിലേക്ക് പോയി. ആദ്യം അവളെ കൊണ്ട്‌ വന്നവന്റെ അടുത്തെത്തി. ഞങ്ങളെ ആശ്വാസത്തോടെ നോക്കിയ അവനെ ആശാന്‍ ചെന്ന് കേറിയപ്പോഴെ കൈ വെച്ചു. അവനെ തൂക്കി എടുത്ത് പിന്നാലെ വന്നു കേറിയ നാല് പേരുടെ റൂമിലേക്ക് കൊണ്ട്‌ പോയി. എല്ലാവരും ഒന്ന് എതിർക്കാൻ നോക്കി എങ്കിലും ആശാന്റെ രണ്ട് മര്‍മ്മ പ്രയോഗത്തിൽ എല്ലാം പേടിച്ച് പോയി.

ആശാന്റെ മര്‍മ്മപ്രയോഗവും പോലീസിൽ പിടിച്ചു കൊടുക്കും എന്ന ഭീക്ഷണിയിലും അവർ ഭൂതവും വര്‍ത്തമാനവും മണി മണിയായി പറഞ്ഞു.

കോട്ടയം നഗരത്തിലെ പ്രമുഖ വ്യവസായിയുടെ മകളാണ് ലവൾ; മേഘ ജോർജ്. അവളുടെ സൗന്ദര്യത്തിൽ ആകൃഷ്ടരായ നാട്ടിലെ മൂന്ന് ചെറുപ്പക്കാര്‍ അവളുടെ ശരീരം അനുഭവിക്കാൻ വേണ്ടി വേറെ ഒരുത്തനെ കൊണ്ട്‌ അവളെ ലൈൻ അടിപ്പിക്കുന്നു. കുറച്ച് പണം ചിലവാക്കി അവളെ വളച്ച് ഓടിച്ചു ദേ ഇവിടം വരെ എത്തിച്ചു. പക്ഷേ നമ്മുടെ അച്ചായത്തി അവസാന നിമിഷം എല്ലാരേയും തള്ളി മാറ്റി എന്റെ മുറിയില്‍ അഭയം പ്രാപിച്ചു.

അവസാനം പിള്ളേര് ആശാന്റെ കാല് പിടിച്ചു കരഞ്ഞപ്പോ എനിക്ക് ചിരിയാണ് വന്നത്. ആശാന്‍ ഒന്നുടെ വിരട്ടി നാളെ തന്നെ സ്ഥലം കാലിയാക്കാൻ പറഞ്ഞ്‌ അവരെ വിട്ട് പുറത്തിറങ്ങി.

““ഡാ… അവൾ എവിടെ…?”” ആശാന്‍ പുറത്തിറക്കിയ ശേഷം എന്നോട് ചോദിച്ചു.

““എന്റെ റൂമിൽ ഉണ്ട്…”” ഞാൻ എന്റെ റൂമിലേക്ക് ചൂണ്ടി പറഞ്ഞു.

ഞങ്ങൾ വാതിൽ തുറന്ന് അകത്തേക്ക് കയറിയ മൂന്ന് പേരെ അവൾ പേടിയോടെ നോക്കി. പാവം ആരെയും വിശ്വസിക്കാന്‍ പറ്റാത്ത അവസ്ഥയിലാണിപ്പൊ… അവളുടെ നോട്ടവും ഭാവവും കണ്ടു ആശാന്‍ ഒന്ന് പകച്ച് പോയിരുന്നു. ആശാന്‍ പിറകെ എന്റെ ചെവിക്ക് അടുത്ത് നീങ്ങി എന്റെ ചെവിയില്‍ ചോദിച്ചു.

““ഡാ… നിന്നെയും ഈ ഭീമനെയും കണ്ട് അവൾ പേടിച്ചു എന്ന് തോന്നുന്നു.””

““അത് ഞങ്ങളെ കണ്ടല്ല ആശാനെ… ആശാന്റെ താടി മേലുള്ള ചൊറിച്ചിലും മുഖ ഭാവവും കണ്ടപ്പോ അവള്‍ക്ക് പഴയ സിനിമകളിലെ ടി. ജി രവിയെ ഓര്‍മ വന്ന് കാണും.”” ഞാനും വിട്ട് കൊടുത്തില്ല. അത് ആശാന്‍ പിടിച്ചിട്ടില്ല എന്ന് ആ മുഖത്ത് നിന്ന് വ്യക്തമായിരുന്നു.