?മയൂരി? [The Beginning][ഖല്‍ബിന്‍റെ പോരാളി ?] 823

വാതിൽ തുറന്നപ്പോള്‍ മുന്നില്‍ നേരത്തെ അവന്റെ ഒപ്പം വന്നവൾ. പക്ഷേ ആകെ പേടിച്ച അവസ്ഥയില്‍ ആയിരുന്നു. ചുരിദാറിന്റെ ഒരുവശം കഴുത്ത് മുതൽ കൈ വരെ കീറി പോയിട്ടുണ്ട്. വെളുത്ത തോളില്‍ പിങ്ക് കളർ ബ്രാ സ്ട്രിപ്പ് കാണുന്നുണ്ടായിരുന്നു. കുടെ ആരുടെയോ നഖക്ഷതങ്ങളും. അവളുടെ കരഞ്ഞ മുഖം കുടെ പേടിയും ആയപ്പോഴേക്കും എന്ത് ചെയ്യണം എന്ന് അറിയാതെ ആയി…

““ഇച്ചായ… എന്നെ രക്ഷിക്കണം… അവനും കുടെ കുറെ ആളുകളും….”” അവൾ കരഞ്ഞ് കൊണ്ട്‌ പറഞ്ഞു.

അവളുടെ ‘ഇച്ചായാ’ എന്നുള്ള വിളിയും, അവളുടെ ഭാവങ്ങളും എന്റെ കരളലിച്ച് കളഞ്ഞിരുന്നു. കാര്യങ്ങൾ ഏകദേശം മനസിലായത് കൊണ്ട്‌ കൂടുതൽ ചോദിക്കാൻ ഒന്നും നിന്നില്ല. അവളെ അകത്തേക്ക് വിളിച്ചു. ഒരു ചെറിയ പേടിയോടെ അവൾ അകത്തേക്ക് കയറി.

ഞാൻ ബെഡിൽ അവളെ ഇരുത്തി എന്റെ ഒരു ഷർട്ട് എടുത്ത് കൊടുത്തു. അവൾ അത് ചുരിദാറിന്റെ മുകളില്‍ കുടെ ഇട്ടു. അപ്പോഴാണ് വരാന്തയില്‍ കാലടി ശബ്ദങ്ങള്‍ കേള്‍ക്കുന്നത്. അവളെ അന്വേഷിച്ചുള്ള നടപ്പാവും എന്ന് അവന്‍ ഉറപ്പിച്ചു. അവളോട് ശബ്ദം ഉണ്ടാക്കാതെ അവിടെ ഇരിക്കാൻ പറഞ്ഞ്‌ ഒരു ഉറക്ക ക്ഷീണം അഭിനയിച്ച് വാതിൽ പൂട്ടി റിസപ്ഷനിലേക്ക് നടന്നു.

““ഹലോ എന്ത് പറ്റീ സർ…”” ഒന്നും അറിയാത്ത പോലെ അവന്റെ അടുത്തെത്തി ചോദിച്ചു.

““അതുപിന്നെ…”” അവന്‍ തപ്പിത്തടഞ്ഞു…

““എന്താ സർ… എന്തെങ്കിലും വേണോ…?”” ഞാൻ വീണ്ടും ചോദിച്ചു.

““അത്… ചെറിയ ഒരു പ്രശ്നം ഉണ്ട്…”” അവന്‍ പറഞ്ഞു…

““എന്താണ്‌ സർ…?””

““എന്റെ കുടെ വന്ന പെണ്‍കുട്ടിയെ കാണാനില്ല…”” അവന്‍ ദുഃഖം അഭിനയിച്ചു കൊണ്ട്‌ പറഞ്ഞു.

““എന്ത്… കാണാനില്ല എന്നോ… ഈ രാത്രി എവിടെ പോവാനാ… മൊത്തത്തില്‍ ഒന്നൂടെ നോക്കിക്കെ… അവിടെ എങ്ങാനും കാണും…””

““ഹാ… എല്ലായിടത്തും നോക്കി. കാണുന്നില്ല…””

““അയ്യോ.. ഇനി എന്ത് ചെയ്യും? നമ്മുക്ക് പോലീസിൽ പരാതി നല്‍കാം സർ… ഞാനിപ്പോ വിളിക്കാം.”” ഞാൻ ഇത്രയും പറഞ്ഞ്‌ ഫോണിന്റെ അടുത്തേക്ക് ചെന്ന് റിസീവർ എടുത്തതും അവന്‍ മുന്നില്‍ കയറി എന്നെ തടഞ്ഞു.

““പോലീസിൽ പറയണ്ട… ഒരു പ്രശ്നം ഉണ്ട്…””

““എന്താണ്‌ സർ…?””

““ഞങ്ങൾ ഒളിച്ചോടി വന്നതാണ്. അവളെ പോലീസിന് കിട്ടിയ ഞങ്ങളെ അവർ പിരിക്കും… പിന്നെ അവളെ എനിക്ക് കാണാന്‍ കുടെ കിട്ടില്ല. അവൾ ദൂരെ ഒന്നും പോയി കാണില്ല. പുറത്തൊക്കെ ഒന്ന് പോയി നോക്കിയാലോ…”” അവന്‍ പൂങ്കണ്ണിരോടെ പറഞ്ഞു. ശോ… എന്തൊരു അഭിനയം…