💕💕മയിൽപീലി 💕💕 [Jeevan] 251

വീട്ടില്‍ എത്തിക്കഴിഞ്ഞു താന്‍ ആരാ എന്നു അറിയണം എന്നു മാത്രമായിരുന്നു മനസ്സില്‍ ഉണ്ടായിരുന്ന ചിന്ത . എവിടെ നോക്കിയാലും ഇയാളുടെ മുഖം . വല്ലാത്തൊരു അസ്വസ്ഥതയായിരുന്നു മനസ്സില്‍ . ആരാണെന്ന് പോലും അറിയില്ലായിരുന്നു , ഇനി കാണുമോ എന്നും  അറിയില്ല  .. അത് കൊണ്ട് മാറക്കാന്‍  ഒരുപാട് ശ്രമിച്ചു . കഴിഞ്ഞില്ല.

അങ്ങനെ വിഷമിച്ചു ആണ് ആ ദിവസം കഴിഞ്ഞു പോയത് . പക്ഷേ ഇയാളെ സ്ഥിരം കാണാന്‍ തുടങ്ങിയപ്പോള്‍ മനസ്സില്‍ ഉറപ്പിച്ച് പറയണം എന്നു. എനിക്കു നീരജയെ ഇഷ്ടം ആണ്. എനിക്കു ആദ്യം ആയി ഇഷ്ടം തോന്നിയ മുഖം ആണ് ഇത് . അത് എന്നും കൂടെ വേണം എന്നു ഉണ്ട് .    ”

ഇത്രയും കേട്ടു കഴിഞ്ഞു ഞാന്‍ ഒന്നും പ്രതികരിക്കാതെ നിന്നു .

” വൈകിയാല്‍ വീട്ടില്‍ അച്ഛന്‍ തിരക്കും . ഞാന്‍ പോകുന്നു . ” എന്നു പറഞ്ഞു ഞാന്‍ തിരികെ നടന്നു .

” ഡോ .. ഇയാള്‍ എന്താ ഒന്നും പറയാതെ പോകുന്നേ . എന്തേലും ഒരു വാക്ക് പറഞ്ഞിട്ടു പോകൂ . ”

ഞാന്‍ അന്ന് തിരിഞ്ഞു പോലും നോക്കിയില്ല അവിടുന്നു സ്ഥലം വിട്ടു .

” ആഹ് .. പിന്നെ ഇയാള്‍ സമയം എടുത്തു ആലോചിച്ചു പറഞ്ഞാല്‍ മതി . ഞാന്‍ കുറച്ചു നാള്‍ ഇവിടെ ഉണ്ടാകും . ” എന്നു വിളിച്ച് പറഞ്ഞു .

<<<<<<<<<<<<<0>>>>>>>>>>>>>>

നടക്കുമ്പോള്‍ ഉണ്ണിയേട്ടന്‍ പറഞ്ഞ ആ വാക്കുകള്‍ മാത്രം ആയിരുന്നു മനസ്സില്‍. പക്ഷേ മനസ്സിന്റെ അവസ്ഥ എന്തായിരുന്നു എന്നു എനിക്കു അപ്പോ തിരിച്ചറിയാന്‍ ആയില്ല.

വീട്ടില്‍ എത്തി ചെയ്തത് ഒക്കെ അബദ്ധം.അച്ഛന് കൊടുത്ത ചായയില്‍ പഞ്ചസാരക്ക് പകരം ഉപ്പ് ആയി പോയി , ഉച്ചക്ക് ഉണ്ടാക്കിയ കറികളില്‍ എന്തൊക്കെയോ കുറവുകള്‍ . അങ്ങനെ തൊടുന്നത് എല്ലാം അബദ്ധങ്ങള്‍ ആയി മാറി കൊണ്ടിരുന്നു . എങ്ങനെയോ രാത്രി വരെയും സമയം കൊണ്ട് എത്തിച്ചു .