💕💕മയിൽപീലി 💕💕 [Jeevan] 251

അങ്ങനെ ഉണ്ണിയേട്ടന്‍റെ ലീവ് കഴിഞ്ഞു തിരികെ പോകുന്ന ദിവസം .. എന്തോ പോകുന്നു എന്നു പറഞ്ഞപ്പോള്‍ ശരീരത്തില്‍ നിന്നു ഹൃദയം അടര്‍ത്തി മാറ്റിയത് പോലൊരു നൊംബരം ആണ് ഞങ്ങള്‍ക്കു  തോന്നിയത് .

ഇനി എന്നു കാണും എന്നുള്ള സങ്കടം അത് ഞങ്ങള്‍ക്ക് പറയാന്‍ ആകുന്നതിലും അപ്പുറം ആയിരുന്നു . പക്ഷേ വേറെ ഒരു വഴിയും ഇല്ല . അന്ന് കണ്ടു പിരിയുന്നതിന് മുന്നേ എനിക്കു ഉണ്ണിയേട്ടന്‍ തന്നൊരു സമ്മാനം ഉണ്ടായിരുന്നു . കേള്‍ക്കുമ്പോള്‍ മറ്റുള്ളവര്‍ക്ക് അത് വളരെ വില കുറഞ്ഞതായി തോന്നും എങ്കിലും പിന്നെയുള്ള ഞങ്ങളുടെ അകല്‍ച്ചയുടെ നാളുകളില്‍ എനിക്കു ഒരു കൂട്ടു ആയിരുന്നു അത് .

” ഒരു ബുക്ക് , അതിനുള്ളില്‍ ഒരു മയില്‍പ്പീലിയും ….. ”

അതില്‍ ഓരോ താളുകളിലും ഞങ്ങള്‍ ഒന്നിച്ചു കണ്ട സ്വപ്നങ്ങള്‍ , ആഗ്രഹങ്ങള്‍ , ഇഷ്ടങ്ങള്‍ ഒക്കെ എഴുതിയിരുന്നു . എന്നെ കാണാന്‍ കൊതിക്കുമ്പോള്‍ ആ മനസ്സിലിന്റെ വിങ്ങലുകള്‍ അക്ഷരങ്ങള്‍ ആയി പകര്‍ത്തി . അകന്നു ഇരിക്കുന്ന നിമിഷങ്ങളില്‍ എന്നോടു പറയാനായി വെമ്പല്‍ കൊള്ളുന്ന ഓരോ വാക്കുകളും അതിന്റെ വികാരഭാവങ്ങള്‍ മണ്‍സ്സിലാക്കി എനിക്കു വായിച്ചു അറിയാന്‍ കഴിഞ്ഞിരുന്നു . അങ്ങനെ ഹൃദയത്തിന്റെ സുഖദുഃഖങ്ങള്‍ പങ്ക് വച്ച് രൂപപ്പെടുത്തിയ ഒരു പുസ്തകം , എനിക്കു അന്നും ഇന്നും എന്നും മറ്റ് എന്തിലും മൂല്യമേറിയ നിധി …

അത് എന്‍റെ കൈകളില്‍ വച്ച് പറഞ്ഞു

” ഇത് ഇനി നിന്റെ കൈകളില്‍ സൂക്ഷിക്കുക , എന്‍റെ ഹൃദയത്തിന്റെ ഭാഷ ആണ് അതില്‍ . നമ്മുടെ പ്രണയത്തിന്റെ ഭാഷ ആണ് അതില്‍ .. നിന്നെ അടുത്തു വേണം എന്നു തോന്നുമ്പോള്‍ , നിന്റെ സാമീപ്യം ആഗ്രഹുക്കുമ്പോള്‍ , നിന്റെ ഒരു സ്പര്‍ശനം കൊതിക്കുമ്പോള്‍ എനിക്കു ആശ്വാസം പകര്‍ന്നു തന്നിരുന്ന മയില്‍പ്പീലി ആണ് അതില്‍ ഉള്ളത് . അത് നെഞ്ചില്‍ ചേര്‍ത്ത് പിടിക്കുമ്പോള്‍ , ഈ കൈകളില്‍ മെല്ലെ തഴുകുമ്പോള്‍ നിന്റെ ഈ കൈകളുടെ മൃദുല സ്പര്‍ശം ആയി ആണ് എനിക്കു അനുഭവപ്പെടുന്നത് .

അത് ഇനി നിനക്കു സ്വന്തം ആണ് . ഇത്രയും പറഞ്ഞു കഴിഞ്ഞു ആ കണ്ണുകളില്‍ നിന്നും കണ്ണു നീരില്‍ കുതിര്‍ന്ന പ്രണയം ഒഴുകുന്നത് പോലെയാണ് എനിക്കു തോന്നിയത് .

” ഇനി എന്നു കാണും എന്നു അറിയില്ല . പക്ഷേ ഞാന്‍ വരും . നിന്നെ കാണണം എന്നു തോന്നുമ്പോള്‍ ഒക്കെ വരും . കുറച്ചു വര്‍ഷം കാത്തിരിക്കണം . പഠിച്ചു ഒരു ജോലി ആയി കഴിഞ്ഞാല്‍ ഞാന്‍ അമ്മയെയും കൂട്ടി വീട്ടില്‍ വന്നു അച്ഛനോട് സംസാരിക്കാം . അത് വരെയും സഹിക്കണം . പിന്നെ പഠനം ശ്രദ്ധിയ്ക്കണം . വിഷമിക്കരുത് . ” എന്നു പറഞ്ഞു എന്‍റെ രണ്ടു കൈകളും ആ ചുണ്ടോട് ചേര്‍ത്ത് ചുംബിച്ചു .. തിരികെ നടന്നു . കണ്ടു നില്‍ക്കാന്‍ ഉള്ള മനഃശക്തി ഇല്ലാതിരുന്നതിനാല്‍ ഞാനും പോയി .