💕💕മയിൽപീലി 💕💕 [Jeevan] 251

അതുകൊണ്ടു വേറെ ജോലിയൊന്നും ഇല്ല , പിന്നെ ഉത്സവം കൂടെ ആയത് കൊണ്ട് എന്നും ക്ഷേത്രത്തില്‍ പോകും .. എന്നും ഉണ്ണിയേട്ടനെയും കാണാന്‍ തുടങ്ങി . അതോട് കൂടെ ആ കണ്ണുകളും ചിരിയും എല്ലാം എനിക്കു പരിചിതം ആയി.

ഓരോ ദിവസം കാണുമ്പോളും ആകര്‍ഷണം കൂടി വരുന്ന ഒരു തരം നോട്ടം ആയിരുന്നു അത് .. എന്തോ ഒരു ആരാധന മനസ്സില്‍ എവിടെയോ മൊട്ടിട്ടു. പിന്നെ കാണുമ്പോള്‍ ഹൃദയമിടുപ്പ് കൂടുന്നത് പോലൊരു തോന്നല്‍.  അല്ല .. തോന്നല്‍ ആയിരുന്നില്ല , സത്യം ആയിരുന്നു . പക്ഷേ , ഒരു ദിവസം പോലും ഞങ്ങള്‍ സംസാരിച്ചിട്ടില്ല. പേര് പോലും അറിയില്ലായിരുന്നു .

ഒരു ദിവസം അമ്പലത്തില്‍ പോയി തൊഴുതു  വഴിപാടുകള്‍ ഒക്കെ കഴിഞ്ഞു തിരികെ വീട്ടിലേക്ക് നടക്കുകയാണ്. ചുറ്റും ഇളം കാറ്റ് തഴുകി കടന്നു പോകുമ്പോള്‍ അതില്‍ ഉലഞ്ഞു തത്തി കളിച്ചു സ്വര്‍ണ്ണ വര്‍ണ്ണത്താല്‍ മൊട്ടിട്ടു നില്‍ക്കുന്ന നെല്‍ക്കതിരുകള്‍ നിറഞ്ഞ ഹരിതാഭമാര്‍ന്ന നെല്‍പ്പാടങ്ങള്‍ …..

അപ്പോള്‍ ആണ് പിന്നില്‍ നിന്നു നീരജാ എന്നു ഒരു വിളി കേള്‍ക്കുന്നത് . തിരിഞ്ഞു നോക്കുമ്പോള്‍ ഞാന്‍ ശരിക്കും അത്ഭുതപ്പെട്ടിരുന്നു.

ആ സാമീപ്യത്തില്‍ എന്റെ ഹൃദയ താളം ഞാന്‍ കാതുകളില്‍ കേട്ടുകൊണ്ടിരുന്നു . സത്യത്തില്‍ എന്താ എന്നു ചോദിക്കാന്‍ പോലും കഴിയാതെ എന്റെ ശബ്ദത്തെ ആ കണ്ണുകള്‍ ബന്ധിച്ചു . ഉണ്ണിയേട്ടന്‍ ആയിരുന്നു അത് . എന്താ എന്ന അര്‍ത്ഥത്തില്‍ ഞാന്‍ നോക്കി .

<<<<<<<<<<<<<0>>>>>>>>>>>>>

” നീരജ എന്നു ആണല്ലേ പേര് .. എന്നും ഇവിടെ കാണാറുണ്ട് . അപ്പോള്‍ ഒക്കെ പരിചയപ്പെടണം എന്നു വിചാരിക്കും . പക്ഷേ തൊഴുതു കഴിഞ്ഞു ഇറങ്ങുമ്പോള്‍ ഇയാളെ ആ പരിസരത്ത് ഒന്നും കാണാറില്ല ….   ഇന്ന് ആണ് ഒരു അവസരം കിട്ടിയതു . കുട്ടിയുടെ വീട് എവിടെയാ ?? ”

” ഞാന്‍ ഇവിടെ അടുത്ത താമസിക്കുന്നത് . അല്ലാ … എന്റെ പേര് എങ്ങനെ അറിയാം .. ” എങ്ങനെയോ അത്രയും ഞാന്‍ ചോദിച്ചു .

” വഴിപാടു കഴിഞ്ഞു ക്ഷേത്രത്തില്‍ നിന്നു  പ്രസാദം വാങ്ങുമ്പോള്‍ കേട്ടിരുന്നു . ”