മരുതെന് മല 5 [നൗഫു] ☠️☠️☠️ 4158

ഞങ്ങളെല്ലാം അവൻ അത് തുറക്കുന്നതും നോക്കി നിന്നു…

▪️▪️▪️

ആ ഗുഹയുടെ ഉള്ളിലേക്കു പറന്നിറങ്ങിയ കഴുകൻ മാർ…

ഞങ്ങളുടെ കൂടെയുള്ള മറ്റുള്ള മൂന്നു പേരെയും കൊണ്ട് അതിനുള്ളിലേക് ആ ഇരുട്ടിലൂടെ കുറച്ച് അടിയിലേക് പറന്നിറങ്ങി..

അതിനുള്ളിൽ തങ്ങി നിൽക്കുന്ന വൃത്തികെട്ട വാസന കൊണ്ട് ഹൈദർ മെല്ലെ കണ്ണ് തുറന്നു…

ഇപ്പോയും ആ കഴുകന്മാർ പറക്കുകയാണ്…

പക്ഷെ അതിനുള്ളിൽ ഒന്നും തന്നെ കാണാൻ കഴിയുന്നില്ല..

ചുറ്റും കട്ട പിടിച്ച ഇരുട്ടാണ്…

ഹൈദർ മെല്ലെ ഒരു മൂളാലോടെ നപുവാനെയും ഫഹദിനെയും വിളിച്ചു നോക്കി..

പക്ഷെ ആരുടേയും പ്രതികരണം വരുന്നില്ല..

വീണ്ടും കലാശലായ ഛർദി വരുന്നുണ്ട്..

വെറും വെള്ളം മാത്രമേ കുറച്ച് സമയമായി ഹൈദർ കഴിച്ചിരുന്നുള്ളു…

പെട്ടന്ന് ആ കഴുകൻ തന്റെ കാലിൽ ഉള്ള പിടിവിട്ടു…

ഹൈദർ അടിയിലേക് പറന്നിറങ്ങി…

കണ്ണുകൾ രണ്ടും മുറുക്കി അടച്ച് തന്റെ മരണം മുന്നിൽ കണ്ട് പടച്ചവന്റെ തിരിച്ചുള്ള വിളിയും പ്രതീക്ഷിച്ചു അടിയിലേക് വീണു കൊണ്ടിരുന്നു…

▪️▪️▪️

ബാപ്പുട്ടി അതിന്റെ മുന്നിലുള്ള സിബ്ബ് തുറന്നു… ഉള്ളിലേക്കു കയ്യിട്ടു.. പിന്നെ അതിനുള്ളിലായി വളരെ അടിയിൽ ചെറിയ ഒരു സിബ്ബ്… ആർക്കും പെട്ടെന്നൊന്നും കാണാൻ പറ്റില്ല.. അതും തുറന്നു…

മെല്ലെ ഉള്ളിലേക്കു കൈ കയറ്റി ഒരു തോക്കെടുത്തു പുറത്തേക് വെച്ചു…

ഒരു ബ്ലാക് കളർ കൈ തോക്.. എന്റെ കൈപ്പത്തിയുടെ വലിപ്പമേ അതിനുള്ളു…

ഞാൻ കയ്യിൽ എടുത്തു നോക്കി..

ചെറിയ കനം മാത്രം..

ബാപ്പുട്ടി ഉടനെ തന്നെ മറ്റ് രണ്ടു തോക്കുകളും പുറത്തെടുത്തു..
ടാ… ബാപ്പുട്ടി ഇത്രയൊക്കെ സാധങ്ങൾ ഉണ്ടായിട്ടും നീ എന്തെ ഇന്നലെ എടുത്തു ഉപയോഗിച്ചില്ല…

അശ്റഫ് ബാപ്പുട്ടിയോട് ചോദിച്ചില്ല..

ഈ സാധനങ്ങൾ എന്റെ കയ്യിൽ ഇന്നലെ രാവിലെ ആണ് എത്തിയത്..

പിന്നെ കുറേ ബോംബും തോക്കും ഉണ്ടായിട്ട് കാര്യം ഇല്ലല്ലോ അത് ഉപയോഗിക്കാൻ കൂടെ അറിയേണ്ടേ…

ഹ്മ്മ്… അതും ശരിയാ…

പിന്നെ ഇപ്പോൾ ഇതുകൊണ്ട് എന്താ പ്രയോജനം… ഞാൻ ചോദിച്ചു..

ഇന്നലെ ഒന്ന് നോൽക്കാൻ പോലും സമയം കിട്ടിയില്ല ഇനി ഇപ്പോൾ ഇവിടെ വെച്ച് ഒന്ന് നോക്കികളയാം..എന്നും പറഞ്ഞ് ബാപ്പുട്ടി അതിൽ ഒരു തോക് എന്റെ നേരെ ചൂണ്ടി…
മറ്റുള്ളവരെല്ലാം ബാപ്പുട്ടി എന്താണ് ചെയ്യാൻ പോകുന്നതെന്നറിയാതെ എന്നെയും ബാപ്പുട്ടിയെയും നോക്കി നിൽക്കുന്നുണ്ട്..