“””ഏയ്……. ഇങ്ങോട്ട്   കേറരുത്ത്….. അവിടെ   നിൽക്ക്…. അവിടെ   നിൽക്ക്”””

“””ചേട്ടാ    ഒരുകിലോ    പഞ്ചസാര”””

“””ഇല്ല   കട   അടയ്ക്കാൻ   പോവാ…… താൻ   പോയെ”””

“””ചേട്ടാ……..”””

“””ഹേ   തനിക്ക്   കാര്യം   പറഞ്ഞാ   മനസ്സിലാവില്ലേ…… ചെല്ല്    പോ   പോ”””

സാധനം   വാങ്ങാൻ   ചെന്ന   എന്നെ   ഉണങ്ങാൻ   ഇട്ട   തൂണിയിൽ   വന്നിരുന്ന   കാക്കയെ   ആട്ടുന്നത്   പോലെ   അയാൾ   ആട്ടിയപ്പോൾ   എന്തോ  പന്തികേട്  തോന്നിയതുകൊണ്ട്   കൂടുതൽ   സംസാരിക്കാൻ  നിൽക്കാതെ  ഞാൻ. തിരിഞ്ഞു  നടന്നു… കള്ള  തെണ്ടി,  ഈ   പരിസരത്ത്   വേറെ   പലചരക്ക്കട   ഒന്നും   ഇല്ലാത്തതിന്റെ   ആഹാങ്കാരമാണ്…… ഹാ  ആയാളുടെ  കട, അയാൾക്ക്  ഇഷ്ടമുള്ളവർക്ക്   മാത്രം   വിൽക്കട്ടെ….. ഈ   കൊറോണയൊക്കെ   ഒന്ന്   മാറിയിട്ട്   മേരിയോട്   പറഞ്ഞിട്ട്   ഇവിടെ   തന്നെ  ഒരു   കട   ഇടണം,  അല്ല   പിന്നെ…….

“””എന്താണ്    ദിവാകരേട്ടാ…… എന്താണ്   പ്രശ്നം??”””

“””ഓന്റെ    ഭാര്യയ്ക്ക്    കൊറോണയാനാണ്   കേട്ടത്,  എന്നിട്ട്   ഓൻ   ഉള്ളുപ്പും   ഇല്ലാണ്ടെ   ഇറങ്ങി   നടക്കുന്നത്   കണ്ടില്ലേ….. എന്തായാലും  ഈ  പരിസരത്തേക്ക്   ഞാൻ   അടുപ്പിക്കില്ല”””