ലവ് ആക്ഷന്‍ ഡ്രാമ 2

Love Action Drama 2 | Author : Jeevan | Previous Part

 

“ഡാ ഞാൻ ആ മരച്ചോട്ടിൽ എങ്ങാനുമിരുന്നേനെ നീ എന്തിനാടാ എന്നെയും വിളിച്ചു ഇവളുമാരുടെ പിന്നാലെ പോകുന്നത്….”

 

“മോനൂസേ നീ എന്റെ ചങ്കല്ലേ…സിനിമയിൽ ഒക്കെ കണ്ടിട്ടില്ലേ… ഇങ്ങനെ വായ്നോക്കാൻ പോകുമ്പോൾ കൂടെ ഒരു ജോലിയും വേലയുമില്ലാത്ത ദാരിദ്രവാസി ചങ്ക് മസ്റ്റാണ്….”

 

“ഒന്ന് പോയേടാ വദൂരി… പറച്ചിൽ കേട്ടാൽ തോന്നും അവനു കളക്ടർ ഉദ്യോഗമാണെന്ന്….കുറെ കാലമായില്ലേ നീ ഈ തേരപ്പാര ഓരോ അവളുമാരുടെ പിന്നാലെ നടക്കുന്നു….അതിൽ ഒരണ്ണമെങ്കിലും നിന്നെ മൈൻഡ് ചെയ്തിട്ടുണ്ടോ….”

 

“മോനൂസേ… ഇത്‌ എല്ലാ തവണയും പോലൊന്നുമല്ല….ഈ പ്രാവശ്യം അവളുടെ ആ മുഖം കണ്ടപ്പോൾ ഒരു സ്പാർക് ഉണ്ടായെടാ…പൂർവ്വ ജന്മ ബന്ധം പോലെ… നീ ധീരയിൽ കണ്ടില്ലേ… മറ്റേ, മുഖത്ത് പശു ചാണകമിടാൻ പോകുമ്പോളുള്ള എക്സ്പ്രഷൻ മാത്രം വരുന്ന നടൻ ഇന്ദുവിന്റെ കൈയിൽ തൊടുമ്പോൾ വരുന്നത്… അത് പോലെ ഞങ്ങളുടെ കണ്ണുകൾ പരസ്പരം കൂട്ടി മുട്ടിയപ്പോൾ വന്നെടാ…”

 

“പിന്നെ അവന്റെ ഒരു സ്പാർക്…ഇത് തന്നെ അല്ലെടോ താൻ ആ മത്തായി ചേട്ടന്റെ മോൾ റോസിയുടെയും,പുഷ്പാകരൻ ചേട്ടന്റെ മോൾ ആരതിയുടെയും, പിന്നെ ആമിനയുടേം, ലക്ഷ്മിയുടേമൊക്കെ പിന്നാലെ നടന്നപ്പോൾ തട്ടി വിട്ടത്…”

 

“നീ പഴയ ലിസ്റ്റ് എല്ലാം കൂടെ വലിച്ചിട്ടു എന്റെ മൂഡ് കളയാതഡാ😪…അവളുമാര് എന്നെ തേച്ചുണക്കാൻ ഇട്ടത് എന്റെ കുഴപ്പമാണോ… “

 

“എന്ത് കോപ്പ്… തേച്ചന്നോ… എന്നെ കൊണ്ട് ഒന്നും പറയിക്കരുത് നാ*#@ മോനെ…ഡോ തനിക്ക് തേപ്പ് എന്താ എന്ന് അറിയുമോ… ഓരോ അവളുമാരുടെ പിന്നാലെ ഉളുപ്പില്ലാതെ നടക്കുമ്പോൾ അവളുമാര് ആട്ടി ഓടിച്ചു വിടുന്നതല്ല ഈ തേപ്പ്…ഒരു തേപ്പ്കാരൻ വന്നേക്കുന്നു…”

 

ലെ ഞാൻ മനസ്സിൽ -” പുല്ല് വേണ്ടാരുന്നു… അവന്റെ വായിൽ ഇരിക്കുന്നത് കൂടെ കേൾക്കാൻ ഉണ്ടായിരുന്നുള്ളു… ഇപ്പോൾ സമ്പൂർണമായി… അതെങ്ങനെയാ നായ നക്കിയല്ലേ ദിവസം തുടങ്ങിയെ… ബ്ലഡി ക്ലിയോ…” 

 

എന്തായാലും അധികം പിന്നെ മിണ്ടി പണി വാങ്ങാതെ അവരുടെ പിന്നാലെ തന്നെ വച്ചു പിടിച്ചു…

 

കുറച്ച് സമയമായി പിന്നാലെ കുശുകുശുത്തോണ്ട് നടന്നപ്പോൾ അവരും ഞങ്ങളെ ശ്രദ്ധിച്ചു തുടങ്ങിയിരുന്നു. ഇടക്ക് അവരിൽ മെലിഞ്ഞ പെണ്ണ് പിന്നിലേക്ക് തിരിഞ്ഞു ഒളികണ്ണിട്ടു നോക്കുന്നുണ്ടാരുന്നു, എന്നിട്ടു മറ്റേതിന്റെ ചെവിയിൽ എന്തൊക്കെയോ മൊഴിയും.

 

ഞാൻ ആണേൽ അവരെ തന്നെ ശ്രദ്ധിച്ചു നടന്നു. വിനുവിന് ഈ പിന്നാലെയുള്ള നടത്തമാകെ മുഷിച്ചിലായിരുന്നു എങ്കിലും ഞാനത് കാര്യമാക്കാതെ എന്റെ ജോലിയിൽ ശ്രദ്ധിച്ചു.

 

എന്തായാലും പിന്നാലെ നടന്നു നടന്നു അവളുടെ വീട് കണ്ടെത്തി. വീട് കണ്ടപ്പോളാണ് മനസ്സിൽ ലഡ്ഡു പൊട്ടിയത്- വേറെ ചങ്ക് കൂട്ടുകോഴി,ഛേ കൂട്ടുകാരൻ (വീണ്ടും നാക്ക്‌ പിഴ… ഇന്ന് ഫുൾ നാക്ക് പിഴ ആണല്ലോ…) അർജുന്റെ വീടിന്റെ തൊട്ടടുത്ത്.