Love & War [പ്രണയരാജ] 365

ഒന്നുമില്ലെന്ന് ചുമൽ കോച്ചി കൊണ്ടവൾ മറുപടി തന്നു. ഒരു പുഞ്ചിരി തൂകിയ ശേഷം ഞാൻ ഫ്രണ്ടസിനരികിലേക്കു പോയി.

ടാ… എന്തായെടാ….

മോനെ അരുണേ…. നിൻ്റെ കാര്യം സെറ്റ് ആണെന്നാ… തോന്നണെ

എടാ…  കാര്യം  അവസാനം അവൾ ചിരിച്ചതോണ്ട് ഉറപ്പാ…..

അതൊക്കെ അവിടെ നിക്കട്ടെ, ഇതെന്താ സംഭവം

എന്ത്,

ആ മഞ്ഞയുടെ കൂടെ നിക്കുന്ന വെള്ള ചുരിദാർ നീ.. വന്നപ്പോ തൊട്ട് നിന്നെ നോക്കി നിക്കുന്നുണ്ടല്ലോ….

ആര് പാർവ്വതിയോ….

ഞാൻ തിരിഞ്ഞു നോക്കിയതും ശരിയാണ് അവൾ എന്നെ തന്നെ നോക്കുകയാണ്. ഞാൻ നോക്കുന്നു എന്നു കണ്ടതും അവൾ നോട്ടം പിൻവലിച്ചു. ഞാൻ ഒരു പുഞ്ചിരിയോടെ നേരെയിരുന്നു.

പാർവ്വതി ശിവ നല്ല ചേർച്ച അല്ലേ.. അരുണേ…

ഒന്നു പോടാ…. അത് കിളി പോയി നോക്കുന്നതാ… അല്ലാതെ ഇതതൊന്നുമല്ല

കിളി പോവാനോ….

ടാ… രാധു വിളിച്ചിരുന്നു.

ഓ… അങ്ങനെ അപ്പോ നോക്കുന്നേ കുറ്റം പറയാനാവില്ല.

ഞങ്ങൾ എല്ലാരും ചിരിക്കുമ്പോ അരുൺ മാത്രം ചിരിക്കുന്നുണ്ടായിരുന്നില്ല

എന്താടാ… എന്തു പറ്റി,

അല്ല അവളുടെ പേര്

ഹോ…. അതു ഞാൻ മറന്നു. അവളുടെ പേര്

ശിവാ…..

എന്താടാ… മനു

മിണ്ടല്ലെ, അങ്ങനെ ഓസിന് അവളുടെ പേര് അറിയണ്ട.

ടാ… മനു

അരുണേ… മോനെ എല്ലാർക്കും ഓരോ CB ഓഡർ ചെയ്തോ…
.
മനു പറയേണ്ട താമസം, അരുൺ ഓഡറും നൽകി.

എനി പറയെടാ…

ടാ… ശിവ ഇവൻ പൈസ കൊടുത്താ അപ്പോ പറഞ്ഞോ പേര്.

അങ്ങനെ ഫുണ്ട് ഒക്കെ കഴിഞ്ഞ് അരുൺ ബിൽ ചെയ്ത സമയം എന്നെ അവൻ നോക്കിയ ഒരു നോട്ടമുണ്ട്. ദയനീയമായ ഒരു നോട്ടം. എനിക്കും പാവം തോന്നി ഞാൻ വേഗം അവളുടെ പേര് പറഞ്ഞു കൊടുത്തു.

ആതിര…

അതു കേട്ടപ്പോ ….. അവൻ്റെ മുഖം ഒന്നു കാണണമായിരുന്നു. എൻ്റെ പൊന്നോ… ഒരു വല്ലാത്ത സന്തോഷം ആ മുഖത്തുണ്ടായിരുന്നു.

ഞാൻ കുറേ ചിന്തിച്ചു , എന്താ… ഇതൊക്കെ ഒരു പെണ്ണിൻ്റെ പേരറിയാൻ അവനിപ്പോ എത്ര കാശ് പൊട്ടിച്ചു. നമുക്ക് പിന്നെ ഒരു ഗേൾ ഫ്രണ്ട് ഉള്ളത് കൊണ്ടാവാം ഇതൊന്നും മനസിലാവാത്തത്.