Life of pain 2 ?[Demon king] 1544

8 വർഷമായിട്ട് ഇല്ലാത്ത സന്തോഷവും ചിരിയും എന്റെ മുഖത്ത് പ്രതിധ്വനിച്ചു .

ഞാൻ അവരക്കടുത്തേക്ക് ഓടിയടുത്തു…. പക്ഷേ പോകും തോറും ദൂരം കുടുന്നപോലെ.

“മോനെ മനു….. നിനക്ക് ഞങ്ങളുടെ അടുത്ത് വരാൻ സമയം ആയിട്ടില്ല മോനെ……”

അമ്മ പറഞ്ഞു.

“എഴുന്നേൽക്ക് മനു …… സമയമായി…….
ഉറക്കത്തിൽ നിന്നും ജീവിതത്തിൽ നിന്നും.”

മാളുവിന്റെ വാക്കുകൾ അശരീരിയായി എന്റെ കാതിൽ മുഴങ്ങികേട്ടു…..ആരോ എന്നെ പിന്നോട്ട് വലിക്കുന്ന പോലെ.

ഞാൻ പുറകോട്ട് പോയികൊണ്ടിരുന്നു. പെട്ടെന്ന് ഒരു വലിയ കിണറിൽ ഞാൻ വീണുപോയി… അത് പ്രകാശത്തിൽ നിന്ന് ഇരുട്ടിലേക്ക് പോയിക്കൊണ്ടിരുന്നു….

മാളൂ… മാളൂ… എന്നെ വിട്ട് പോകല്ലേ……..

ഞാൻ അവരെ ഉച്ചത്തിൽ വിളിക്കാൻ നോക്കി.

പെട്ടെന്ന് ഇരുട്ടിൽ നിന്ന് വെളിച്ചത്തിലേക്ക് വന്നു….. ഞാൻ കണ്ണ് തുറന്നു….. ഒരു ഹോസ്പിറ്റൽ മുറിയാണ്.  കൂടെ വേറെ രോകിയോന്നുമില്ല.

ആരോ എന്നെ തട്ടി വിളിക്കുന്നുണ്ടായിരുന്നു…. വെളിച്ചം എന്റെ കണ്ണിൽ അടിച്ചു….

കണ്ണ് തുറക്കാൻ പറ്റാത്തത്ര പ്രകാശം…. മുന്നിൽ ഉള്ള രൂപം എന്റെ കണ്ണിൽ മങ്ങി കണ്ടൂ…. ആ രൂപം എന്റെ കണ്ണിലേക്ക് കണ്ണട വച്ചുതന്നപ്പോളാണ്  എനിക്ക് കാഴ്ച തെളിഞ്ഞത്….

അഞ്ചുവായിരുന്നു അത്…

???????????

കുളു കുളു കുളു….(ഫ്ലാഷ് ബാക്ക്)

അഞ്ചു കടയിൽ നിന്ന് കുറച്ച് സാധനങ്ങളോക്കെ വാങ്ങി ലിഫ്റ്റിൽകയറി 17 ആം നമ്പർ അടിച്ചു…

മുകളിൽ എത്തി ലിഫ്റ്റിൽ നിന്നുംപുറത്തിറങ്ങിയപ്പോൾ തന്നെ ആരോ എന്റെ ദേഹത്ത് ഇടിച്ചു….

തിരിഞ്ഞു നോക്കിയപ്പോൾ മനുവായിരുന്നു അത്….. എന്റെ കയ്യിലിരുന്ന മൊബൈലും സാധനങ്ങളുമൊക്കെ വീണു….

“തന്റെ മുഖത്ത് കണ്ണില്ലെ ഡോ…”