ഈ ഭാഗം കഴിഞ്ഞ പാർട്ടിനേക്കാൾ കുറച്ചു വൈകി. വേറെ ഒന്നുമല്ല ഞാൻ കുറച്ചു വെബ് സീരിസിന്റെ പിന്നാലെ പോയി അത് കണ്ട് കുറച്ചു ദിവസം ആ ഹാങ്ങ് ഓവറിൽ ആയിരുന്നു. അതാ നേരം വൈകിയേ പിന്നെ എഴുതാനുള്ള ഒരു മൈന്റും ഇല്ലായിരുന്നു. എഴുതിയത് തന്നെ രണ്ടും മൂന്നും വട്ടം ഡിലീറ്റ് ചെയ്ത് വീണ്ടും എഴുത്തുകയും ചെയ്തു, കഥ ഞാൻ വിചാരിച്ച ഫ്‌ളോയിലെക് വരാത്തത് കൊണ്ട്.എന്റെ കഥയിലെ ഏറ്റവും വലിയ പോരായ്‌മയായിട്ട് അക്ഷര തെറ്റാണ് എല്ലാവരും പറഞ്ഞത്. അതിന് ഒന്നാമത് മലയാളം എഴുതിയുള്ള ടച്ച് വിട്ട് പോയത് കൊണ്ടാണ്. രണ്ടാമത്- എഴുതിയത് വീണ്ടും വായിക്കാനുള്ള മടിയും. പക്ഷെ ഇത്തവണ ഞാൻ രണ്ടു തവണ വായിച്ചിട്ടാണ് അയച്ചിട്ടുള്ളത്, ഇതെന്താവോ എന്തോ. തെറ്റുകൾ ഉണ്ടേ ക്ഷെമിക്കണം.

മുൻ വിധികൾ ഒന്നും ഇല്ലാതെ വായിക്കുക.

 

ഞാൻ നേരെ ആരതിയുടെ മുറിയുടെ അടുത്തേക്ക് പോയി.

അവളുടെ റൂം ചാരി ഇട്ടിട്ടുണ്ടായിരുന്നുള്ളു. ഞാൻ റൂം തുറന്നു നോക്കി അവൾ അകത്ത് അവൾ ഫോണിൽ നോക്കി എന്തോ ആലോചിച്ചു ഇരിക്കുകയാണ് ഞാൻ വന്നത് അറിഞ്ഞിട്ടില്ല.

“ പൊന്നു “. നേർത്ത ഒരു സ്വരത്തോടെ ഞാനവളെ വിളിച്ചു.
ഞാൻ വിളിച്ചതും ഫോണിൽ നിന്നും മെല്ലെ തല ഉയർത്തി വാതിൽക്കൽ നിൽക്കുന്ന എന്നെ നോക്കി.

എന്നെ അവിടെ കണ്ടതും പൊന്നുവിന്റെ മുഖത്തു അത്യം ആശ്യര്യമാണ് തോന്നിയതെങ്കിലും പിന്നെ ചുണ്ടുകൾ വിടർന്ന് ഒരു പുഞ്ചിരിയിലൂടെ അവൾക് ആ സമയത്ത് ഉണ്ടായ സന്തോഷം കാണിച്ചു തന്നു. ആ കണ്ണുകളിൽ എന്നോടുള്ള വാത്സല്യം നിറഞ്ഞ ഏട്ടനോടുള്ള സ്നേഹം ഞാൻ കണ്ടു.

“ നീ വല്ലതും കഴിച്ചോ പൊന്നു “. ഞാൻ ശബ്‌ദം വളരെ കുറച്ചാണ് വിളിച്ചത്.

എന്റെ ആ ചോത്യത്തിൽ അവളുടെ കണ്ണുകൾ ചെറുതായി നനഞ്ഞോ എന്നെനിക് തോന്നി.

“ ഇല്ല,, ഏട്ടാ “. അവളുടെ ശബ്‌ദം ഇടറിയിരുന്നു.

“ അതെന്തേ നീ ബ്രേക്ക്ഫാസ്റ്റ് കായികാത്തിരുന്നത് “.

“ അത്… ചേട്ടന് വിശപ്പില്ലാന്ന് പറഞ്ഞപ്പോ ഞാനും കഴിച്ചില്ല “. അവളുടെ വാക്കുകളിൽ അവളെന്നെ എത്ര മാത്രം സ്നേഹിക്കുന്നുണ്ട് എന്ന് എനിക് മനസിലാക്കാൻ കഴിയും.

“ എനിക് വിശപ്പില്ലാത്തതിന് നീ കഴിക്കാതെ ഇരിക്കുന്നത് എന്തിനാ, നീ എന്തായാലും ഒന്നും കഴിച്ചില്ലല്ലോ എങ്കിൽ വാ “. ഞാനവളെ കൈ കാട്ടി വിളിച്ചു.

ഞാൻ പറഞ്ഞു തീർന്നതും അവൾ എന്റെ അടുത്തേക് വന്നു. ആ വരവിൽ കണ്ണിൽ നിന്നും ഒഴുകുന്ന കണ്ണു നീര് കയ്യിന്റെ വിരലും പാതവും പുറവും കൊണ്ടൊക്കെ തുടക്കാൻ ശ്രെമിക്കുന്നുണ്ടവൾ.

“ എന്തിനാ എന്റെ പൊന്നു കരയുന്നേ “. അവൾ എന്റെ അടുത്ത് എത്തിയപ്പോ ഞാൻ ചോദിച്ചു.