👬കൂടെ 4 [ഖുറേഷി അബ്രഹാം] 122

( റഷ്യ – ഈ രണ്ടു സീനുകളിലും വ്യത്യസ്തമായ സമയവും ദിവസവുമാണ് രണ്ടും ഒരു ദിവസം നടക്കുന്നത് അല്ല )

അവർ എല്ലാവരും ഫുൾ സെറ്റ് ആയി നിന്നു. താങ്കളുടെ പുതിയ മിഷൻ ചെയ്യാൻ വേണ്ടി.

അവരിലെ പ്രധാനി തന്റെ കൂട്ടാളികളിൽ ഒരുവനെ നോക്കി
“ ജെയിംസ്, യു ഗോ “.

ജെയിംസ് ശെരി എന്ന രീതിയിൽ തലയാട്ടി തന്റെ വർക്ക് ചെയ്യാൻ വേണ്ടി റെഡി ആയി അവിടെ നിന്നും പോയി.

കൊട്ടാരത്തിന്റെ ഇടതു ഭാഗത്തുള്ള കാട്ടിൽ കൂടെ സഞ്ചരിച്ചു യേഗതേശം കൊട്ടാരത്തിന്റെ ഇടത് സൈഡിന്റെ അടുത്ത് എത്തി. കൊട്ടാരത്തിന് ചുറ്റും കാമറ ഉള്ളത് കൊണ്ട്, അവൻ നിൽക്കുന്നതിന്റെ പരിധിക് അടുത്ത് എത്തുന്ന തരത്തിൽ കാമറ ഉണ്ട്, അത് മനസിലാക്കി അവൻ ഒരു മരത്തിന് സൈഡിൽ മറവ് പിടിച്ചാണ് നില്കുന്നത്.

ജെയിംസ്‌ തന്റെ കയ്യിലുള്ള ഇലക്ട്രോണിക് ഹാകിംഗ്‌ ഡിവൈയ്സ് എടുത്ത് ഓൺ ചെയ്തു. ആ ഹാകിംഗ്‌ ഡിവൈസ് ഓൺ ചെയ്‌താൽ അതിന് അമ്പത് മീറ്റർ ചുറ്റളവിൽ ഉള്ള എല്ലാ ഇലക്ട്രോണിക് ഉഭകരണങ്ങളും പ്രവർത്തന രഹിത മാകും.

ഹാക്കിങ് ഡിവൈസ് ഓണാക്കിയ ഉടൻ തന്നെ ജെയിംസ്‌ തന്റെ കയ്യിലുള്ള കയർ ചുഴറ്റി മതിലിന് മുകളിലേക്കു എറിഞ്ഞു. ആ റോപ്പിന്റെ അഗ്രത്ത് ഒരു ഇരുമ്പിന്റെ കൊളുത്ത് ഘടിപ്പിച്ചിട്ടുണ്ട് അത് മതിലിലെ സൈഡിൽ കൊളുത്തി നിന്നു.
ജെയിംസ്‌ കയറിലേ കൊളുത്ത് നേരെ നിന്നോ എന്നറിയാൻ വേണ്ടി രണ്ടു തവണ ബലമായി അടിയിലേക് വലിച്ചു നോക്കി. കയർ പോരുന്നില്ല എന്നു ഉറപ്പ് വരുത്തിയ ശേഷം ജെയിംസ്‌ പിന്നെ ഒന്നും ആലോചിക്കാതെ ആ റോപ്പിൽ പിടിച്ചു മതിലിന് മുകളിൽ കയറി.

ഇതേ സമയം കൊട്ടാരത്തിന്റെ സെക്യൂരിറ്റി റൂമിൽ. സെക്യൂരിറ്റി റൂം എന്ന് പറയുന്നത് കൊട്ടാരത്തിനോട് ചേർന്ന് ചേർന്ന് നിർമിച്ചിട്ടുള്ള മുകളിലേക് അതികം തട്ടുകൾ ഇല്ലാതെ നീളവും വീതിയും ഉള്ള കെട്ടിടം ആണ്.. അതിലേക് പുറത്ത് നിന്നും കൊട്ടാരത്തിൽ നിന്നും പ്രേവേശിക്കാനുള്ള പ്രേതെകമായി നിർമിച്ചിട്ടുള്ള രണ്ടു വഴികളാണ് ഉള്ളത്. ആ റൂമിന് നാല് ഭാഗത്തും ഉള്ളിലും പുറത്തുമൊക്കെയായി ഒമ്പത് പേരാണ് ഉള്ളത്.

അവിടെ ഒരു വലിയ സ്ക്രീനിൽ എല്ലാ ക്യാമറകളിൽ നിന്നുമുള്ള വിശ്വലസ് അതെ ടൈമിൽ നടക്കുന്നത് പ്ലേ ആയി കൊണ്ടിരിക്കുന്നുണ്ട്. ആ റൂമിൽ രണ്ടു സെക്യൂരിറ്റികളേ ആണ് കാമറകൾ വീക്ഷിക്കാൻ വേണ്ടി നിർത്തിയിട്ടുള്ളത്. പക്ഷെ ആ രണ്ടു സെക്യൂരിറ്റിമാരും സ്‌ക്രീനിലേക് ശ്രെദ്ധിക്കാതെ ഇരിക്കുകയാണ്. ഒരാൾ ഉറങ്ങുക ആണെങ്കിൽ മറ്റേയാൾ തന്റെ പുതിയ കാമുകിയുമായി ഫോണിൽ സൊള്ളുകയാണ്.

തന്റെ കാമുകിയുമായി സംസാരിക്കുമ്പോളാണ് അയാൾ ഒരു കാമറ മാത്രം വർക് ചെയ്യാത്തത് സ്രെദ്ധയിൽ പെട്ടത്.

“ ഓഹ്, ഷിറ്റ്‌ “. അയാൾ പറഞ്ഞ് കൊണ്ട് ഫോൺ കട്ട്‌ ചെയ്തു.
“ ഡാ എണീക്, എന്തോ പ്രേശ്നമുണ്ട് “. തൊട്ടടുത്തു ഉണ്ടായിരുന്ന ആളെയും തട്ടി വിളിച്ചെണീപ്പിച്ചു.