👬കൂടെ 4 [ഖുറേഷി അബ്രഹാം] 122

“ സന്തോഷം കൊണ്ടാ ഏട്ടാ, എന്താന്ന് അറിയില്ല ഇപ്പൊ സന്തോഷം വന്നപ്പോ കണ്ണിൽ നിന്നും വെള്ളം വരുവാ “. പറഞ്ഞോണ്ട് അവൾ കണ്ണുകൾ വീണ്ടും തുടച്ചു കൊണ്ടിരുന്നു.

ഞാൻ പിന്നെ അവളോട് ഒന്നും പറഞ്ഞില്ല നേരെ തായെക്ക്‌ ചെന്നു ഡൈനിങ് ഹാളിൽ വന്നു ടേബിളിന്റെ അടുക്കൽ ഉള്ള ചെയറിൽ ഇരുന്നു.

“ ചേട്ടൻ ഇരിക്ക്, ഞാൻ ആടുകളേൽ പോയി ചായയും ബ്രേക്ക് ഫാസ്റ്റും എടുത്തോണ്ട് വരാം “. അവൾ അതും പറഞ്ഞു കൊണ്ട് അടുക്കളയിലോട്ട് പോയി. ഇപ്പൊ അവളുടെ മുഖം ഒക്കെ നന്നായി പ്രകാശിക്കുന്നുണ്ട്, നേരത്തെ എന്റെ റൂമിൽ വന്നപ്പോ വാടിയ റോസാപൂ പോലെ ആയിരുന്നു.

പൊന്നുവിന്റെ സന്തോഷം കണ്ടപ്പോ എന്റെ ഉള്ളിലും എന്തൊന്നില്ലാത്ത ഒരനുപൂതി തോന്നി. കുറച്ചു നേരം മുൻപ് നെഞ്ചിൽ കത്തിയിരുന്ന തീ കെട്ട്‌ പോയത് പോലെ ഒരു ഫീലിംഗ്.

പൊന്നു ദോശയും ചമ്മന്തിയും രണ്ടു പത്രങ്ങളിൽ കൊണ്ടു വന്നു. ഒന്നെനിക് തന്നിട്ട് കഴിക്കാൻ പറഞ്ഞു. ഞാനൊരു പുഞ്ചിരി നൽകി വേണോ വേണ്ടയോ എന്ന രീതിയിൽ കഴിക്കാൻ തുടങ്ങി.

പൊന്നുവിന്റെ കൂടെ അമ്മയും വന്നു. കയ്യിൽ ഒരു പാത്രം കൂടി ഉണ്ട് അതിൽ കുറച്ചു ദോശയും അത് ഞങ്ങടെ മുമ്പിൽ വച്ചു ഒരു ചെറിയ പാത്രത്തിൽ ചമ്മന്തിയും കൊണ്ടു വന്നിരുന്നു അതും ടേബിളിൽ വച്ചു.

എന്നിട്ട് അമ്മ ഞങ്ങള്ക് മുമ്പിൽ വന്ന് നിന്നു, അമ്മ എന്നെയാണ് ശ്രെദ്ധിക്കുന്നത് എന്നെനിക് മനസിലായി. ഞാൻ അമ്മയെ ഒന്നു നോക്കി. ഞാൻ നോക്കുന്നത് കണ്ടപ്പോൾ അമ്മ നേർത്ത മങ്ങിയ ചിരി എനിക് സമ്മാനിച്ചു. എന്തോ നഷ്ട്ട പെട്ടത് പോയത് പോലെയുള്ള നിർവികാരതയുടെ മുഖമാണ് അമ്മയിൽ നിന്നും ഞാൻ കണ്ടത്. അമ്മയെ നോക്കി ഞാനും ഒരു നേർത്ത പുഞ്ചിരി നൽകി.

അമ്മയ്‌ക്ക അത് മാത്രം നൽകാനേ എനിക് കഴിഞ്ഞുള്ളു. അത് നൽകിയതും അമ്മയിൽ നിന്നുമുള്ള എന്റെ കണ്ണുകൾ മാറ്റി. അമ്മയോട് സംസാരിക്കാൻ ആവുന്നില്ല. മനസിലെ വിഷമങ്ങൾ കാരണമാകാം. അമ്മയുടെ മുഗം കണ്ടത് മുതൽ ജോണിനെ ഞാനാണ് കൊന്നത് എന്നാ അനുപൂതിയാണ് എനിക് തോന്നിയത്. അമ്മയുടെ കണ്ണിലേ ആ വിഷമം കണ്ടിട്ടാകും അങ്ങനെ തോന്നാൻ കാരണം

ശെരിക്കും പറഞ്ഞാൽ ഇപ്പൊ എനിക്കാരോടും നേരിട്ട് പണ്ടത്തെ പോലെ ഇടപിയാകാൻ പറ്റുന്നില്ല. ആരോ ഉള്ളിൽ നിന്നും പിന്നിലേക്കു വലിക്കുന്നത് പോലെ. നേരാവണ്ണം സംസാരിക്കാൻ പോലും കഴിയുന്നില്ല. സംസാരിക്കാനുള്ള വാക്കുകൾ കിട്ടുന്നില്ല. എന്ത് സംസാരിക്കണം എന്നറിയാത്തത് പോലെ, അവരോടൊക്കെ ഒരകലം വന്നതായി തോനുന്നു. സ്വന്തം വീട്ടിൽ ഉള്ളവർ അന്യരെ പോലെയാണ് എനിക് കാണാൻ സാധിക്കുന്നത്. .

കുറച്ചു മുൻപ് ജോണിനോട് ഞാൻ പഴയത് പോലെ ആകാൻ എനിക് വലിയ പ്രയാസം ഇല്ല എന്നു പറഞ്ഞെങ്കിലും ഇപ്പോൾ അതിനാവുന്നില്ല.
എല്ലാം ശെരിയാകും ഇപ്പൊ ചെറിയ ബുദ്ധിമുട്ട് ഉണ്ടെങ്കിലും വഴിയേ അത് നേരെയാകാം.

ഞാൻ ദോശയും ചമ്മന്തിയും കഴിച്ചതിന് ശേഷം കൈ കഴുകി റൂമിലേക് തന്നെ വന്നു കട്ടിലിൽ കയറി ഇരുന്നു. പൊന്നു എന്റെ കൂടെ വന്നില്ല എന്തോ എന്റെ മൈന്റ് ഇപ്പൊ ശെരി അല്ല എന്നവൾക്കും തോന്നി കാണും.