?കല്യാണ നിശ്ചയം-the beginning(Demon king) 1677

ദേവു: നീ എന്താടാ ഒന്നും മിണ്ടാതെ ഇരിക്കുന്നെ….

അത്രയും നേരം ഒന്നും സംസാരിക്കാതെയിരുന്ന ഹരിയോട് ദേവു ചോദിച്ചു

ഹരി: ഒന്നുല്ല … നിങ്ങള് എന്താ തീരുമാനമെടുക്കുകയെന്ന് നോക്കിയിരിക്കുകയായിരുന്നു.

ലച്ചു: ഏട്ടാ… ഡ്രസ്സ് കോഡൊക്കെ ഏട്ടന് ഒക്കെയല്ലേ….

ഹരി: എനിക്കൊക്കെ എന്ത് ഡ്രസ്കോഡ്…. വന്ന് കഴിഞ്ഞാൽ അതൊക്കെ മണ്ണാവും… ചെയർമാൻ അല്ലേ…..

 

ദേവു: ഒഹ്…. ചെയർമാൻ… ദേ ചെക്കാ ഓണത്തിന് തല്ല് വല്ലതും ഉണ്ടാക്കിയാൽ ഇൗ ദേവു ആരാന്നു നീ അറിയും.

ഹരി: ഡീ ഡീ…. നിന്റെ ഭരണമൊക്കെയങ്ങ് ഗൾഫിൽ കിടക്കുന്ന വിനുവിനോട് മതി.

 

ദേവു: ദേ എന്റെ ചെക്കനെ പറഞ്ഞാ ഉണ്ടല്ലോ….

 

ഹരി: പറഞ്ഞാല് നീ എന്ത് ചെയ്യും….

രണ്ടും തമ്മിൽ തല്ലിനുള്ള വഴിയായി …..

ലച്ചു: തൊടങ്ങി രണ്ടും…. ഒന്ന് നിർത്തോ …..

 

ഹരി: ഇവരൊക്കെ പിടിച്ച് മാറ്റിയത് കൊണ്ട് നീ രക്ഷപെട്ടു….

ദേവു: പിന്നെ… ഇല്ലേൽ നീ എന്നെ അങ്ങ് മൂക്കില് കേറ്റും….

ഹരി: ഡീ……………

ദേവു: ഡാ………….

 

വീണ്ടും ഒരു യുദ്ധത്തിനു തുടക്കം ഇടുകയാണ്…..

രണ്ടിന്റെയും പല്ല് കൂട്ടിഞെരിച്ച് പല്ല് പൊട്ടുന്ന ശബ്ദം പുറത്ത് വന്നു…..

ജെനി: എന്റെ മാതാവേ…. ഇതുങളെ കൊണ്ട് തോറ്റല്ലോ…..

ജസ്റ്റിൻ: ഒന്ന് നിർത്തടാ… ഏത് നേരവും തല്ലാണല്ലോ….

ഹരി: ഞാനൊന്നുമല്ല…..

ദേവു: പിന്നെ ഞാനാണോ….

റാഷിദ്: ഓ…. ഒന്ന് നിർത്തടാ…. രണ്ടും മോശക്കാരല്ല…

ദേവു: അതൊക്കെ പോട്ടെ…. ഇപ്പൊ ഇവിടത്തെ വിഷയം സാരിയല്ലേ… ഡീ അനു… നിനക്കും ജെനിക്കും ഒരേ അളവല്ലേ… നീ പോയി നല്ലതൊന്ന് എടുക്ക്‌…

അനു: ഞാനോ….

ദേവു: നീ തന്നെ… ഡാ ഹരി… നീ ഇവളെ കൂട്ടി പോയ് വാ…. ബാക്കി പ്ലാനിംഗ് ഒക്കെ അത് കഴിഞ്ഞ്….

അവർ പറഞ്ഞതനുസരിച്ച് അനുവും ഹരിയും വണ്ടിയെടുത്ത് തുണിക്കടയിലേക്ക് പോയി…

രണ്ടും ഒന്നും സംസാരിക്കാതെ മുന്നോട്ട് നീങ്ങി….

അനു തന്റെ കയ്യെടുത്ത് ഹരിയുടെ വയറിൽ ചുറ്റി ചേർന്നിരുന്നു…..

കാറ്റിൽ മനോഹരമായി പാറുന്ന അവന്റെ മുടിയും താടിയും അവൾ നോക്കിയിരുന്നു.

മിററിലൂടെ നോക്കുമ്പോൾ തന്നെ തന്നെ നോക്കി ഇരിക്കുന്ന അനുവിനേ ഹരി കണ്ടു.

 

ഹരി: എന്താ പെണ്ണേ ഇങ്ങനെ നോക്കാൻ….

 

അനു: ഓന്നുല്ല…. ഏട്ടന് ഇൗ താടിയൊന്ന് കളഞ്ഞൂടെ….

ഹരി: അതവടെ ഇരിക്കട്ടെ… കളഞ്ഞിട്ടിപ്പൊ എന്നാത്തിനാ…

അനു: അല്ല… താടിയൊക്കെ പോയ ഹരിയേട്ടന് നല്ല ഐശ്വര്യമാണ്.

ഹരി: ഒ…. ഞാനൊക്കെ ഐശ്വര്യം വച്ചിട്ട് എന്തിനാ… ആരാ അതൊക്കെ കാണാൻ ഉള്ളെ…..

 

അനു: എന്ത് പറഞ്ഞാലും ആരാ ഉള്ളേ ആരാ ഉള്ളേ…. അപ്പോ ഞാൻ ഏട്ടന്റെ ആരും അല്ലേ….

ചുണ്ട് കൂർപ്പിച്ച് അവള് അവനോട് ചോതിച്ചു….

ഹരി: ആണോ…..

അനു: എന്താ….

 

ഹരി: അല്ലാ…. ആരെങ്കിലും ആണോന്ന്……

 

അതുകൂടി കേട്ടപ്പോ അവൾക്ക് ചെറുതായി നാണം വന്നു. പക്ഷേ അത് വെളിയിൽ കാണിച്ചില്ല.