?കല്യാണ നിശ്ചയം-the beginning(Demon king) 1677

 

ഹരി: അത്…. എന്റെ വലത് കയ്യനാണ് ഏറ്റവും കൂടുതൽ ബലം.

 

അനു: ഇനി ഇങ്ങനെ തല്ലിനു ഒന്നും പോവല്ലേ ട്ടോ….

ഹരി: അതെന്താ….

 

അനു: ഇന്റെ നാട്ടിലെ ഒരു കൂട്ടുകാരിയുടെ കയ്യിൽ ടച്ച് ഫോൺ ഉണ്ട്…. ഒരു ദിവസം അവള് ഏതോ രാഷ്ട്രീയക്കാരനെ വെട്ടികൊന്നിട്ട ഫോട്ടോ കാണിച്ച് തന്നു… ഇ……. ഇപ്പോളും ആ രൂപം ഞാൻ മറന്നിട്ടില്ല.അത് പോലെ വല്ലതും ഉണ്ടായാലോ…അതാ….

 

ഹരി: എന്ത് ചോദ്യത്തിനും ഓരോ പൊട്ടൻ ഉത്തരം ഉണ്ടല്ലോ പെണ്ണേ നിന്റെ കയ്യിൽ….

അതും പറഞ്ഞ് അവൻ ചിരിക്കാൻ തുടങ്ങി.

അനു; ഹും…..

അവൾ കള്ള ദേഷ്യം കാണിച്ച് മുഖം തിരിച്ചിരുന്നു….

കുറച്ച് നേരം ദൂരേക്കും നോക്കിയിരുന്നു.

ഹരി സോറി പറയുമെന്നും സമധനിപ്പിക്കുമെന്നൊക്കെ കരുതി അവളിരുന്നു…

അവന്റെ യാതൊരു പ്രതികരണവും ഇല്ല.

കഴുത്ത് ആണെങ്കിൽ വേധനിച്ചിട്ടും വയ്യ.

ആള് എണീറ്റ് പോയോ എന്നറിയാൻ പയ്യെ ഒന്ന് നോക്കി. മണലിൽ ചിത്രം വരഞ്ഞ് ഇരിക്കുന്നു.  കുറച്ച് മുന്നേ കണ്ട സന്തോഷമോ ചിരിയോ ഉന്മേഷമോ ഒന്നും ഇല്ല. മുഖം വിഷമിച്ച് കരുവളിച്ചിരുന്നു.

 

അനു: എന്താ ഹരിയേട്ട വല്ലാതെ….

മൗനം ഭേദിച്ച് അനു സംസാരം തുടങ്ങി.

ഹരി: ഏയ്‌…. ഒന്നുമില്ല….

 

അനു: ഇന്റെ വായിൽ നിന്നും വല്ല തെറ്റയതും വന്നോ…..

അൽപം  ശങ്കയോടെ അവള് ചോദിച്ചു

ഹരി: തന്റെ സംസാരം എന്നെ ചിലത് ഓർമിപ്പിച്ചു.

അനു: എന്ത് പറ്റി ഹരി ഏട്ടാ…… എന്താ ഞാൻ ഓർമിപ്പിച്ചത്…

ഹരി: താൻ പറഞ്ഞില്ലേ വെട്ടുകൊണ്ട ഒരാളുടെ ശരീരത്തിന്റെ ഫോട്ടോ കണ്ട് പേടിച്ചു എന്ന്….

അത് പോലെ ഒരു വെട്ടുകൊണ്ട ശരീരം എന്റെ കാഴ്ചയിൽ നിന്നും ഓർമയിൽ നിന്നും മായാതെ നിൽക്കുന്നുണ്ട്.

 

അനു: അ…. ആരുടെ…..

തെല്ല് പേടിയോടെ അനു ചോദിച്ചു.

കരയിലോട്ട്‌ കയറി ഇറങ്ങുന്ന  തിരമാലകളെ നോക്കി ഒരു ദീർഘ ശ്വാസം എടുത്തു. എന്നിട്ട് അവളെ നോക്കി.

ഹരി: അച്ഛന്റെ…

 

ഒരു ഞെട്ടലോടെയാണ് അവളത് കേട്ടത്.

അനു: അ…അച്ചന്റെയോ…… എന്താ ഹരിയെട്ട അച്ഛന് പറ്റിയേ….

അവന്റെ മുഖഭാവം വിഷമതാൽ വലിഞ്ഞ് മുറുകി. കണ്ണുകളിൽ കണ്ണുനീർ കെട്ടി വെച്ചിരിക്കുന്നു. അവന് ഒന്നും പറയാൻ സാധിക്കുന്നില്ല. ഒന്ന് നോക്കാൻ പോലും

അനു: ഹരിയേട്ടാ….. ഹരിയേട്ടാ…. എന്താ അലോജിക്കുന്നെ….. എന്തേലും ഒന്ന് പറ ഏട്ടാ ….

മിണ്ടാട്ടം ഇല്ലാതെ നിന്ന ഹരിയെ അവള് തട്ടി വിളിച്ച്.

 

ഹരി: വാ പോവാം……

 

ഒന്നും ആലോചിക്കാതെ അവൻ അതും പറഞ്ഞ് എഴുന്നേൽക്കാൻ നോക്കി.

 

അനു: അവടെ ഇരിക്ക്…….

 

അനു അവന്റെ നേരെ ശബ്ദം ഉയർത്തി.

ഇത്രയും നേരം തൊട്ടാവാടി ആയിരുന്ന പെണ്ണ് പെട്ടെന്നുള്ള മാറ്റം കണ്ട് ഹരിയും ഒന്ന് നടുങ്ങി .

അവന് അവിടെ തന്നെ ഇരിക്കേണ്ടി വന്നു…

 

അനു: പറ…..

ഹരി: ഏയ്‌…. വേണ്ടാ….. താൻ അത് കേൾക്കണ്ട……

 

അനു; അതൊന്നും പറ്റില്ല. അത് അറിഞ്ഞില്ല എങ്കിൽ ക്ക് ന്ന്‌ ഒറക്കം വരുല്ല….

കോച്ച് കുട്ടികളെ പോലെ അവള് ചിണുങ്ങി…

 

ഹരി: പറയുന്നത് കേൾക്ക് ഞാനറിയാതെ പറഞ്ഞതാ… അത് വിട്ട് കള….

അത്രയും പറഞ്ഞ് അവൻ ദൂരേക്ക് നോക്കി ഇരുന്നു.

 

അനു: എന്നാ ഞാൻ ഒരു കഥ പറയട്ടെ…..

 

വിഷമം മനസ്സിൽ ഒതുക്കി അനുവിനെ നോക്കി ചിരിച്ചു

ഹരി: ആഹാ… തമ്പുരാട്ടി കുട്ടി കഥയൊക്കെ പറയോ…..

അനു: കഥ അല്ല… എന്റെ അച്ഛൻ എന്നോട് പറഞ്ഞ കാര്യം ആണ്.