ജന്മദിനസമ്മാനം [JA] 1651

“അവൾ എനിക്ക് നിങ്ങളെക്കാൾ വലുത് അല്ല , അവളെക്കാൾ വലുത് അല്ല നിങ്ങളും,  നിങ്ങളുടെ സഹായം എനിക്ക് ഈ കാര്യത്തിൽ പൂർണമായും വേണം ” അജിത് പറഞ്ഞു.

ഇതുകേട്ട രാഹുലും റോഹനും ഒരുമിച്ച് പറഞ്ഞു ഈ ഒരു കാര്യത്തിൽ ഞങ്ങൾ നിന്നോടൊപ്പം നിൽക്കില്ല , അവൾ ചീത്തയാണ് !

” എങ്കിൽ, അവളെ സ്നേഹിക്കുന്ന ഞാനും ചീത്തയാണ് , നിങ്ങളുടെ ഒരു സൗഹൃദവും എനിക്കിനി ആവശ്യവുമില്ല ,,,,”

ഇത്രയും പറഞ്ഞു കൊണ്ട് അവൻ അവിടെ നിന്നും ദേഷ്യത്തോടെ നടന്നകന്നു ….!

അവരുടെ സംഭാഷണങ്ങൾ കുറച്ചു അകലെ നിന്നും ശിഖ കേൾക്കുന്നുണ്ടായിരുന്നു ….!

അജിത് നടന്നകലുന്നത് നിറകണ്ണുകളോടെ അവൾ നോക്കി നിന്നു….!

വൈകിട്ട് ദേവമ്മയുടെ വീട്ടിൽ എത്തിയ അജിത്തിനെ ദേവമ്മ , അനുവിനെ കാണാൻ അനുവദിച്ചില്ല .

നിരാശയോടെ വീട്ടിൽ എത്തിയ അവൻ  അനുവിനെ ഫോണിൽ വിളിച്ചു ,,,,

പക്ഷെ ,,,, സ്വിച്ച് ഓഫ് എന്ന് മറുപടിയാണ് ലഭിച്ചത് ,,,

തുടർന്നുള്ള ദിവസങ്ങളിൽ അവൻ അനുവിനെ കാണാൻ ശ്രമിച്ചെങ്കിലും ദേവമ്മ അവനെ അവളെ കാണുന്നതിൽ  നിന്നും തടഞ്ഞു !

നിരാശയോടെ അവന് ബഹളം വെച്ചപ്പോൾ അവർ  അവന്റെ മുന്നിൽ ഒരു നിബന്ധനവെച്ചു ഇനി അനുവിനെ കാണണമെങ്കിൽ ഇരുപത്തിനാല് മണിക്കൂറിനുള്ളിൽ  ₹10 ലക്ഷം രൂപ തന്നാൽ അവളെ നിനക്ക് എന്നന്നേക്കുമായി ഇവിടെ നിന്നും കൊണ്ട് പോകാം. ഇല്ലെങ്കിൽ ഇനി ഇങ്ങൊട്ട് വരാൻ പാടില്ല ,,,,

അവൻ ആ നിബന്ധന സമ്മതിച്ചു ,,,,