ഹരിചരിതം 3 [Aadhi] 1392

അവൾ നേരെ എന്റെ അടുത്തേക്ക് വന്നു ഇടത് കൈ മടക്കി എന്റെ തോളിൽ വെച്ച് ചാരി നിന്നു.  എനിക്കെന്തോ അതിഷ്ടമായില്ല. സാധാരണ ഞങ്ങൾ തോളിൽ കയ്യിട്ടും പരസ്പരം ചാരിയും ഒക്കെ ഇരിക്കുന്നതാണ്.

” മ്… അമ്മക്കിന്നു പോവണ്ടേ?? ”

” പിന്നെ പോവാതെ… ഈ ആഴ്ച്ച കുട്ട്യോൾക്ക് എക്സാം തുടങ്ങും. പോർഷൻസ് ഇനിയും ഉണ്ട് ”

” നിനക്കോ?? ”

” എനിക്കും പോവണം… ഈ ആഴ്ച്ച മുഴുവൻ ഡേ ആണ്. നിനക്ക് പോവണ്ടെടാ?? ”

” ആ.. പോവണം. ഞാൻ എന്നാ പോയി റെഡി ആവട്ടെ “, ഞാൻ തോളിൽ നിന്നും അഭിയുടെ കൈ മാറ്റി ചാടി ഇറങ്ങി നേരെ റൂമിലേക്ക് നടന്നു. ശ്രീയുടെ റൂമിന്റെ വാതിൽ തുറന്നു കിടക്കുന്നു.  അകത്തേക്ക് കേറി നോക്കിയപ്പോൾ അവൾ നല്ല സുഖം ആയി ഫാൻ ഒക്കെ ഇട്ടു പുതച്ചുമൂടി കിടക്കുകയാണ്. എന്തോ സ്വപ്നം കണ്ടുകൊണ്ടാണെന്നു തോന്നുന്നു, മുഖത്തൊക്കെ ചെറിയൊരു നാണച്ചിരി ഉണ്ട്. ചില നേരത്തു ഇവൾ വെറും കുട്ടികളെ പോലെ ആണ്, പക്ഷെ കോളേജിൽ എല്ലാവർക്കും ആരാധന ഉള്ള ശ്രീലക്ഷ്‌മി. പതുക്കെ പോയി ബെഡിൽ ഇരുന്നു. അവളുടെ പുതപ്പിന്റെ അറ്റം തന്നെ ഒരു ചുരുട്ടി പതുക്കെ ചെവിയിൽ ഇട്ടു തിരിച്ചു. ഇക്കിളി എടുത്തിട്ടാവും പാവം പുതപ്പു ഒന്ന് കൂടി ചെവിക്കു മുകളിലൂടെ വലിച്ചിട്ടു. ഞാൻ അതൊന്നുകൂടി താഴ്ത്തി ചെവിയിൽ വീണ്ടും ഇക്കിളി ആക്കി. അതിൽ അവൾ ഉണർന്നു. എന്നെ കണ്ടു മുഖത്ത് പെട്ടെന്നൊരു സന്തോഷം വന്നു…

” എണീക്കെടീ… നേരം കുറെ ആയി. ”

” നേരം ഒന്നും ആയിട്ടില്ല, എന്റെ അലാം അടിച്ചിട്ടില്ല ” അവൾ മൂടിപ്പുതച്ചുകൊണ്ട് എന്റെ അടുത്തേക്ക് വീണ്ടും ചുരുണ്ടുകൂടി. ഞാൻ ഫോൺ എടുത്ത് നോക്കി, നേരം ആറര ആവാൻ പോവുന്നു.

” നേരം ആറര ആയി… എണീക്ക്…”, ഞാൻ പുതപ്പിനു മുകളിലൂടെ അവളുടെ വയറിൽ ഇക്കിളിയിട്ടു.

ശബ്ദം ഉണ്ടാക്കി ചിരിച്ചുകൊണ്ട് അവൾ എന്റെ കൈ പിടിച്ചുവെച്ചു. എന്നിട്ട് മടിയിലേക്ക് തല വെച്ച് കിടന്നു.

” അവിടൊന്നും തൊടല്ലേ… അതൊക്കെ ഇക്കിളി സ്പോട്ടുകളാ… ”

” ആണോ… എന്നാൽ ഇനി തൊടേണ്ടെങ്കിൽ എണീക്ക്…. വേഗം റെഡി ആവൂ… നമുക്ക് ഒന്ന് നടക്കാൻ പോവാം… ”

” അതെന്താ ഇന്ന് ഒരു പ്രത്യേകത?? ഇത്ര കാലം എന്തായിരുന്നു?? ”

” അതല്ല.. ഞാൻ ഇന്ന് ഇങ്ങോട്ട് നടന്നാണ് വന്നത്. നല്ല രസം ഉണ്ടായിരുന്നു. ഉറക്കം ഒക്കെ പോയി ”

” അതെന്തിനാ നടന്നത്?? എന്നെ വിളിച്ചൂടായിരുന്നോ?? അല്ലേൽ അഭി ഇല്ലേ?? ”

” ഓ… നിന്റെ ഈ ഉറക്കം അല്ലേ?? വെറുതെ കളയേണ്ട എന്ന് വിചാരിച്ചു.. ”

” മ്.. നമുക്ക് നാളെ മുതൽ പോവാം നടക്കാൻ.. ഇന്നിങ്ങനെ കുറച്ചു നേരം കൂടെ നമുക്ക് കിടക്കാം… ”

ഞാനും ചാരി ഇരുന്നു. അവളുടെ തലയിൽ തലോടിക്കൊണ്ട്. ഇടക്ക് ചെവിയിൽ ഇക്കിളി ആക്കാൻ പോയ കൈ അവൾ അവളുടെ കഴുത്തിനടിയിലേക്ക് പിടിച്ചു വെച്ചു. എന്ത് മിനുസം ആണ് ഇവൾക്ക്… പെട്ടെന്ന് ഫോൺ അലാം അടിച്ചു. ഞാൻ അത് ഓഫ് ചെയ്തു അവിടെ തന്നെ വെച്ചു. പെട്ടെന്ന് അഭി റൂമിലേക്ക് കേറി വന്നു,