ഹരിചരിതം 3 [Aadhi] 1392

” എന്നാൽ ഞങ്ങൾ തൊഴുത്തിട്ടു വരാം.. അപ്പൂ, നീ ഇത് ഒന്ന് വഴിപാടാക്ക്.. “, അവൾ ചെറിയൊരു ലിസ്റ്റും പൈസയും അനിയന്റെ നേരെ നീട്ടിക്കൊണ്ട് പറഞ്ഞു.

അവൻ അതും കൊണ്ട് കൗണ്ടറിലേക്ക് പോയി.

അവൾ ഒരു ഇളം നീല ചുരിദാർ ആണ് ഇട്ടിരിക്കുന്നത്. മുടിയിൽ നിന്ന് ചെറുതായിട്ട് വെള്ളം വീണു പുറം ഒക്കെ നനഞ്ഞിരിക്കുന്നു.

” അനിയനെ കൂട്ടിക്കൊണ്ട് പോവാൻ പറഞ്ഞു അമ്മ, ഒറ്റക്ക് പോവേണ്ടന്നു… സന്ധ്യ അല്ലെ ?? അതാ… ”

അത് ശരി.. അപ്പോൾ അമ്മ പറഞ്ഞത് കൊണ്ട് മാത്രം ആണ് ഇവൾ അനിയനെ കൊണ്ട് വന്നത്. സമാധാനം ആയി, അതിന്റെ പ്രതിഫലനം ആയെന്നോണം എന്റെ ചുണ്ടിൽ ഒരു ചിരി വന്നു.

” എന്താ ചിരിക്കുന്നത്… ?

” ഏയ്.. ഒന്നുമില്ല. നീ വേഗം പോയി തൊഴുതു വാ.. ഞാൻ ഇവിടിരിക്കാം.. ” അവളുടെ അനിയൻ വരുന്നത് നോക്കിക്കൊണ്ട് ഞാൻ പറഞ്ഞു.

അവർ വേഗം പോയി തൊഴുത് പ്രസാദം ഒക്കെ കൊണ്ട് വന്നു. അരമണിക്കൂർ കൂടി കഴിഞ്ഞാൽ ദീപാരാധന ആവും. അതുകൂടി കണ്ടിട്ട് പോവാം. ഞാൻ ആൽത്തറയിൽ കേറി ഇരുന്നു. ഓരോ വിശേഷങ്ങൾ ഒക്കെ ചോദിച്ചു. അവളുടെ അനിയന് അതൊന്നും കേൾക്കാൻ വലിയ താല്പര്യം ഇല്ല.. അവൻ ഫോണിൽ ആരോടോ മെസ്സേജ് അയച്ചിരിക്കുകയാണ്. കുറച്ചു കഴിഞ്ഞപ്പോൾ ഒരു ഫോൺ വന്നു അവൻ കുറച്ചു മാറി നിന്നു.

” അനിയന് ലൈൻ ഉണ്ടോ ?? ”

” ഉണ്ടെന്നു തോന്നുന്നു.. എപ്പോഴും ഫോണിലാ… പ്ലസ് ടു അല്ലെ… എന്താവുമോ എന്തോ.. ” അവൾ ചിരിച്ചുകൊണ്ട് പറഞ്ഞു.

” ചേച്ചിയുടെ അല്ലെ അനിയൻ.. കാണും കാണും… ”

അവൾ ഒന്ന് ദേഷ്യം കാണിച്ചു എന്റെ കയ്യിൽ ഒരടി തന്നു. ” ചേച്ചി ഇങ്ങനെ ബോധം ഇല്ലാതെ പ്രേമിക്കാൻ പോയിട്ടില്ല. ”

” മ്.. അതെ അതെ.. ”

” പിന്നെ… ഈ നെറ്റ് ഒക്കെ കുറച്ചു പാടാണല്ലേ കിട്ടാൻ ?? ”

” അതെന്താ അങ്ങനെ ചോദിച്ചത്?? ”

” അല്ല…ഞാൻ അന്ന് പറഞ്ഞിരുന്നില്ലേ എനിക്ക് എഴുതണം എന്ന്. ഞാൻ നോക്കിയപ്പോൾ അത്യാവശ്യം പാടാണ്”

” എന്നാൽ ഗേറ്റ് എഴുത്.. എംടെക്. പി.എച്.ഡി.ഒക്കെ ഉണ്ടല്ലോ…. റിസർച് ഒക്കെ ആയി പോവാം… ”

” മ്.. എന്തെങ്കിലും നോക്കണം. അടുത്ത വർഷം എഴുതണം. ”

അന്നാണ് ഞാൻ അവൾ എം.എസ്.സി രണ്ടാം വർഷം ആണെന്ന് അറിയുന്നത്…

” എന്നാൽ പോട്ടെ… നാളെ പോവുമല്ലേ തിരിച്ചു?? ”

” പോവും… ”

” പിന്നെന്നാ?? “