ഹരിചരിതം 3 [Aadhi] 1392

അത് കേട്ട് അവൾക്കും ചെറിയൊരു ചിരി വന്നു….

” നമ്മുടെ കോളേജിലെ അയ്‌മനം സിദ്ധാർഥ്… ” ഞാൻ പിന്നെയും കളിയാക്കി….

അവൾ കെറുവിച്ചുകൊണ്ട് എന്റെ വയറ്റിൽ ഒരു കുത്തുതന്നു. ഏതായാലും ഈ നേരം ആയപ്പോഴേക്കും ഇന്നലത്തെ അവളുടെ ഭാവം ഒക്കെ മാറിയിട്ടുണ്ട്…

” എടീ ശ്രീ..ഞാനൊരു കാര്യം ചോദിച്ചാ നീ സത്യം പറയുമോ?? ”

“പറച്ചില് കേട്ടാൽ തോന്നും ഞാൻ നുണയാണ് എപ്പോഴും പറയാറെന്നു ”

” അതല്ലെടീ…”

” ആ..ചോദിക്ക്, എന്താ..?? ”

” നിനക്കു വല്ല ബോയ് ഫ്രൻഡ്‌സും ഉണ്ടോ ?? ”

” എന്താപ്പോ ഇങ്ങനെ ചോദിക്കാൻ.. ?? “, അവൾ ചിരിച്ചുകൊണ്ട് എന്റെ തലയിലൂടെ വിരലോടിച്ചു.

” നീ പറയ്.. ”

” എനിക്കൊക്കെ ആര് ഉണ്ടാവാനാ എന്റെ ശങ്കൂ… ”

” നിനക്കു ഉണ്ടാവില്ലെന്നോ ?? ആർക്കാ മോളെ നിന്നെ ഇഷ്ടപ്പെടാത്തത് ?? ”

” ആണോ.. ?? ഞാൻ അത്രക്ക് അടിപൊളി ആണോ ?? ” അവൾ ഒരിത്തിരി ഗമയോടെ എന്നെ നോക്കി.

” പിന്നല്ലാതെ… നീ ഇപ്പോഴും പറഞ്ഞില്ല, ആരെങ്കിലും ഉണ്ടോ.. ? ”

” ഇല്ലാന്നേ… എന്താ ഇങ്ങനെ ചോദിക്കാൻ?? ”

” ഏയ്..നീ അന്ന് എന്നോട് അടി ഉണ്ടാക്കി നടന്ന സമയത്തു നീ ഒരുത്തനെയും കൊണ്ട് പോവുന്നത് ഞാൻ കണ്ടിരുന്നു… അതാ… ”

” അതാണോ…?? അതന്നത്തെ പ്രോജക്ട് ചെയ്തു കൊടുക്കാൻ ഉള്ള ചേട്ടനല്ലേ…ഞങ്ങളുടെ സീനിയറാ.. ”

” ഓ..ഞാൻ വിചാരിച്ചു, ഇനി നിനക്ക് ആരെങ്കിലും ഉണ്ടോ എന്ന്.. ”

” മ്.. എനിക്കങ്ങനെ ആരെങ്കിലും ഉണ്ടെങ്കിൽ ഞാൻ ഏട്ടനോട് പറയാതിരിക്കുമോ..?? പിന്നെ ഒരാളോട് ചെറിയൊരു ഇഷ്ടം ഒക്കെ ഉണ്ട്.. ആദ്യായിട്ടാ… നോക്കട്ടെ എവിടെ വരെ പോവുമെന്ന്… ”

ആ വാക്കുകൾ ചെറുതായിട്ട് ഒന്ന് വേദനിപ്പിച്ചു..

” ആരാടീ… പറ… ”

” ഹാ.. സമയം ആയിട്ടില്ലെന്നേ… പ്രേമം ഒന്നുമല്ല, വേറെന്തോ ആണ്.. അല്ല..എന്താ ഇപ്പൊ ഇങ്ങനെ ചോദിയ്ക്കാൻ… ?? ”

” ഒന്നുമില്ലെടീ… ഞാൻ വിശാലിന്റെ കാര്യം ആലോചിച്ചപ്പോൾ തോന്നിയതാ.. അവനു വരെ പെണ്ണായി.. ഞാനിപ്പോഴും സിംഗിൾ.. ”

” എല്ലാത്തിനും അതിന്റേതായ സമയമുണ്ട് ദാസാ… അല്ല.. ഈ ചോദിക്കുന്ന ആൾക്കുണ്ടോ?? ”

” അങ്ങനെ ഒന്നുമില്ല… പിന്നെ ഒരാളെ നോക്കിയാലോ എന്നുണ്ട്.. ”

അവൾ മറുപടി ഒന്നും പറയാതെ ടിവിയിലേക്ക് നോക്കിയിരുന്നു.

കുറച്ചു നേരം ടിവിയിലേക്ക് നോക്കി ഇരുന്നപ്പോഴാണ് ശ്രീയുടെ ഇലക്ഷൻ സീറ്റിന്റെ  കാര്യം സുജിത്തിനോട് ഒന്ന് പറയണം എന്ന് തോന്നിയത്. മെല്ലെ പുറത്തേക്ക് ഇറങ്ങി അവനെ വിളിച്ചു കാര്യം പറഞ്ഞു. അവൻ കുറച്ചു കഴിഞ്ഞു വിളിക്കാം എന്ന് പറഞ്ഞു ഫോൺ വെച്ചു. കുറച്ചുകഴിഞ്ഞു വിളിച്ചു.