ഹരിചരിതം 3 [Aadhi] 1392

എനിക്കവനെ കാണാൻ പറ്റിലെങ്കിലോ…. ഞാൻ ചത്ത് പോവും…. എനിക്ക് വേണ്ടിയാ അവൻ എല്ലാം കളഞ്ഞത്…ആ അവനു ഞാൻ വേറെന്താ ചെയ്യാ???? എന്നെ തന്നെ കൊടുക്കല്ലാണ്ട്??? കൊടുത്തു….അല്ലാതെ വേറെന്താ എന്റെ കൈയിൽ ഉള്ളത്…???? ഞാനും വരാണെന്നു പറഞ്ഞതാ….യു എസിക്ക്… പക്ഷെ അവന്റെ വേദന…അതാരും കാണണ്ടാന്നു….ഈ ഞാൻ കൂടി…കണ്ടാൽ ഞാൻ ചെലപ്പോ..അറീല, എന്താ ചെയ്യാ…. അതാ… അതാ….ഞാൻ വരണ്ടാന്നു പറഞ്ഞേ…….. “

കരച്ചിലിന്റെ ശക്തി കൂടിയിരിക്കുന്നു. എന്ത് പറഞ്ഞാണ് ഞാൻ സമാധാനിപ്പിക്കേണ്ടത്?? എല്ലാം ശരി ആവുമെന്നോ?? അതും ഈ കാര്യത്തിൽ എന്നേക്കാൾ വിവരം ഉള്ള ഒരു ഡോക്ടറോട്… ഒന്നും പറയാൻ ഇല്ല… ഞാൻ വെറുതെ അവളുടെ പുറത്തു തട്ടി ആശ്വസിപ്പിക്കാൻ ശ്രമിച്ചു കൊണ്ടിരുന്നു.

” അവൻ…പോയാൽ ഇനി കാണാൻ പറ്റുമോ…ഒന്നും…ഒന്നും അറിയില്ല…. പക്ഷെ അവനല്ലാതെ വേറാരും .എനിക്കുണ്ടാവില്ല…. എനിക്ക് അത്രക്ക് ഇഷ്ടാ അവനെ…ന്നേക്കാളും ഏറെ… അവൻ പോവുന്നെന്റെ മുന്നേ എനിക്ക് കൊടുക്കാൻ വേറൊന്നും ഉണ്ടായിരുന്നില്ല…. എന്നെ തന്നേ ഉണ്ടായിരുന്നുള്ളൂ… എന്റെ ഇഷ്ടം, സ്നേഹം ഒക്കെ മുഴുവനായി …..കൊടുത്തു…. വേറെന്താ ഞാൻ ചെയ്യാ…ഒന്നും ചെയ്യാൻ പറ്റാതായില്ലേ എനിക്ക്…???  ”

എന്റെ കണ്ണും അറിയാതെ നിറഞ്ഞു… നിറഞ്ഞൊഴുകാൻ തുടങ്ങി… ഞാൻ എന്ത് മനുഷ്യൻ ആണ്… സത്യം അറിയാതെ എന്തൊക്കെ ചിന്തിച്ചു കൂട്ടി….

അഭി… അവളാണ് ശരി…അവളുടെ സ്നേഹം ആണ് സത്യം. !

” സോറി ടീ.. ഞാൻ..ഞാനെന്തൊക്കെയോ വിചാരിച്ചു പോയി..” കരഞ്ഞു കൊണ്ട് ഞാൻ അവളെ ചേർത്തുപിടിച്ചു.

**********

എത്ര നേരം ആ ഇരുത്തം ഇരുന്നെന്നോ എപ്പോൾ കിടന്നെന്നോ ഓർമ ഇല്ല. എഴുന്നേറ്റപ്പോഴേക്കും നേരം വൈകിയിരുന്നു, പത്തുമണി കഴിഞ്ഞിട്ടുണ്ട്. റൂമിനു പുറത്തേക്ക് ഇറങ്ങിയപ്പോൾ അഭിയുടെ റൂം അടച്ചിട്ടിരിക്കുന്നു, അവൾ ഹോസ്‌പിറ്റലിൽ പോയിക്കാണും …   ഇന്നാണ് വരുൺ പോവുന്നത്.. ചിലപ്പോൾ അവനെ കാണാൻ പോയതും ആവാം. ഇന്നലെ അഭി പറഞ്ഞ കാര്യങ്ങൾ എല്ലാം എന്റെ മനസ്സിൽ തന്നെ ഭദ്രമായി ഇരിക്കണം.. ശ്രീയോട് അന്ന് കണ്ടതെല്ലാം പറയാതിരുന്നത് നന്നായി.. അവൾ കൂടി ചിലപ്പോൾ അകൽച്ച കാണിച്ചിരുന്നെങ്കിൽ പാവം അഭിക്ക് എത്ര സങ്കടം ആയേനെ…

ശ്രീ പോയോ?? പോവാൻ സാധ്യത ഇല്ല.. എന്നെ വിളിക്കേണ്ടതാണല്ലോ.

താഴെ ഇറങ്ങി ചെന്നപ്പോൾ ശ്രീ ഇരുന്നു ടിവി കാണുന്നു. വീട്ടിൽ ഇടുന്ന ഡ്രസ് തന്നെ ആണ്.

” ഡീ…ഗുഡ് മോണിങ്. ”

” മോണിങ്… നേരം വെളുത്തോ? ”

” ഉറക്കം ഓവർ ആയിപ്പോയി..  നിനക്ക് എന്നെ ഒന്ന് വിളിച്ചൂടായിരുന്നോ?? ”

” ദേ.. ഒരു മാതിരി വർത്താനം പറയരുത്.. ഞാൻ വന്നു വിളിച്ചപ്പോ, ഇന്ന് പോവേണ്ട.. ലീവാണെന്നൊക്കെ പറഞ്ഞത് ആരാ.. ? ”

” ഞാൻ അങ്ങനെ പറഞ്ഞോ…. എനിക്ക് ഓർമ ഇല്ലലോ… ”

” ആ.. പറഞ്ഞു. പിന്നെ എനിക്കും പോവാൻ വലിയ മൂഡില്ലാത്തത് കൊണ്ട് ഞാൻ എണീപ്പിച്ചില്ല എന്നെ ഉള്ളൂ…”