ഹരിചരിതം 3 [Aadhi] 1392

ശെരിയാണ്…ഞാനും ഓർക്കുന്നുണ്ട് പണ്ട് പ്ലസ് ടു കഴിഞ്ഞപ്പോൾ എഴുതിയത്. ആർമിയുടെ കോളേജ് ആണ്. ദി ബെസ്റ്റ്. കോഴ്‌സ് കഴിഞ്ഞാൽ ആർമിയിൽ തന്നെ ജോലി, ഡോക്ടർ ആയിട്ട്…എല്ലാവരും അത്രക്ക് ആഗ്രഹിക്കുന്ന കോളേജ് ആണ്.

” പക്ഷെ അവൻ അത് എടുത്തില്ല. എന്റെ കൂടെ ഇവിടെ ചേർന്നു.. എന്റെ കൂടെ നില്ക്കാൻ വേണ്ടി മാത്രം…” അവൾ കരയാൻ തുടങ്ങിയിരുന്നു.

” അഭി… എന്താടീ ഇത്.. ” ഞാൻ എണീറ്റ് അവളുടെ സൈഡിലേക്ക് ഇരുന്നു. അവൾ എന്റെ തോളിലേക്ക് തല വെച്ച് വെച്ച് കരയാൻ തുടങ്ങി.

” അതിനിപ്പോൾ എന്താ??? നിങ്ങൾ കോഴ്സ് കഴിഞ്ഞില്ലേ….കല്യാണം അല്ലേ?? അതിനു നീയെന്തിനാ കരയുന്നത്?? ”

” അതിനവൻ ഉണ്ടാവും എന്ന് ഉറപ്പില്ലെന്ന്…” അവൾ ഏങ്ങലടിച്ചുകൊണ്ട് പറഞ്ഞു.

” ഏഹ്..നീയെന്താ പറഞ്ഞത്?? ” ഞാൻ ഞെട്ടിക്കൊണ്ട് അവളുടെ മുഖത്തോട്ട് തിരിഞ്ഞു ചോദിച്ചു.

” ഞങ്ങൾ പഠിക്കുന്ന സമയത്തു അനാട്ടമി പ്രാക്ടിക്കൽ ഒക്കെ തുടങ്ങി…നമ്മൾ ആദ്യം ആയിട്ട് ഇതൊക്കെ കാണുമ്പോ, പ്രത്യേകിച്ച് ബ്ലഡ് ഒക്കെ കാണുമ്പോ ഇല്ലേ..തല ഒക്കെ കറങ്ങും… അങ്ങനെ ആദ്യത്തെ ക്ലാസിൽ അവൻ തല കറങ്ങി..എല്ലാവരും കളിയാക്കി..ഞാനും. പിന്നെ അത് ഇടക്കിടക്ക് വരാൻ തുടങ്ങി… ഇവിടെ…ഇവിടെ കാണിച്ചപ്പോൾ കുഴപ്പം ഒന്നുമില്ലാന്നു പറഞ്ഞു. അതിനുള്ള മരുന്നൊക്കെ കൊടുത്തു.. അങ്ങനെ അതൊക്കെ പതുക്കെ മാറിയ പോലെ ആയി… അതിനിടയിൽ…… അവനൊരു ആക്സിഡന്റ് ഉണ്ടായി… ഞങ്ങൾ ഫോർത് ഇയർ പഠിക്കുമ്പോൾ…കോളജിലേക്ക് വരുമ്പോൾ കാറിനു ഒരു ലോറി ഇടിച്ചതാ… ഭാഗ്യത്തിന് കൂടുതൽ ഒന്നും പറ്റിയില്ല. പക്ഷെ ഒരു ഹെഡ് ഇഞ്ചുറി ഉണ്ടായി. അപ്പൊ…അപ്പൊ തല സ്‌കാൻ ചെയ്തപ്പോഴാ അവിടെ ഒരു ഗ്രോത്… ഗ്രോത് എന്നൊക്കെ പറഞ്ഞാൽ സ്റ്റാർട്ടിങ് അല്ല…. ഞങ്ങൾ ആകെ ഞെട്ടി…അവനു അങ്ങനെ പ്രശ്നം ഒന്നും ഇല്ലായിരുന്നു കുറെ കാലം ആയിട്ട്.. ചോദിച്ചപ്പോൾ ആണ് ഇടക്ക് തലവേദന വരും, പക്ഷെ അതത്ര കാര്യം ആയിട്ട് എടുത്തില്ല എന്ന് പറഞ്ഞത്…

എടാ… ഞങ്ങൾ… ഞങ്ങൾ ഒക്കെ ഡോക്‌ടേഴ്‌സ് അല്ലേ… എന്നിട്ട് ഞങ്ങൾക്ക് ഇത് കണ്ടുപിടിക്കാൻ ആയില്ലേടാ…. ” അവൾ പൊട്ടിക്കരഞ്ഞുകൊണ്ട്‌ എന്റെ മടിയിലേക്ക് വീണു…

“പിന്നെ കുറെ കാലം മരുന്നും കീമോയും ഒക്കെ…നല്ല വേദന ആണ് അപ്പോൾ… പാവം…എന്തോരം വേദന സഹിച്ചു….. വേദന എന്നൊക്കെ പറഞ്ഞാൽ ഉണ്ടല്ലോ, നമുക്ക് ആലോചിക്കാൻ പറ്റില്ല, ചിലപ്പോ അത്രക്കൊക്കെ വരും..ഞങ്ങൾ ഓരോരുത്തരെ കാണുന്നതല്ലേ… അത് പക്ഷെ നമുക്ക് അത്രക്ക് ഇഷ്ടമുള്ള ഒരാൾക്ക് വന്നാലോ…. സഹിക്കൂല്ലെടാ….അവനു ഭയങ്കര ആഗ്രഹം ആയിരുന്നു, ഓങ്കോളജിയിൽ സ്‌പെഷലൈസ് ചെയ്യണം ന്നു… ആ അവനു തന്നെ….

എനിക്കും ഇടക്ക് അവന്റെ വേദന കാണാൻ പറ്റില്ലായിരുന്നു… അവന്റെ ചേട്ടനൊക്കെ അവിടെ യു.എസിൽ ഉണ്ട്… അവർ അവിടേക്ക് കൊണ്ടുപോവാണ് അവനെ, നാളെ. ഓപ്പറേറ്റ് ചെയ്യണം എന്നൊക്കെ ആണ് പറയുന്നത്.. പക്ഷെ ചാൻസ്… ചാൻസ് കുറവാണെന്നു…. എന്നാലും അവനത് വേണം എന്ന് പറഞ്ഞപ്പോ ഞാൻ വേണ്ടാന്നു പറഞ്ഞില്ല… പാവല്ലേ…എത്ര കാലമാ ഈ വേദന സഹിക്കുക??

പക്ഷെ അവൻ…അവൻ ഇല്ലെങ്കിൽ പിന്നെ അഭി ഇല്ല… അതവനറിയാം…അതുകൊണ്ട് അവൻ പ്രോമിസ് ചെയ്യിപ്പിച്ചിട്ടാ പോവുന്നത് എന്നെ കൊണ്ട്….. ഞാൻ ഒന്നും ചെയ്യില്ലാന്നു…

ഡാ…എനിക്ക് വേണ്ടി അവൻ ഇത്ര ഒക്കെ ചെയ്തതല്ലേ… ഇനി..ഇനി…ചിലപ്പോ