ഹരിചരിതം 3 [Aadhi] 1392

ഞാൻ ഒന്നും മിണ്ടിയില്ല.

” നിനക്കൊന്നും ചോദിയ്ക്കാൻ ഇല്ലേ?? ” കുറച്ചു സമയം ആയിട്ടും എന്റെ മറുപടി കേൾക്കാതെ ആയപ്പോൾ അവൾ ചോദിച്ചു.

” ഞാൻ എന്ത് ചോദിയ്ക്കാൻ?? ”

” നിനക്ക് ഒന്നും അറിയണമെന്നില്ലേ?? ”

” ഇല്ല.. നമ്മൾ ചെറിയ കുട്ടികൾ ഒന്നുമല്ലല്ലോ..എല്ലാവര്ക്കും അവരവരുടേതായ കാര്യങ്ങൾ ഉണ്ടാവും. പിന്നെ നമ്മൾ തമ്മിൽ ആകെ ഒരു മാസത്തെ പരിചയം ഉള്ളൂ.. ”

” അതിനു…?? ഒരു മാസം പരിചയമേ ഉള്ളൂ എന്ന പോലെ ആണോ ഞങ്ങൾ നിന്നോട് പെരുമാറിയിട്ടുള്ളത്?? ”

” പെരുമാറ്റത്തിന്റെ കാര്യം അല്ല. നിന്റെ എല്ലാ കാര്യവും എന്നോട് പറയേണ്ട ആവശ്യം ഇല്ലെന്നാണ് പറഞ്ഞത് ”

അവൾ ഒന്നും മിണ്ടിയില്ല.

” അല്ലെങ്കിലും ഇങ്ങനെ ഒക്കെ ഉണ്ടായാൽ എല്ലാവർക്കും പറയാൻ ഓരോ ന്യായങ്ങൾ ഉണ്ടാവും. അത് പറഞ്ഞു കഷ്ടപ്പെടണ്ട. എനിക്ക് നിന്നെ കുറിച്ച് ഒരു തെറ്റിധാരണയും ഇല്ല. പിന്നെ ലീഗലി ഇതൊന്നും തെറ്റല്ലല്ലോ… ”

“മ്… ലീഗലി തെറ്റല്ല. പക്ഷെ ഞാൻ അങ്ങനെ ഒരാൾ ആണെന്ന് നിനക്ക് തോന്നുന്നുണ്ടോ?? ”

” ഞാൻ അതിനെ കുറിച്ച് ആലോചിച്ചിട്ടില്ല, എനിക്ക് അറിയേം വേണ്ട.. ഏതായാലും എനിക്ക് അതിനു ശേഷം നിന്നെ പഴയ പോലെ കാണാൻ പറ്റുന്നില്ല, അതുറപ്പാ… ഞാൻ പറയണം എന്ന് വിചാരിച്ചതല്ല, പക്ഷെ ഇനി ഇതേ പോലെ ന്യായീകരവും ആയിട്ട് വരാതിരിക്കാൻ പറഞ്ഞതാ… “, ഞാൻ പതുക്കെ അവിടെ നിന്നും എഴുന്നേൽക്കാൻ തുടങ്ങി.

” ന്യായീകരണം അല്ലെ…??ഇത്രയും പറഞ്ഞതല്ലേ… ഇത് കൂടി കേട്ടിട്ട് പോ… ”

” എന്താ….?? ”

” അത് വേറാരും അല്ല, ഞാൻ ഒരാളോടൊപ്പം ജീവിക്കുന്നുണ്ടെങ്കിൽ അതവന്റെ കൂടെ ആയിരിക്കും ”

” ഓ…അത് പ്രൂവ് ചെയ്തതാണോ അന്ന് കണ്ടത്?? കഷ്ടം…” ഞാൻ ഒരല്പ്പം പുച്ഛത്തോടെ പറഞ്ഞു കൊണ്ട് അവിടെ തന്നെ ഇരുന്നു.

” നീ എന്നെ ഇങ്ങനെ ചീപ്പ് ആയിട്ട് കാണല്ലേ ശങ്കൂ…” അവളുടെ ശബ്ദത്തിൽ നല്ല സങ്കടം ഉണ്ട്.

” ഞാൻ എങ്ങനെ ആണ് നിന്നെ പറഞ്ഞു മനസിലാക്കുക?? ഞങ്ങൾ ഇഷ്ടത്തിൽ ആണ്… ഇന്നോ ഇന്നലെയോ തുടങ്ങിയതല്ല. സ്‌കൂൾ മുതലേ…പക്ഷെ അന്നത്തെ സംഭവം, അതാദ്യം ആയിട്ടാണ്… ”

ഞാൻ ഒന്നും മിണ്ടാതെ അവളെ തന്നെ നോക്കിയിരുന്നു.

” ഞങ്ങൾ അവിടെ നിന്നും മാറി ഇവിടെ വന്നു ചേർന്നപ്പോൾ മുതലേ വരുണും ഞാനും ഒന്നിച്ചാണ്  പഠിച്ചത്. മിക്കവാറും ഒരേ ക്ലാസ്സിൽ… അവൻ നല്ല ബ്രില്ലിയൻറ് സ്ടുടെന്റ്റ് ആയിരുന്നു…ക്ലാസ് ടോപ്പർ. ടീച്ചർമാരുടെ കണ്ണിലുണ്ണി. ക്ലാസ് ലീഡർ. സ്പോര്ട്സിലും ആർട്സിലും ഒക്കെ ഒന്നാമൻ. ഞാൻ വെറും ആവറേജ്. ഇവിടെ വന്നു ആദ്യ പരീക്ഷ കഴിഞ്ഞപ്പോൾ തന്നെ എനിക്ക് എന്റെ ലെവൽ മനസ്സിലായി. ടീച്ചർമാർ എപ്പോഴും വരുണിനെ നോക്കി പഠിക്ക് എന്ന് പറഞ്ഞു കൊണ്ടുള്ള കമ്പാരിസൺ. പിന്നെ എനിക്കൊന്നും ചെയ്യാൻ ഉണ്ടായിരുന്നില്ല.. ക്ലാസ്സിൽ മാർക്ക് കുറഞ്ഞാൽ വീട്ടിൽ അമ്മ അടിക്കും,