ഇലഞ്ഞി പൂക്കുമ്പോള്‍ [പ്രദീപ്] 86

തിളങ്ങുന്ന വെളുത്ത വസ്ത്രങ്ങളില്‍, ചുറ്റും പൂക്കളൊക്കെ വച്ച്.

പക്ഷേ, അന്നാ കണ്ണുകളിലെ തിളക്കം കാണാനുണ്ടായിരുന്നില്ല. ഒരിയ്ക്കലും തുറക്കാന്‍ ഇഷ്ടമില്ലാത്ത വണ്ണം അവരത് ചേര്‍ത്ത് അടച്ചു വച്ചിരുന്നു.

“നിനക്കു ഇന്നാണോ വരാന്‍ സമയം കിട്ടിയതു”

എന്ന് അവരെന്നോട് പറയുന്ന പോലെ തോന്നി.

വീടിന് പുറത്തിറങ്ങി പിറകിലുള്ള ഇലഞ്ഞിയുടെ ചുവട്ടില്‍ നിന്നു മുകളിലേക്കു നോക്കി, പൂത്തിട്ടില്ല…

ആലോചനകള്‍ക്ക് വിട പറഞ്ഞു കാറില്‍ നിന്നും പുറത്തിറങ്ങുന്നതിനെ കുറിച്ചു ആലോചിച്ചു, ഇനിയിപ്പോള്‍ ചായ വേണ്ട… തല അനക്കാന്‍ വയ്യാത്ത വിധം കനം പിടിച്ചിരിക്കുന്നു സൈഡ് വിന്‍ഡോ താഴ്ത്തിയ കാരണം ആകാം മഞ്ഞും തണുത്ത കാറ്റും അകത്തു കയറിയിട്ടുണ്ട്.

വീണ്ടും ഇലഞ്ഞിപൂവിന്റെ മണമായി തണുത്ത കാറ്റകത്തേക്ക് തുളഞ്ഞു കയറി.

ചെവിയിലേക്ക് കയറിയ കാറ്റില്‍ ആരോ പതിയെ പറയുന്നുണ്ടായിരുന്നു

“ഡാ ചെര്‍ക്കാ, ഇത്തവണ ഇലഞ്ഞി പൂത്തുട്ടാ…,

പക്ഷേ…… കാണാന്‍ ഞാനും ഇല്ല പെറുക്കാന്‍ നീയും ഇല്ല”…

25/12/2020, രാവിലെ മലയാളം വാര്‍ത്താ ചാനലില്‍ സ്ക്രോള്‍ ന്യൂസ് പോകുന്നുണ്ടായിരുന്നു

“സുഹൃത്തുക്കള്‍ക്കൊപ്പം ക്രിസ്തുമസ് ആഘോഷങ്ങളില്‍ പങ്കെടുത്ത് തിരിച്ചു വരവേ പ്രവാസി മലയാളി വാഹനാപകടത്തില്‍ മരിച്ചു”.

ആ ഇലഞ്ഞിമരം അപ്പോഴും പൂക്കള്‍ പൊഴിച്ചുകൊണ്ടേ ഇരുന്നു…

**************************************************************************************