ഹലോ കൂട്ടുകാരെ. എഴുതാൻ തീരെ മൂഡ് ഉണ്ടായിരുന്നില്ല അതാണ്‌ വൈകിയത്. പിന്നെ എപ്പോഴും പറയുന്നത് പോലെ അഭിപ്രായം അറിയിക്കാൻ മറക്കണ്ട. ഇഷ്ടായില്ലെങ്കി ഇഷ്ടായില്ല എന്ന് തന്നെ പറഞ്ഞോ.

 

ഈ പാർട്ട്‌ എഡിറ്റ്‌ ചെയ്തത് PV ആണ്. അപ്പൊ തെറ്റുണ്ടെങ്കിൽ അവനെ ചീത്ത വിളിച്ചോ :p 🙂

 

ബാല്യകാലസഖി 3

BalyaKaalasakhi Part 3 | Author : Kuttappan

[ Previous Part ]

 

 

” മോനെ അപ്പൂ… കുഞ്ഞൂനെ കണ്ടോ…
ചായ കുടിക്കാൻ വിളിച്ചപ്പോ ഇപ്പ വരാന്ന് പറഞ്ഞിട്ട് പോയതാ.. ”

വീടിന്റെ പുറകിൽ നിന്ന് വരുന്ന അഖിലിനെ കണ്ട് സരോജിനി അവനോട് ചോദിച്ചു.

” ആ സരോമ്മേ… ദേവിക കുളത്തിലുണ്ട്.
കുളിക്കുവാന്ന തോന്നണേ.. ”
അവൻ വിളിച്ചുപറഞ്ഞു.

” എന്റീശ്വര… നീന്തൽ അറിയാത്ത പെണ്ണ് ഇതെന്ത് ഭാവിച്ചാ ”

അവർ ആരോടെന്നില്ലാതെ പറഞ്ഞു നെഞ്ചിൽ കൈ വച്ചു.

എന്നാൽ അപ്പു അത് വ്യക്തമായി കേട്ടു.

അപ്പൊ ദേവികക്ക് നീന്തൽ അറിഞ്ഞൂടെ?…

അവന്റെയുള്ളിൽ ഒരു വെള്ളിടി പാഞ്ഞുപോയി.

പിന്നെ ഒരു ഓട്ടമായിരുന്നു കുളത്തിലേക്ക്.

അവന്റെ ഓട്ടം കണ്ട് അരുതാത്തതെന്തോ സംഭവിച്ചു എന്ന് തോന്നിയത് കൊണ്ടോ എന്തോ “മോളേ” എന്ന് നിലവിളിച്ച് സരസ്വതി അവന്റെ പിന്നാലെ ഓടി.
അവരുടെ നെഞ്ചിടിപ്പ് വേഗത്തിലായി.

അവൻ ഓടി എത്തിയപ്പോളേക്കും ചെറിയ അലകൾ ഉണ്ടെന്ന് ഒഴിച്ചാൽ കുളം അതിന്റെ ശാന്തത കൈവരിച്ചു തുടങ്ങിയിരുന്നു.

അവൻ കുളത്തിലേക്ക് എടുത്തുചാടി. വെള്ളത്തിനടിയിൽ വച്ച് അവൻ കണ്ടു

ബോധം മറഞ്ഞു നിശ്ചലയായ ദേവികയുടെ ശരീരം.

അവൻ വേഗത്തിൽ അവിടേക്ക് നീന്തി. അവളെ കൈകളിൽ കോരിയെടുത്ത് കുളത്തിന്റെ പടിക്കെട്ടിൽ കിടത്തി.

അപ്പോഴേക്കും സരസ്വതിയുടെ നിലവിളി കേട്ട് ലക്ഷ്മിയും അങ്ങോട്ടേക്ക് പാഞ്ഞെത്തി.

അനക്കമില്ലാത്ത ദേവികയുടെ ശരീരം കണ്ട് രണ്ട് അമ്മമാരും പൊട്ടിക്കരഞ്ഞു.

അപ്പു വേഗത്തിൽ അവളുടെ വയറിൽ അമർത്തിക്കൊണ്ടിരുന്നു. അതിന്റെ ഫലമായി അവളുടെ വായിൽക്കൂടി വെള്ളം പുറന്തള്ളപ്പെട്ടു.