ബൂസ്റ്റ്‌ [അലീന] 353

എനിക്ക് വിഷമം ആയിന്നു അമ്മക്ക് മനസിലായ കൊണ്ടാണെന്നു തോന്നുന്നു അപ്പൊ തന്നെ പറഞ്ഞു..”നമുക്ക് ഇന്ന് കട്ടൻ ചായയിൽ ഇട്ടു കുടിക്കാം.. നാളെ പാൽ കറന്നിട്ടു പാലിൽ ഇട്ടു തരാം..”

എനിക്ക് എങ്ങനെ ആയാലും ഇതിന്റെ രുചി ഒന്ന് അറിയണം.. അത്രേയുള്ളൂ..

അമ്മ അപ്പൊ തന്നെ കട്ടൻ ഉണ്ടാക്കി ഒരു സ്പൂൺ ബൂസ്റ്റ്‌ ഇട്ട് കലക്കി തന്നു… ഞാൻ കുടിച്ചു..
ഒരു രസമില്ല… എന്നാലും രുചി അറിഞ്ഞല്ലോ… കുറച്ചു സമാധാനം..

അങ്ങനെ ആ സമാധാനത്തിൽ പോയി കിടന്നു… പെട്ടെന്ന് നേരം വെളുത്തിട്ട് ബൂസ്റ്റ് ഇട്ട പാൽ കുടിക്കണം.. അതായിരുന്നു മനസ് നിറയെ…

എന്തൊക്കെയോ തട്ടും മുട്ടും കേക്കുന്നുണ്ട്…പതുക്കെ കണ്ണു തുറന്നു..

വെട്ടം… ആ നേരം വെളുത്തു..

ചാടി എണീറ്റ് പോയി പല്ലൊക്കെ തേച്ച് ഓടി വന്നു..

അമ്മ ചെറു ചൂടിൽ ഒരു സ്റ്റീൽ ഗ്ലാസിൽ ബൂസ്റ്റൊക്കെ ഇട്ട് പാൽ തന്നു..

എന്ത് രസം.. നല്ല മധുരം…

ഇതുവരെ അനുഭവിക്കാത്ത ഒരു രുചി… കൊള്ളാം…
നല്ല രുചി… ഞാൻ ആസ്വദിച്ചു മൊത്തം കുടിച്ചു..

********

“മീര വിശ്വൻ…!!!! സർ വിളിക്കുന്നു. ”

അറ്റന്ററുടെ ശബ്ദം കേട്ടാണ് മയക്കത്തിൽ നിന്ന് എണീക്കണത്..

എണീറ്റ വഴി ഞാൻ സമയം നോക്കി…

3 മണി ആകുന്നു…
ഇതുവരെയും ചോറ് കഴിച്ചിട്ടില്ല… വിശന്നിട്ടു വയ്യ…

രാവിലെ 10 മണിക്കു വന്നിരിക്കണതാ…

എല്ലാവരും തിരക്കിലാ…

പേര് വിളിച്ചപ്പോ തന്നെ ഞാൻ എണീറ്റു ഓഫീസിൽ അകത്തേക്ക് ചെന്നു…
ആദ്യായിട്ട ഒരു ഗവണ്മെന്റ് ഓഫീസിൽ ഇങ്ങനെ വരണത്…
സിനിമയിൽ കാണുന്നപോലെ തന്നെ…
കുറേ പൊടിപിടിച്ച ഫയലുകൾക്കു നടുവിലാണ് എല്ലാവരും ഇരിക്കണത്…
ഒരു ബഹളവും ഇല്ല… നല്ല ശാന്തമായ അന്തരീക്ഷം…

“അവിടെ ഇരുന്നോളു.. സർ ഇപ്പോ വരും.. ” അറ്റെൻഡർ എന്നോട് പറഞ്ഞു..
ആ ചേട്ടന് അച്ഛൻറെ അത്രേം പ്രായം വരും…
അപ്പുറെ ഒക്കെ കുറെ സ്റ്റാഫ്‌ ഇരിക്കുന്നുണ്ട്…
എല്ലാരും ജോലി തിരക്കിലാ..

ഒരു വെള്ള ഷർട്ടും പാന്റ്റൊക്കെ ഇട്ടു അത്യാവശ്യം പ്രായമുള്ള ഒരാൾ നടന്നു വരുന്നുണ്ട്… അയാൾ അവിടുന്ന് തന്നെ എന്നെ നോക്കുന്നുണ്ട്..

അറ്റെൻഡർ അയാളോട് എന്നെ നോക്കി എന്തൊക്കെയോ പറയുന്നുണ്ട്…

ഞാൻ നേരെ നോക്കിയിരുന്നു…

കുറച്ചു കഴിഞ്ഞു അയാൾ എന്റെ മുന്നിലുള്ള കാബിനിലെ കസേരയിൽ വന്നിരുന്നു…